Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 13:1-23

13  Ua toe oo mai le afioga a Ieova iā te aʻu e faapea:  “Le atalii e o le tagata, ia e fai atu valoaga e faatatau i perofeta o Isaraelu o ē o loo faia valoaga,+ ia e fai atu iā i latou ua faia valoaga mai i o latou lava loto,+ ‘Inā faalogo mai ia i le afioga a Ieova.+  O le fetalaiga lenei a le Alii Pule Silisili Ese o Ieova: “Oi talofa i perofeta vālea,+ o ē e savavali e tusa ma o latou loto,+ ae e leʻi vaaia e i latou se mea!+  Isaraelu e, ua pei ou perofeta o alope* i mea ua faatafunaina.+  O le a lē tutū outou i vaega ua lepetia o le pā,+ pe e tou te atiaʻe se pā+ maa mo le aiga o Isaraelu, ina ia tutū ai i le taua o le aso o Ieova.”+  “Ua latou vaaia se faaaliga i se mea pepelo ma e pepelo foʻi a latou valovaloga,+ o ē ua faapea mai, ‘O le fetalaiga lenei a Ieova,’ ae e leʻi aauina mai i latou e Ieova, ma ua latou faatalitali foʻi ina ia taunuu ia upu.+  Pe e lē o se faaaliga pepelo ea na outou vāai i ai, ma o se valovaloga pepelo faataulāitu na outou fai mai ai ina ua outou faapea mai, ‘O le fetalaiga lenei a Ieova,’ ae ou te leʻi fai atu lava se tala?” ’+  “ ‘O lea, o le fetalaiga lenei a le Alii Pule Silisili Ese o Ieova: “ ‘Talu ai ua outou tautatala i upu pepelo ma ua pepelo foʻi a outou faaaliga, o lea, ou te tetee atu ai iā te outou,’+ ua fetalai mai ai le Alii Pule Silisili Ese o Ieova.”  Ua oo foʻi loʻu lima faasaga i perofeta o ē ua vaaia faaaliga pepelo ma faia valovaloga pepelo faataulāitu.+ E lē toe aufaatasi i latou ma loʻu nuu pe a latou faapotopoto,+ e lē lesitalaina o latou igoa faatasi ma le aiga o Isaraelu,+ e lē ō atu foʻi i latou i le laueleele o Isaraelu;+ o le a outou iloa ai o aʻu lava o le Alii Pule Silisili Ese o Ieova,+ 10  talu ai, ioe, talu ai ua latou taʻitaʻisesēina loʻu nuu e faapea, “Ua iai le filemu!” ae e leai se filemu,+ ma e iai lē ua fausia le pā e vavae ai, ma i latou ua vali fua+ le pā i le vali paʻepaʻe.’+ 11  “Ia fai atu iā i latou ua valia le pā i le vali paʻepaʻe o le a soloia lava. O le a oo mai timuga tetele, ma o outou uatoʻa e, o le a totō ifo foʻi, o le a tō faataʻutaʻu mai le matagi malosi ma lepetia ai le pā.+ 12  Faauta! e soloia le pā. Pe e lē fai atu ea iā te outou lenei tala, ‘O fea le vali paʻepaʻe lea na outou valia ai le pā?’+ 13  “O lea, o le fetalaiga lenei a le Alii Pule Silisili Ese o Ieova, ‘Ou te faatō faataʻutaʻu mai le matagi ona o loʻu ita tele, o loʻu ita foʻi e faatotō ifo ai timuga tetele, ma o le ita tele o le a totō ifo ai uatoʻa e faaumatia ai.+ 14  O le a ou lepetia i lalo le pā na outou valia i le vali paʻepaʻe ma soloia i le palapala, e aliali mai foʻi lona faavae.+ O le a paʻū lava le aai ma e faaumatia outou i le lotolotoi o le aai; o le a outou iloa ai o aʻu lava o Ieova.’+ 15  “ ‘Ou te faaumaina loʻu ita tele i le pā atoa ma i latou na valia i le vali paʻepaʻe, ou te faapea atu iā te outou: “Ua lē toe iai se pā, faapea ma i latou na valia,+ 16  o perofeta ia o Isaraelu o ē ua faia valoaga e faatatau iā Ierusalema ma ua vaaia se faaaliga o le filemu+ mo le aai, ae e leai se filemu,” ’ ua fetalai mai ai le Alii Pule Silisili Ese o Ieova.+ 17  “A o oe le atalii e o le tagata, ia e faasaga atu i afafine o lou nuu,+ o ē ua fai ma perofeta fafine+ mai i o latou lava loto,+ ma faia valoaga faasaga iā i latou. 18  Ia e fai atu, ‘O le fetalaiga lenei a le Alii Pule Silisili Ese o Ieova: “Oi talofa i fafine ua suʻi fusi mo tulilima uma ma fai veli o ulu o tagata e fuaitino eseese ina ia maileia ai tagata!+ Po o tagata ia tou te tau maileia o tagata ea o loʻu nuu, ae pe e tou te faaolaina ea i latou ua iā te outou? 19  Pe e tou te faaleagaina ea aʻu i loʻu lava nuu ona o luuga o karite ma ni fasi falaoa,+ ina ia fasiotia ai tagata e lē tatau ona oti,+ ae e faaolaina tagata e lē tatau ona ola, i lo outou tala pepelo atu i loʻu nuu, o ē ua faalogo atu i lenā pepelo?” ’+ 20  “O lea, o le fetalaiga lenei a le Alii Pule Silisili Ese o Ieova, ‘Ou te tetee atu i fusi a o outou fafine o loo outou maileia ai tagata e pei i latou o ni manufelelei, o le a ou saeia fusi mai i o outou lima ma tuu saʻoloto tagata na outou maileia e pei i latou o ni manufelelei.+ 21  Ou te saeia o outou veli ma laveaʻiina loʻu nuu mai i o outou lima, e lē toe iai lava i latou i o outou lima e pei o se mea ua maua mai i le mailei; o le a outou iloa ai o aʻu lava o Ieova.+ 22  Talu ai ua outou faavaivai le loto o le tagata amiotonu i tala pepelo,+ ae ou te leʻi faatigā iā te ia, ma faamalosia lima o lē e amioleaga+ ina ia lē liliuese mai ai i lona ala leaga ma faaolaina ai,+ 23  o le mea lea, e lē toe vaaia+ ai e outou o fafine ni faaaliga pepelo,+ e tou te lē toe vavalo+ foʻi i ni valovaloga faataulāitu;+ ae ou te laveaʻiina loʻu nuu mai i o outou lima,+ ma o le a outou iloa ai o aʻu lava o Ieova.’ ”+

Faamatalaga Pito i Lalo

O le “alope” o se ituaiga o taʻifau. E taʻua i le faa-Peretania o le fox.