Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Esekielu 12:1-28

12  Ua oo mai foʻi le afioga a Ieova iā te aʻu e faapea:  “Le atalii e o le tagata, ua e nofo faatasi ma le aiga fouvale,+ ua iā te i latou mata, ae ua latou lē vāai ai,+ ua iā te i latou foʻi taliga, ae ua latou lē faalogo ai,+ auā o i latou o le aiga fouvale.+  A o oe le atalii e o le tagata, ia e sauni ni ato mo oe e pei o le a ave faapagota, ma ia alu atu e pei o le a ave faapagota oe i le ao a o latou vaavaai mai, ia e alu faapagota mai i le mea o loo nofo ai i se isi mea a o latou vaavaai mai. Atonu o le a latou iloa ai, e ui o i latou o le aiga fouvale.+  Ia e aumaia au ato e pei o ato e ave pe a ave faapagota i le ao a o latou vaavaai mai, ia e alu atu i le afiafipō a o latou vaavaai mai, e pei o i latou o le a ave faapagota.+  “Ia eli sou auala i le pā o le fale a o latou vaavaai mai, ma aumai ai au ato mai i lea mea.+  E te ave au ato i ou tauʻau a o latou vaavaai mai. Ae e te aumaia au ato a o pogisa. E te ufiufi i ou mata ina ia lē mafai ona e vaai i le eleele, auā ua ou faia oe ma faailoga+ i le aiga o Isaraelu.”+  Ona ou faia lea e pei ona poloaʻi+ mai ai iā te aʻu. Na ou aumaia aʻu ato e pei o ato e ave pe a ave faapagota i le ao; ae i le pō na ou eli i loʻu lima loʻu auala i le pā o le fale. Na ou aumaia aʻu ato i le pogisa. Na ou ave i oʻu tauʻau a o latou vaavaai mai.  Ua oo mai foʻi le afioga a Ieova iā te aʻu i le taeao e faapea:  “Le atalii e o le tagata, pe e leʻi fai atu ea le aiga o Isaraelu, o le aiga fouvale+ iā te oe e faapea, ‘O ā au mea o fai?’ 10  Ia fai atu iā i latou, ‘O le fetalaiga lenei a le Alii Pule Silisili Ese o Ieova: “O le feʻau lenei mo le taʻitaʻi,+ o le feʻau foʻi faasaga iā Ierusalema ma le aiga uma o Isaraelu o ē ua iā i latou.”’ 11  “Ia fai atu, ‘O aʻu nei o le faailoga+ iā te outou. E pei ona ou faia, e faapea lava ona faia iā i latou. O le a tuliesea i latou ma ave faapagota.+ 12  A o le taʻitaʻi o lē o loo iā te i latou, o le a ia ave lana ato i lona tauʻau i le pogisa ma alu atu ai; o le a latou eli i le pā o le aai ina ia aumaia ato i lea mea.+ E na te ufiufi ona mata ina ia lē vaai ai i le eleele i ona lava mata.’ 13  O le a ou fofolaina laʻu upega i ona luga, ma o le a maua o ia i laʻu upega tuli manu;+ o le a ou aumaia foʻi o ia i Papelonia, i le atunuu o tagata Kaletaia+ ae e lē vaai i ai o ia; ma o le a oti o ia i inā.+ 14  O le a ou faataapeapeina i matagi uma o ē uma e fesoasoani atu iā te ia, o ana ʻautau uma;+ ou te toina aʻe le pelu e mulimuli iā i latou.+ 15  Ona latou iloa ai lea o aʻu lava o Ieova pe a ou faataapeapeina i latou i nuu ma ou faasalalau solo i latou i atunuu eseese.+ 16  O le a ou faatotoe ni nai tagata mai iā i latou mai i le pelu,+ o le oge, ma le faamaʻi, ina ia latou faamatala atu a latou mea inosia+ uma na faia i atunuu latou te ō atu i ai;+ ona latou iloa ai lea o aʻu lava o Ieova.” 17  Ua oo mai foʻi le afioga a Ieova iā te aʻu e faapea: 18  “Le atalii e o le tagata, ia e ʻai au meaʻai ma le gatete, ia inu foʻi au vai ma le atuatuvale ma le popole.+ 19  Ia e fai atu foʻi i tagata o le laueleele, ‘O le fetalaiga lenei a le Alii Pule Silisili Ese o Ieova i tagata o nonofo i Ierusalema, i eleele o Isaraelu:+ “E ʻai a latou meaʻai ma le popole, e inu foʻi a latou vai ma le fefefe,+ auā o le a faatafunaina le laueleele ma mea uma ua iai, talu ai amioga sauā a ē o loo nonofo ai.+ 20  O le a faagaogaoina aai o loo nonofo ai tagata,+ o le a faatafunaina foʻi le laueleele;+ ona outou iloa ai lea o aʻu lava o Ieova.”’”+ 21  Ua toe oo mai foʻi le afioga a Ieova iā te aʻu e faapea: 22  “Le atalii e o le tagata, o le ā lenei faaupuga masani o loo iā te outou i le laueleele o Isaraelu+ e faapea, ‘Ua faaumiumi+ aso ma ua lē taunuu se faaaliga e tasi’?+ 23  O lea, ia fai atu iā i latou, ‘O le fetalaiga lenei a le Alii Pule Silisili Ese o Ieova: “O le a ou faamutaina lenei faaupuga, ma o le a lē toe taʻu atu e i latou lenei faataoto iā Isaraelu.”’+ Ae ia fai atu iā i latou, ‘Ua lata mai aso ma faataunuuga+ o faaaliga uma.’ 24  Auā o le a lē toe iai ni faaaliga+ lē aogā po o ni valovaloga faaʻoleʻole faataulāitu i le aiga o Isaraelu.+ 25  “‘Auā o aʻu lava o Ieova, o le upu ou te tautala atu ai o le upu lava lea ou te tautala ai, ma e faataunuuina lava.+ Le aiga fouvale e, e lē toe tolopōina,+ auā i o outou aso,+ ou te tautala atu ai i le upu ma e faataunuuina lava,” ua fetalai mai ai le Alii Pule Silisili Ese o Ieova.’” 26  Ua toe oo mai le afioga a Ieova iā te aʻu e faapea: 27  “Le atalii e o le tagata, faauta foʻi! o i latou o le aiga o Isaraelu ua latou faapea mai, ‘O le faaaliga ua ia vaai i ai e leʻi taitai oo mai i ia aso, ma ua ia faia valoaga e faatatau i taimi e leʻi taitai oo mai.’+ 28  O le mea lea, ia fai atu iā i latou, ‘O le fetalaiga lenei a le Alii Pule Silisili Ese o Ieova: “‘O so o saʻu upu lava, e lē toe tolopōina le faataunuuina.+ O le upu ou te tautala atu ai, o le a taunuu lava,’+ o le fetalaiga lea a le Alii Pule Silisili Ese o Ieova.”’”+

Faamatalaga Pito i Lalo