Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Esekielu 11:1-25

11  Ona sii lea o aʻu e le agaga+ ma tuuina+ atu aʻu i le faitotoʻa o le pā i le itu i sasaʻe o le fale o Ieova e faasaga i le itu i sasaʻe,+ faauta! ua iai ni tamāloloa se toʻalua sefulu lima+ i luma o le faitotoʻa o le pā, ua ou iloa ai o loo iā i latou o Iaasenaia le atalii o Asure ma Peletia le atalii o Penaia, o perenise ia o le nuu.+  Ona ia fetalai mai lea iā te aʻu: “Le atalii e o le tagata, o tamāloloa nei o loo faia ni faufauga leaga ma fautuaina taupulepulega lē lelei faasaga i le aai;+  ua faapea ane, ‘Pe e lē o le taimi ea lenei e fau ai fale?+ O lenei aai o le ulo e telē le gutu, a o i tatou ua pei o le tufaaga i totonu o le ulo.’+  “O lea, ia faia valoaga e faasaga iā i latou. Le atalii e o le tagata, inā faia ia o valoaga.”+  Ona oo mai lea i oʻu luga o le agaga o Ieova,+ ma ua fetalai mai le Atua iā te aʻu: “Ia e fai atu, ‘O le fetalaiga lenei a Ieova:+ “Le aiga e o Isaraelu, ua saʻo le tala ua outou fai ane ai; ua ou iloa mea ua oo i o outou manatunatuga.+  Ua outou faapogaia le fasiotia o le toʻatele o o outou tagata i lenei aai, ma ua outou faatumu ona auala i ē ua fasiotia.” ’ ”+  “O lea, o le fetalaiga lenei a le Alii Pule Silisili Ese o Ieova, ‘E tusa ai ma o outou tagata ua fasiotia na outou tuuina i le lotolotoi o le aai, o le aano lea,+ a o le aai o le ulo e telē le gutu;+ ma o le a aveesea ai outou mai i totonu o le aai.’ ”+  “ ‘Ua outou fefefe+ i le pelu, ma ou te faaoo atu le pelu iā te outou,’ o le fetalaiga lea a le Alii Pule Silisili Ese o Ieova.+  ‘O le a ou aveesea lava outou mai i totonu o le aai, ma tuuina atu outou i lima o tagata ese,+ ma faaoo le faasalaga iā te outou.+ 10  E fasiotia outou i le pelu.+ Ou te faaoo le faasalaga iā te outou i le tuaoi o Isaraelu;+ ona outou iloa ai lea o aʻu lava o Ieova.+ 11  O le a lē avea le aai ma ulo e telē le gutu mo outou,+ e lē avea foʻi outou ma aano i totonu o le aai. O le a ou faaoo le faasalaga iā te outou i le tuaoi o Isaraelu, 12  ona outou iloa ai lea o aʻu lava o Ieova, talu ai tou te leʻi savavali e tusa ma aʻu tuutuuga, e tou te leʻi tausia foʻi iʻuga o aʻu faamasinoga,+ ae ua outou tausia iʻuga o faamasinoga a atunuu o loo siʻomiaina outou.’ ”+ 13  Ua oti Peletia le atalii o Penaia ina ua uma ona ou faia le valoaga,+ ona ou faapaʻū faō lea ma alaga atu i se leotele+ ma faapea atu: “Oi auē, le Alii Pule Silisili Ese o Ieova!+ Po o le a e faaumatia ea o ē ua totoe o Isaraelu i lou faaooina mai o le faasalaga?”+ 14  Ua oo mai pea le afioga a Ieova iā te aʻu e faapea: 15  “Le atalii e o le tagata, e tusa ai ma ou uso,+ o ou uso lava, o tagata o loo popole e tusa ma lau aiā e toe faatau mai ai le fanua, ma le aiga uma o Isaraelu, o i latou uma, o i latou ia ua faapea atu i ai tagata ua nonofo i Ierusalema, ‘Ia ō ese mai iā Ieova. O i matou e ana; ua tuuina mai le laueleele iā i matou e fai ma o matou laueleele’;+ 16  o lea ia faapea atu, ‘O le fetalaiga lenei a le Alii Pule Silisili Ese o Ieova: “E ui ina ou ave mamao i latou i isi nuu, e ui foʻi ina ou faataapeapeina i latou i isi atunuu,+ ae e avea aʻu ma malumalu mo sina taimi iā i latou i totonu o atunuu ua latou ō atu i ai.” ’+ 17  “O lenei ia fai atu, ‘O le fetalaiga lenei a le Alii Pule Silisili Ese o Ieova: “O le a ou aoaoina outou mai i nuu, ma faapotopoto outou mai i atunuu na faataapeapeina i ai outou, ma o le a ou tuuina atu iā te outou le laueleele o Isaraelu.+ 18  O le a latou ō atu i inā ma aveesea mea inosia uma ma mea matuā leaga uma mai i le laueleele.+ 19  O le a ou tuuina atu iā i latou le loto e tasi,+ ma o le a ou tuuina i totonu o i latou se agaga fou;+ o le a ou aveeseina mai iā i latou le loto e pei o se maa mai i o latou tino,+ ma tuuina atu iā te i latou se lotovaivai,+ 20  ina ia latou savavali ai i aʻu tulafono ma tausia iʻuga o aʻu faamasinoga ma latou faia ai;+ ma e fai lava i latou ma oʻu nuu+ e fai foʻi aʻu ma o latou Atua.” ’+ 21  “ ʻ “A o i latou ua pipii o latou loto i le faia o mea inosia ma mea matuā leaga,+ o le a ou taui atu iā i latou e tusa ma o latou ala,” ua fetalai mai ai le Alii Pule Silisili Ese o Ieova.’ ”+ 22  Ona sii aʻe lea i luga e kerupi+ o o latou apaʻau, ua iai uili i o latou autafa,+ ma ua i o latou luga le mamalu+ o le Atua o Isaraelu lea e mai i lugā.+ 23  Ua alu aʻe le mamalu o Ieova+ mai i luga o le lotolotoi o le aai, ua tū i luga o le mauga+ o loo i le itu i sasaʻe o le aai.+ 24  Ua sii aʻe+ aʻu e le agaga,+ ona avatu lea o aʻu i Kaletaia i tagata na ave faapagota,+ i le faaaliga e ala i le agaga o le Atua; ma o le faaaliga lea na ou vaaia ua alu aʻe mai iā te aʻu. 25  Ona ou tautala atu lea i tagata na ave faapagota e tusa ma mea uma na faaalia mai e Ieova iā te aʻu.+

Faamatalaga Pito i Lalo