Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Eperu 8:1-13

8  O le manatu autū lenei o mea o loo talanoaina: Ua iā i tatou se ositaulaga sili+ faapena, o lē ua nofo i le itu taumatau o le nofoālii o lana Afioga Mamalu i le lagi,+  o se auauna* o le mea paia+ ma le faleʻie moni, lea na faatūina e Ieova+ ae e lē o tagata.+  Auā ua tofia ositaulaga sili uma e ofo atu meaalofa ma taulaga;+ o le mea lea e tatau ai foʻi ona iā te ia se mea e ofo atu e fai ma taulaga.+  Ana iai pea o ia i le lalolagi, semanū e lē o ia o se ositaulaga+ auā o loo iai ositaulaga e ofoina atu meaalofa e tusa ai ma le Tulafono,  a o tane ia o loo faia le auaunaga paia, lea na fai ma mea faafaatusa+ ma ata+ o mea o i le lagi; e pei ona faia e Mose, ina ua sauni e fai le faleʻie atoa,+ na poloaʻi mai ai le Atua:+ Auā ua fetalai mai o ia: “Ia faamautinoa ua e faia mea uma lava e tusa ma le ata sa faaali atu iā te oe i le mauga.”+  A o lenei ua maua e Iesu se auaunaga* e sili atu ona lelei, ua faapena foʻi ona fai o ia ma puluvaga+ o se feagaiga+ e sili atu, lea na faavaeina faaletulafono i folafolaga+ e sili atu ona lelei.  Auā ana leai se mea na leaga ai le feagaiga muamua, semanū e lē manaʻomia la ona saʻili se isi e lona lua;+  auā ua ia taʻusalaina le nuu ina ua faapea mai: “Ua fetalai mai Ieova, ‘Faauta! E oo mai aso ou te osia ai se feagaiga fou+ ma le aiga o Isaraelu ma le aiga o Iuta;  e lē pei o le feagaiga+ na ou osia ma o latou augātamā, i le aso na ou tago atu ai i o latou lima ma taʻitaʻi ese i latou mai le nuu o Aikupito,+ auā latou te leʻi tausia pea laʻu feagaiga,+ o lea na ou lē toe manatu ai iā i latou,’ ua fetalai mai ai Ieova.”+ 10  “Ua fetalai mai Ieova: ‘O le feagaiga lenei ou te osia ma le aiga o Isaraelu pe a mavae na aso. Ou te tuuina aʻu tulafono i o latou mafaufau, ma ou tusia i o latou loto.+ E fai aʻu ma o latou Atua,+ e fai foʻi i latou ma oʻu nuu.+ 11  “‘E lē toe aʻoaʻo atu foʻi se tasi i tagata o lona nuu, e lē toe aʻoaʻo atu foʻi se tasi i lona uso, e faapea atu: “Ia outou iloa Ieova!”+ Auā e iloa aʻu e i latou uma,+ e amata mai i lē e aupito faatauvaa e oo i lē e sili o i latou. 12  Auā ou te faamagaloina a latou amioga sesē, ma ou te lē toe manatuaina+ a latou agasala.’”+ 13  I lona faapea mai “o se feagaiga fou,” ua ia faalēaogāina+ ai le mea na muamua. O lenei, o le mea ua faalēaogāina ma ua tuai, ua latalata ona mavae ese atu.+

Faamatalaga Pito i Lalo

Po o le “auauna i le lautele.”
Po o le “auaunaga i le lautele.”