Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Eperu 6:1-20

6  Talu ai ua tatou tuua aʻoaʻoga muamua+ e uiga iā Keriso,+ inā tatou finafinau ia ina ia avea ma tagata matutua,+ aua neʻi toe faataatiaina lenei lava faavae,+ o le salamō lea mai i galuega iʻuvale+ ma le faatuatua i le Atua,+  o aʻoaʻoga i papatisoga,+ ma le faaee atu o lima,+ o le toetū mai i le oti,+ ma le faasalaga+ e faavavau.  E tatou te faia lenei mea, pe a finagalo i ai le Atua.+  Auā o i latou o ē na faamalamalamaina+ muamua, o ē na tofo i le meaalofa foaʻifua+ mai i le lagi, o ē foʻi ua tofusia faatasi i le agaga paia,+  ma ua tofo+ foʻi i upu lelei a le Atua, ma mea mamana o le faiga o mea o le a iai i le lumanaʻi,+  a ua paʻuʻū ese,+ e lē mafai ona toe faasagatonu o latou mafaufau ina ia salamō,+ talu ai ua latou toe tutuʻia le Alo o le Atua i luga o le laau,* ma faamāina+ o ia i luma o tagata.  Auā e inu le eleele mai i le timu e masani ona paʻū i ai, ona tutupu mai ai lea o laau e aogā mo i latou o ē e galulue ai,+ ma maua ai le faamanuiaga mai i le Atua.  Ae afai e tutupu mai ai laau tuitui ma laau talatala, e lafoaʻiina ma ua latalata foʻi ona faamalaiaina,+ ma e iʻu ina susunuina.+  A o outou le ʻaupele e, ua matou mautinoa ua outou iai i se tulaga e sili ona lelei, ua iā te outou mea e iʻu ai i le faaolataga, e ui ina matou tautatala atu faapenei. 10  Auā e lē amiolētonu le Atua e na te lē faagalogalo ai la outou galuega, ma le alofa ua outou faaali mai i lona suafa,+ auā ua outou auauna i le ʻaupaia,+ ma o loo outou auauna pea i ai. 11  Ae matou te mananaʻo ina ia outou faaalia lenā lava filigā, ina ia outou mautinoa+ atoatoa ai i le faamoemoe+ e oo i le iʻuga,+ 12  ina ia aua neʻi o outou paiē,+ ae ia faaaʻoaʻo+ iā i latou o ē ua maua le folafolaga+ ona o lo latou faatuatua ma le onosaʻi. 13  Auā ina ua faia e le Atua lana folafolaga iā Aperaamo,+ na tautō+ o ia iā te ia lava, talu ai e leai se isi e sili atu iā te ia e mafai ona ia tautō i ai 14  e faapea: “E moni, ou te matuā faamanuia iā te oe, ou te matuā faatoʻateleina foʻi lau fanau.”+ 15  Ina ua faaalia e Aperaamo le onosaʻi, ona ia maua ai lea o lenā folafolaga.+ 16  Auā e tautō tagata i lē e sili,+ ma o la latou tautoga o le iʻuga lea o finauga uma, auā o se faamaoniga faaletulafono lea iā i latou.+ 17  O le mea lea, ina ua filifili le Atua e faaali atili atu i ē+ e mauaina le folafolaga, e lē suia+ lona finagalo, ona ia faaopoopo lea i ai o le tautoga, 18  ma e ala i nei mea e lua e lē mafai ona suia, e lē mafai foʻi ona pepelo+ ai le Atua, ua mafai ai e i tatou o ē ua sulufaʻi atu i le Atua ona matuā faalaeiauina ai e taofimau i le faamoemoe+ o loo i o tatou luma. 19  O lenei faamoemoe+ ua iā i tatou, ua avea o se taula i o tatou ola, e mautinoa ma mausalī ma e oo atu lava i tala atu o le ʻie puipui,+ 20  o le mea lea ua afio atu ai Iesu e muamua atu mo i tatou,+ ua fai o ia ma ositaulaga sili e faavavau e pei o Mekisateko.+

Faamatalaga Pito i Lalo

Tagaʻi i le Faaopoopoga e 10.