Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Eperu 4:1-16

4  Talu ai o loo iai pea le folafolaga ina ia ulu atu i lona mālōlōga,+ ia tatou faaeteete ai ina neʻi iai se tasi o outou e aliali mai ua na lē ausia lenā folafolaga.+  Auā ua folafola mai iā i tatou le tala lelei+ e pei foʻi o i latou;+ ae e leʻi aogā iā i latou le upu na faalogo i ai,+ auā e leʻi iai iā i latou le faatuatua+ lea sa iai i ē na faalogo i ai.+  Auā o i tatou o ē ua faatuatua, tatou te ulu atu i le mālōlōga. Auā na fetalai mai o ia: “O le mea lea, na ou tautō+ ai i loʻu ita, ‘Latou te lē ulu atu+ i loʻu mālōlōga,’ ”+ e ui lava ua māeʻa+ ana galuega talu ona faavaeina o le lalolagi.+  Auā ua faapea mai Tusitusiga Paia e faatatau i le aso lona fitu: “Ona mālōlō ai lea o le Atua i le aso lona fitu mai i ana galuega uma,”+  ma ua toe faapea mai foʻi: “Latou te lē ulu atu i loʻu mālōlōga.”+  Talu ai o loo iai pea le faamoemoe mo nisi e ulu atu i ai, ma e leʻi ulu atu i ai o ē na muaʻi folafolaina i ai le tala lelei+ ona o le lē usiusitaʻi,+  ua ia toe faailogaina ai se aso i lona fetalai mai ina ua mavae se taimi umi i le salamo a Tavita, o le “aso nei”; e pei ona fai mai ai muamua: “O le aso nei, afai tou te faalogo i lona siʻufofoga,+ aua neʻi faamaaa o outou loto.”+  Auā ana taʻitaʻiina i latou e Iosua+ i se mea e mālōlō ai,+ semanū e lē toe fetalai+ le Atua mulimuli ane e faatatau i se isi aso.  O lea la, o loo iai pea le mālōlōga faasapati mo tagata o le Atua.+ 10  Auā o lē e ulu atu i le mālōlōga o le Atua,+ ua mālōlō o ia mai i ana lava galuega,+ e pei foʻi ona mālōlō le Atua mai i ana lava galuega. 11  O lea la, ia tatou taumafai malosi ai e ulu atu i lenā mālōlōga, ina neʻi paʻū se tasi ma mulimuli atu i lenā lava faaaʻoaʻoga o le lē usiusitaʻi.+ 12  Auā o loo ola+ le afioga+ a le Atua ma e matuā malosi foʻi,+ e sili atu lona maʻai i lo o le pelu+ e faatau maʻai ona itu, ma e ati e oo lava i le vaevaeina o le tino+ ma le agaga,+ o gaugātino ma aano o ivi, e mafai foʻi ona faamasino i manatu ma faanaunauga o le loto.+ 13  E leai foʻi se foafoaga e lilo i lana silafaga,+ ae e taatitia fua mai mea uma, ma ua matuā faaalia mea uma i luma o lana silafaga, o lē e ao ona tatou tali atu i ai.+ 14  O lea la, ona ua iai lo tatou ositaulaga sili, o Iesu le Alo o le Atua,+ o lē ua afio atu i le lagi,+ seʻi o tatou tausisi e taʻutaʻu atu o ia.+ 15  Auā o lo tatou ositaulaga sili, o lē e mafai ona tigā alofa+ faatasi ma i tatou i o tatou vaivaiga, ma sa tofotofoina o ia i mea uma lava e pei o i tatou, a ua leai se agasala ua iā te ia.+ 16  O le mea lea, seʻi o tatou faalatalata+ atu ma le saʻolotoga e tautatala atu ai+ i le nofoālii o le agalelei faifua, ina ia tatou maua ai le alofa mutimutivale ma le agalelei faifua o le Atua e fesoasoani mai i le taimi e tatau ai.+

Faamatalaga Pito i Lalo