Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Eperu 3:1-19

3  O le mea lea le ʻauuso paia e, o ē ua tofutofusia i le valaau mo le lagi,+ ia manatunatu i le aposetolo+ ma le ositaulaga sili, o lē ua tatou taʻutaʻu atu,+ o Iesu lea.  Sa faamaoni+ o ia i Lē na faia o ia ma aposetolo ma ositaulaga sili, e pei foʻi ona faamaoni o Mose+ i le aiga atoa o le Atua.+  Auā e tatau ona sili atu lona mamalu+ i lo o Mose, ona e sili atu le mamalu o lē+ na faia le fale i lo o le fale.+  O le mea moni, e tofu lava le fale ma le tagata na ia faia, a o lē na faia mea uma o le Atua lea.+  Sa faamaoni Mose o ia o se auauna+ i le aiga atoa o le Atua. Sa avea lana auaunaga o se molimau i mea o le a faamatalaina mulimuli ane,+  ae na faamaoni Keriso o se Atalii+ e vaaia le aiga o le Atua. O i tatou o le aiga o le Atua,+ pe afai tatou te taofimau i le saʻolotoga e tautatala atu ai, ma tatou te mitamita foʻi i le faamoemoe ia mausalī e oo i le iʻuga.+  O le mea lea, e pei ona fai mai ai o le agaga paia:+ “O le aso nei, afai tou te faalogo i lona siʻufofoga,+  aua neʻi faamaaa o outou loto e pei o le taimi na faatupuina ai e o outou augātamā le toʻasā,+ ina ua latou tofotofoina+ aʻu i le toafa+ ma,  na latou tofotofoina ai aʻu, e ui ina latou vāai i aʻu galuega+ mo le fā sefulu tausaga.+ 10  O le mea lea, na ou ʻinoʻino ai i lea tupulaga ma faapea ane, ‘Ua liliuese pea lava o latou loto,+ ma e leʻi iloa foʻi e i latou oʻu ala.’+ 11  O lea, ua ou tautō ai i loʻu ita, ‘Latou te lē ulu atu+ i loʻu mālōlōga.’ ”+ 12  Le ʻauuso e, ia faaeteete ina neʻi iai i se tasi o outou se loto ua leaga e lē faatuatua, ona ua ia tuulafoaʻia le Atua soifua;+ 13  a ia apoapoaʻi+ pea le tasi i le isi i aso taʻitasi, semanū o mafai ona taʻua o le “Aso nei,”+ ina neʻi faamaaa se tasi o outou ona o le malosi taufaasesē+ o le agasala. 14  Auā e tofutofusia i tatou i le Keriso+ pe afai tatou te taofimau i le mautinoa sa muaʻi iā i tatou seʻia oo i le iʻuga,+ 15  e pei ona taʻua: “O le aso nei, afai tou te faalogo i lona siʻufofoga,+ aua neʻi faamaaa o outou loto e pei o le taimi na faatupuina ai e o outou augātamā lona toʻasā.”+ 16  Auā o ai i latou na faalogo ae faatupu ai le toʻasā?+ Pe e lē o i latou uma ea o ē na ō atu mai i Aikupito i le taʻitaʻiga a Mose?+ 17  O ai foʻi i latou sa ʻinoʻino i ai le Atua mo tausaga e fā sefulu?+ Pe e lē o i latou ea o ē na agasala, na taatitia o latou tino oti i le toafa?+ 18  Ae o ai na ia tautō+ i ai e lē ulu atu i lona mālōlōga, seʻi vaganā ai o tagata na lē usiusitaʻi?+ 19  O lea, ua tatou iloa e lē mafai ona latou ulu atu i ai ona o le lē faatuatua.+

Faamatalaga Pito i Lalo