Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Eperu 13:1-25

13  Ia faaauau pea ona faaalia lo outou alofa faaleuso.+  Aua neʻi galo le agaga talimālō,+ auā o le faia faapea na talimālō ai isi i agelu+ e ui e latou te leʻi iloa.  Ia manatua i latou o saisaitia i le falepuipui+ e peiseaʻī ua saisaitia faatasi outou ma i latou,+ ma ē ua faileagaina,+ auā o loo iai pea outou i le tino.  Ia faamamaluina e tagata uma le faaipoipoga, ma ia aua neʻi faaleagaina+ le moega o le faaipoipoga, auā e faamasino e le Atua o ē e faitaaga ma ē e mulilulua.+  Ia aunoa o outou olaga ma le manaʻo tele i tupe,+ a ia outou lotomalilie+ i mea ua iai iā te outou.+ Auā na fetalai o ia: “Ou te lē tuua lava oe, ma ou te lē tuulafoaʻia lava oe.”+  Ia tatou lototetele+ ma faapea atu: “O Ieova o loʻu fesoasoani ia; ou te lē fefe lava. O le ā la se mea e mafai ona faia e tagata iā te aʻu?”+  Ia manatua i latou o loo taʻimua iā te outou,+ o ē o loo taʻutaʻu atu le afioga a le Atua iā te outou, ma ia outou tulimataʻi iʻuga o a latou amio, ma faaaʻoaʻo+ i lo latou faatuatua.+  E lē sui lava Iesu Keriso e pei ona sa iai ananafi, ma le asō, ma e faavavau lava.+  Aua neʻi taʻitaʻisesēina outou i mataupu eseese ma aʻoaʻoga ese;+ auā e lelei ona faamalosia le loto e le agalelei faifua o le Atua,+ ae e lē o meaʻai+ e lē aogā iā i latou o ē e pupū tele i ai. 10  Ua iā i tatou le fata faitaulaga e lē tatau ona aai+ ai i latou ua faia le auaunaga paia i le faleʻie. 11  Auā o tino o manu ua aveina e le ositaulaga sili o latou toto i le mea paia, ua susunuina i tua o le togālauapi.+ 12  Na faapuapuagatia foʻi Iesu i tua o le faitotoʻa o le aai,+ ina ia mafai ona faapaiaina+ tagata i lona lava toto.+ 13  Inā tatou ō atu ia iā te ia i tua o le togālauapi, ma tauave le faalumaina na ia tauaveina,+ 14  auā e lē o iā i tatou se aai e tumau pea,+ ae o loo tatou faatalitali atu ma le naunau i le aai o le a oo mai.+ 15  E ala iā Iesu, seʻi o tatou ofo soo atu ai i le Atua taulaga o viiga,+ o le fua o laugutu,+ e faailoa atu ai i tagata lona suafa.+ 16  O le mea lea, aua neʻi galo le faia o mea lelei,+ ma le tufa atu o mea i isi, auā o taulaga faapena e matuā fiafia i ai le Atua.+ 17  Ia usiusitaʻi i ē o taʻimua iā te outou+ ma ia gauaʻi+ iā i latou, auā o loo leoleoina e i latou o outou ola talu ai e tatau ona latou fai atu se tala;+ ina ia latou faia ma le olioli ae e lē ma le ōi, auā e leaga lea mo outou.+ 18  Ia tatalo+ e lē aunoa mo i matou, auā ua matou talitonu ua iā i matou se lotofuatiaifo lelei, ona matou te mananaʻo ina ia faia mea uma ma le faamaoni.+ 19  Ou te matuā ʻaiʻoi atu pea iā te outou ia faia lenei mea, ina ia vave ona ou faatasi atu iā te outou.+ 20  A o le Atua o le filemu,+ o lē na toe faatūina mai i le oti+ le leoleo mamoe sili+ o mamoe,+ o lo tatou Alii o Iesu, faatasi ma le toto o le feagaiga+ e faavavau, 21  tau ina ia lava saunia e ia outou i mea lelei uma ina ia faia lona finagalo, ia galue o ia i totonu iā i tatou e ala iā Iesu Keriso, ina ia faia mea e finagalo malie i ai o ia;+ ia faamamaluina o ia e faavavau, faavavau lava.+ Amene. 22  O lenei, ou te apoapoaʻi atu iā te outou le ʻauuso e, ina ia outou talia nei upu faalaeiau, auā e lē tele ni upu+ o laʻu tusi o fai atu iā te outou. 23  Ia outou iloa ua faasaʻolotoina lo tatou uso o Timoteo,+ ma afai e vave sau o ia, ona ma ō atu faatasi lea e feiloaʻi ma outou. 24  Ia momoli atu oʻu alofaaga iā i latou uma o ē o taʻimua+ iā te outou ma le ʻaupaia uma. O loo alolofa atu foʻi i latou o i Italia+ iā te outou. 25  Ia iā te outou uma le agalelei faifua+ o le Alii.

Faamatalaga Pito i Lalo