Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Eperu 10:1-39

10  Talu ai ua iai i le Tulafono le ata+ o mea lelei i le lumanaʻi ae lē o le tino mai o mea, e lē mafai lava la e tagata o ē e ofoina atu e lē aunoa taulaga i lea tausaga ma lea tausaga, ona faia ia lelei atoatoa+ ai o ē e tapuaʻi atu i le Atua.  Ana lē o lea, po ua lē taofia ea la le ofoina atu o taulaga, talu ai o i latou ua tuuina atu le auaunaga paia o ē ua faatasi ona faamamāina, ua lē toe iloa le agasala+ i le lotofuatiaifo?*  A o nei taulaga, ua faamanatu atu ai agasala i lea tausaga ma lea tausaga,+  auā e lē mafai ona aveesea+ agasala e le toto o povi poʻa ma ʻoti.  O le mea lea, ina ua afio mai o ia i le lalolagi, ua ia fetalai mai: “ ‘O taulaga ma mea na ofoina atu ua e lē finagalo i ai,+ a ua e saunia se tino mo aʻu.+  E te leʻi fiafia foʻi i taulaga mū* ma le taulaga o agasala.’+  Ona ou faapea atu lea, ‘Faauta! Le Atua e,+ ua ou sau e fai lou finagalo (auā ua tusia e uiga iā te aʻu i le tusi tāʻai).’ ”+  Ina ua uma fetalaiga muamua e faapea: “E te lē finagalo pe fiafia i taulaga, ma mea e ofoina atu ma taulaga mū ma le taulaga o agasala”+—o taulaga ia na ofoina atu e tusa ai ma le Tulafono+  ona fetalai mai lea o ia: “Faauta! ua ou sau e fai lou finagalo.”+ Ua ia faalēaogāina ai mea na muamua, ina ia faavaeina ai e ia le mea lona lua.+ 10  O le “finagalo”+ foʻi lea ua faapaiaina+ ai i tatou i le ofoina atu+ o le tino o Keriso Iesu, lea e na o le faatasi+ lava ona faia. 11  E tutū foʻi ositaulaga uma e galulue+ i lea aso ma lea aso,+ e tuuina atu le auaunaga i le lautele ma ofo atu soo ia lava taulaga, auā e lē mafai ona aveeseina atoatoa ai agasala.+ 12  A ua ofoina atu e lenei tagata le taulaga e tasi e faavavau mo agasala,+ ma nofo ai i le itu taumatau o le Atua,+ 13  o loo faatalitali ai o ia seʻia faia ona fili ma mea e tū ai ona vae.+ 14  E ala i le taulaga e tasi,+ ua ia faia ai i latou o ē ua faapaiaina ina ia atoatoa ona lelei e faavavau.+ 15  Ua molimau mai foʻi le agaga paia+ iā i tatou, auā ina ua ia faapea mai: 16  “Ua fetalai mai Ieova: ‘O le feagaiga lenei ou te osia ma i latou pe a mavae na aso. Ou te tuuina aʻu tulafono i o latou loto, ma ou tusiaina foʻi i o latou mafaufau,’ ”+ 17  ona toe faapea mai lea mulimuli ane: “Ou te lē toe manatuaina a latou agasala ma a latou solitulafono.”+ 18  Afai ua faamagaloina+ na agasala, e lē toe ofoina atu se taulaga o agasala.+ 19  O le mea lea le ʻauuso e, ona o le toto o Iesu, ua tatou matuā mautinoa ai i le auala+ e oo atu ai i le mea paia,+ 20  lea ua ia tatalaina ai mo i tatou se ala fou e ola ai, e ui atu i le ʻie puipui,+ o lona tino lea,+ 21  talu ai foʻi e iai la tatou ositaulaga sili e vaaia le aiga o le Atua,+ 22  o lea, seʻi o tatou faalatalata atu ai i le Atua ma le lotofaamaoni, i le mautinoa atoatoa i le faatuatua i le faamamāina* o o tatou lotofuatiaifo+ mai i mea leaga, ma faatāʻeleina o tatou tino i le vai mamā.+ 23  Ia tatou tausisi e taʻutaʻu atu ma le lē fefoʻifoʻiaʻi+ i le lautele lo tatou faamoemoe,+ auā o lē na folafolaina mai e faamaoni+ o ia. 24  Ia tatou manatunatu foʻi le tasi i le isi ina ia faatupu+ ai le alofa ma galuega lelei,+ 25  aua neʻi tuulafoaʻiina le faapotopotoina o i tatou+ e pei o le masani a isi, a ia fefaalaeiauaʻi,+ ia sili foʻi ona faia faapea auā ua outou iloa ua matuā latalata mai lava le aso.+ 26  Afai ua tatou faia pea le agasala ma le loto i ai+ ina ua uma ona tatou talia le poto saʻo i le upu moni,+ e lē toe iai se taulaga mo a tatou agasala,+ 27  ae e na o le faatalitali atu ma le matataʻu i le faamasinoga,+ ma le fuā e mumū e pei o se afi e faaumatia ai o ē e tetee atu.+ 28  O sē e lē usiusitaʻi i le tulafono a Mose, e oti o ia e aunoa ma le alofa mutimutivale i le molimau a le toʻalua po o le toʻatolu.+ 29  Po o le ā so outou manatu, pe e lē sili ea ona mataʻutia le faasalaga+ e tatau ona oo i le tagata ua na soli+ le Alo o le Atua, ma o lē ua manatu e lē tāua le toto+ o le feagaiga lea na faapaiaina ai o ia, ma o lē ua faatigā ma ʻinoʻino i le agaga+ o le agalelei faifua? 30  Auā ua tatou iloa lē na fetalai mai: “O aʻu e faia le tauimasui; ou te toe taui atu lava”;+ ma na toe faapea mai: “O le a faamasinoina e Ieova lona nuu.”+ 31  O se mea e mataʻutia le maua e aao o le Atua soifua.+ 32  Ae ia outou manatua pea aso ua mavae ina ua outou maua le malamalama,+ na outou tumau ai i tauiviga i le tele o mafatiaga,+ 33  o nisi taimi na fai outou ma taulaʻiga o faifaiga ma puapuaga e pei o loo outou iai i se fale mataaga,+ o nisi foʻi taimi na outou tofo faatasi ai i mafatiaga o ē na oo i ai tofotofoga.+ 34  Auā na outou faaalia ai le tigā alofa iā i latou o i le falepuipui, ma onosaʻia ma le olioli le faoa+ o a outou mea, i le iloa e sili atu ona lelei ma tumau le tofi+ ua iā te outou. 35  O lea la, aua neʻi lafoaʻia lo outou saʻolotoga e tautatala atu ai,+ auā e maua mai ai le taui tele.+ 36  E tatau ona outou tumau,+ ina ia outou maua ai le faataunuuga o le folafolaga,+ pe a uma ona outou faia le finagalo o le Atua.+ 37  Auā e “toeitiiti lava”+ ona “taunuu mai lea o lē o loo maliu mai, ma e lē faatuai mai lava.”+ 38  “Ae e ola laʻu auauna amiotonu ona o le faatuatua,”+ ma “afai e tuumuli o ia, e lē fiafia loʻu loto iā te ia.”+ 39  Auā o i tatou e lē o ni ē e tuumuli i le faaumatiaga,+ a o ē e iai le faatuatua lea e faatumauina ai le ola.+

Faamatalaga Pito i Lalo

Pe e “lē toe leaga o latou lotofuatiaifo ona o a latou agasala.”
O nei taulaga na faaumatia atoa i le afi.
I le gagana Eleni, ua “sausauina” i le toto o Iesu.