Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Efeso 3:1-21

3  O le mea lea, o aʻu o Paulo, o le pagota+ a Keriso Iesu ona o outou tagata o nuu ese+  e mautinoa ua outou faalogo, ua tuuina mai iā te aʻu le tofi o le auauna pule+ i le agalelei faifua o le Atua mo lo outou lelei,  lea ua faailoa mai ai iā te aʻu i se faaaliga le mea lilo paia,+ e pei ona ou muaʻi tusi puupuu atu ai.  Ona o lea, pe a outou faitauina lenei mea, e mafai ona outou iloa ai loʻu malamalamaaga+ i le mea lilo paia+ e faatatau i le Keriso.  E leʻi faaalia atu lenei mea lilo+ i isi tupulaga o le fanau a tagata, e pei ona faaalia+ e le agaga i ana aposetolo paia ma perofeta,+  o lona uiga, ia avea tagata o nuu ese o ni suli ma itutino o le tino e tasi,+ ma o ē e tofutofusia ma i tatou i le folafolaga+ e autasi ma Keriso Iesu, e ala i le tala lelei.  Ua avea aʻu ma auauna+ i lenei mea e tusa ai ma le agalelei faifua o le Atua. Ua ia foaʻifua mai lenei meaalofa iā te aʻu e faaalia ai lona mana.+  Ua tuuina mai iā te aʻu, o lē e itiiti ifo i le tagata aupito i faatauvaa+ o le ʻaupaia, lenei agalelei faifua+ ina ia ou folafola atu le tala lelei i nuu ese,+ e faatatau i oloa e lē masuʻesuʻeina+ a Keriso,  ma ia iloa e tagata le auala o loo puleaina+ ai le mea lilo paia,+ lea sa natia mai i aso ua mavae e le Atua o lē na foafoaina mea uma.+ 10  Na faia lenā mea ina ia iloa ai nei e malo ma pule+ i mea o i le lagi e ala i le faapotopotoga,+ le uiga eseese o le atamai o le Atua,+ 11  e tusa ma lona finagalo e faavavau na ia faia lea e fesootaʻi atu iā Keriso+ Iesu lo tatou Alii, 12  o ia foʻi ua tatou maua ai lenei saʻolotoga e tautatala atu ai, ma mafai ai foʻi ona tatou faalatalata+ atu i le Atua, ona o lo tatou faatuatua iā Keriso. 13  O le mea lea ou te talosaga atu ai, ia aua neʻi outou faavaivai i nei puapuaga+ ua oo iā te aʻu ona o outou, auā o nei mea e faamamaluina ai outou. 14  O le mea lea ou te tootuli+ ai i le Tamā,+ 15  o lē ua maua ai e aiga uma+ i le lagi ma le lalolagi o latou igoa,+ 16  ina ia foaʻi atu e ia e tusa ai ma le tele+ o lona mamalu ina ia malosi ai le tagata i totonu+ i le mana e ala i lona agaga,+ 17  ina ia nofo Keriso i o outou loto i le faatuatua atoa ma le alofa.+ Ou te talosaga atu foʻi ina ia mauaa+ ma faatumauina outou i luga o le faavae mausalī,+ 18  ina ia mafai ai ona outou malamalama lelei+ faatasi ai ma le ʻaupaia, i le lautele, ma le umi, ma le maualuga ma le loloto+ o le upu moni, 19  ma ia iloa le alofa o Keriso+ lea e sili atu i le poto, ina ia faatutumuina outou i le tumu+ uma lava ua foaʻi mai e le Atua. 20  O lea, ia iā te ia o lē na te mafaia ona fai o mea e matuā sili atu i lo o mea tatou te talosaga atu ai pe e mafaufau+ i ai, e tusa ai ma lona mana lea e galue+ iā i tatou, 21  ia iā te ia le mamalu e ala i le faapotopotoga, ma e ala iā Keriso Iesu, i tupulaga uma e faavavau, faavavau lava.+ Amene.

Faamatalaga Pito i Lalo