Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Auega 3:1-66

א [Alefa] 3  O aʻu o le tagata ua vaai i mafatiaga+ ona o le tootoo o lona maʻemaʻeā.   Na ia taʻitaʻia aʻu ma faasavali i le pōuliuli ae e lē o le malamalama.+   E moni, ua liliu mai pea lona aao iā te aʻu i le aso atoa.+ ב [Peta]   Ua ia faavaivaia loʻu tino ma faamaanuminumi loʻu paʻu.+ Ua ia gauia foʻi oʻu ivi.+   Ua ia fausia se pā e faasagatau mai ai iā te aʻu, ina ia ona siʻomia+ ai aʻu i le laau oona+ ma mea faigatā.   Ua ia faanofo aʻu i nofoaga pogisa+ e pei o tagata ua leva ona feoti.+ ג [Gimela]   Ua ia puipuia aʻu e pei ona puipuia i se pā maa, ina ia lē mafai ai ona ou alu atu.+ Ua ia saisaitia foʻi aʻu i faamau ʻapamemea+ mamafa.   Pe a ou alaga ma tagi atu foʻi mo se fesoasoani, e na te teena lava laʻu tatalo.+   Ua ia punitia oʻu ala i maa ua tipiina.+ Ua ia faapiʻoina foʻi oʻu auala.+ ד [Taleta] 10  Ua pei o ia o se pea o loo faatalitali e lamalama iā te aʻu,+ e pei foʻi o se leona o loo i nofoaga lilo.+ 11  Ua faafenumiaʻi e ia oʻu ala, ma ua ia faia aʻu ia taoto, ia lē toe gaoioi. Ua ia tuua aʻu ia nofo toʻatasi.+ 12  Ua ia loloʻu lana ʻaufana,+ ma ua ia faatūina foʻi aʻu e fai ma taulaʻiga o le aū.+ ה [He] 13  Ua ia fana mai aū o lana taga e tuu ai aū, ua ati i oʻu fatugaʻo.+ 14  Ua avea aʻu ma mea e taliē+ i ai le nuu uma, o le autū o la latou pese i le aso atoa.+ 15  Ua ia fafaga aʻu i le tele o mea oona.+ Ua ia faainu foʻi aʻu i le laau oona.+ ו [Vau] 16  Ua ia gauia oʻu nifo i ʻiliʻili.+ Ua ia faia foʻi aʻu ia ou faanoʻunoʻu i le lefulefu.+ 17  Ua e lafoaʻiina aʻu ina ia lē maua ai soʻu filemu. Ua ou lē manatua foʻi ni mea lelei.+ 18  Ua ou fai ifo pea: “Ua fano loʻu mamalu ma loʻu faamoemoega mai iā Ieova.”+ ז [Saina] 19  Ia e manatua oʻu mafatiaga ma le leai o se mea ou te nofo ai,+ o le laau oona ma le laau e oti ai.+ 20  O le a e manatuaina lava, ma e matuā punou mai ai i oʻu luga.+ 21  O le mea lenei ua toe manatua e loʻu loto.+ O le mea lea ou te faatalitali ai pea.+ ח [Heta] 22  O galuega o le alofa faamaoni+ o Ieova ua lē faaumatiaina ai i tatou,+ auā e lē taitai uma lona alofa mutimutivale.+ 23  E fou pea lava i taeao uma.+ E matuā tele lou faamaoni.+ 24  Ua ou faapea ifo: “O Ieova o loʻu tofi,+ o le mea foʻi lea ou te faatalitali ai iā te ia.”+ ט [Teta] 25  E lelei Ieova i lē e faamoemoe iā te ia,+ i le tagata e saʻili atu pea iā te ia.+ 26  E lelei i se tasi ona faatalitali+ ma le filemu+ mo le faaolataga a Ieova.+ 27  E lelei i le tagata ona tauaveina le avega a o talavou o ia.+ י [Iota] 28  Ia nofo toʻatasi o ia ma filemu pea,+ auā ua faaee i ona luga lenei avega.+ 29  Ia tuu e ia lona gutu i le efuefu.+ Atonu o iai se faamoemoe.+ 30  Ia tuuina atu e ia lona alafau i lē na te pōina o ia.+ Ia matuā faalumaina foʻi o ia.+ כ [Kafa] 31  Auā e lē lafoaʻiina i tatou e Ieova mo se taimi umi.+ 32  Auā e ui lava ina faapogaia e ia o tigā,+ ae e na te faaalia foʻi lona alofa mutimutivale e tusa o le matuā tele o lona alofa faamaoni.+ 33  Auā e lē finagalo o ia e faatigā pe faavauvau le fanau a tagata.+ ל [Lameta] 34  O le solia i lalo i vae+ o se tasi o pagota uma o le lalolagi,+ 35  O le liliueseina o le faamasinoga a le tagata i luma o le Silisili Ese,+ 36  O le faapiʻoina foʻi o le faamasinoga o le tagata, e lē fiafia i ai Ieova.+ מ [Mema] 37  O ai ea la ua fai atu e tatau ona tupu se mea, pe afai e leʻi poloaʻi mai ai Ieova?+ 38  E lē sau mai i le fofoga o le Silisili Ese ni mea leaga ma ni mea lelei.+ 39  Aiseā e faitio+ ai le tagata ola, o le tagata ona o lana agasala?+ נ [Nuna] 40  Ia tatou suʻesuʻe i o tatou ala ma saʻiliʻili i ai,+ ma ia tatou toe foʻi atu lava iā Ieova.+ 41  Seʻi sii atu o tatou loto ma o tatou lima i le Atua o loo i le lagi:+ 42  “Ua matou solitulafono ma ua matou fouvale.+ A o oe e te leʻi faamagalo mai.+ ס [Sameka] 43  Ua e punitia i lou toʻasā lo matou faalatalata atu,+ ma ua e tuliloaina pea i matou.+ Ua e fasiotia; ua e lē alofa mutimutivale mai foʻi.+ 44  Ua e punitia i se ao mafiafia lo matou faalatalata atu iā te oe,+ ina ia lē sao atu ai le tatalo.+ 45  Ua e faia i matou ma mea ua lafoaʻiina ma otaota i totonu o nuu.”+ פ [Pe] 46  Ua faamamaga mai iā i matou gutu o o matou fili uma.+ 47  Ua fai mo i matou le fefe ma le lua,+ o le faatafunaina ma le nutililiia.+ 48  Ua tafe ifo pea vai i oʻu mata, ona o le tuʻimomomoina o le tama teine a loʻu nuu.+ ע [Oina] 49  Ua tafe ifo pea loimata i oʻu mata ma ua lē mapu, ua lē taofia lava,+ 50  Seʻia silasila ifo Ieova ma silafia ai mai i le lagi.+ 51  Ua tigā loʻu loto ona o mea ua vaai i ai oʻu mata,+ ona o fanau teine uma a loʻu aai.+ צ [Sati] 52  Ua matuā tuli aʻu e oʻu fili e pei o se manulele,+ e aunoa ma se māfuaaga.+ 53  Ua latou faaumatia loʻu ola i le lua,+ ma ua latou lafo mai pea maa iā te aʻu. 54  Ua tafe mai vai i luga o loʻu ulu.+ Ua ou faapea ifo: “E fasiotia lava aʻu!”+ ק [Kofa] 55  Ieova e, na ou valaau atu i lou suafa mai i se lua e matuā maulalo lava.+ 56  Ia e faafofoga mai i loʻu leo.+ Aua neʻi ʻalo ou fofoga i loʻu alaga atu mo se fesoasoani.+ 57  Na e faalatalata mai i le aso na ou valaau atu ai pea iā te oe.+ Na e fetalai mai: “Aua e te fefe.”+ ר [Resa] 58  Ieova e, ua e faia oʻu faamasinoga.+ Ua e faasaoina foʻi loʻu ola.+ 59  Ieova e, ua e silafia mea sesē ua faia iā te aʻu.+ Ia e faia le faamasinoga mo aʻu.+ 60  Ua e silafia lo latou tauimasui uma lava, ma o latou manatunatuga uma faasaga iā te aʻu.+ ש [Sina] po o [Sini] 61  Ieova e, ua e faafofoga i lo latou faalumaina o aʻu, ma o latou manatunatuga uma faasaga iā te aʻu,+ 62  O upu a laugutu o ē e faasagatau mai iā te aʻu,+ ma a latou taumusumusuga uma faasaga iā te aʻu i le aso atoa.+ 63  Ia e silasila i lo latou nonofo ma lo latou tulaʻi.+ Ua avea aʻu ma autū o la latou pese.+ ת [Tau] 64  Ieova e, e te taui atu lava iā i latou e tusa ma galuega a o latou lima.+ 65  E te tuuina atu iā i latou le lotomaaa,+ o lau fetuu lea iā i latou.+ 66  E te tuliloa i latou i lou toʻasā, ma faaumatia i latou+ mai i lalo o le lagi a Ieova.+

Faamatalaga Pito i Lalo