Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Amosa 8:1-14

8  O le mea lenei ua faailoa mai e le Alii Pule Silisili Ese o Ieova iā te aʻu, faauta! ua iai se ato o fualaau ʻaina o le tau māfanafana.+  Ona ia fetalai mai lea: “Amosa, o le ā le mea ua e vaai i ai?”+ Ua ou tali atu: “O se ato o fualaau ʻaina o le tau māfanafana.”+ Ua toe fetalai mai Ieova iā te aʻu: “Ua oo mai le iʻuga o loʻu nuu o Isaraelu.+ Ou te lē toe faapalepale iā i latou.+  ‘E fai lava ma tagiauē pesega o le malumalu i lea aso,’+ ua fetalai mai ai le Alii Pule Silisili Ese o Ieova. ‘O le a iai le tele o tino o tagata oti.+ I mea uma lava o le a lafoaʻiina ai i fafo ia tino, ia soia le pisa!’  “Ia outou faalogo mai i lenei mea, o outou o loo taumafai e faaumatia o lē e mativa,+ ina ia lē toe iai ni tagata agamalu i le laueleele,+  o loo faapea ane, ‘O afea o le a mavae atu ai le masina faatoʻā vaaia+ ma tatou faatau atu ai meaʻai?*+ O afea foʻi e uma ai le sapati+ ina ia tatou faatau atu ai meaʻai; ia faaitiitia ai le fua o le efa+ ma faatele ai le sekeli, ma ia faasesē ai le fua faatautau ina ia pepelo ai;+  ia faatau mai ai tagata faatauvaa i siliva, ma se tagata mativa i le tau o se pea seevae tosotoso, ma ia tatou faatau atu ai meaʻai leaga?’+  “Ua tautō Ieova iā te ia lava, o le Mamalu lea o Iakopo,+ ‘Ou te lē faagaloina a latou galuega uma.+  Pe e lē o le mea ea lea o le a gatete ai le laueleele,+ ma faavauvau ai o ē uma e nonofo ai;+ o le a alu aʻe lava le laueleele atoa e pei o le Vaitafe o le Naila, e fesouaʻiina ma toe magoto ifo e pei o le Vaitafe o le Naila o Aikupito?’+  “ ‘O lea aso, ou te faagotoina ai le lā i le aoauli,+ ma ou te faapouliuligia le laueleele i le ao malamalama,’ ua fetalai mai ai le Alii Pule Silisili Ese o Ieova. 10  O le a ou liua i le faavauvau a outou tausamiga+ ma a outou pesega i se pese o auēga, ou te tuu ʻie talatala i sulugātiti uma ma o le a sele mamā ulu uma;+ ou te faia lea mea e pei o le faavauvau mo se atalii e toʻatasi,+ ma o le iʻuga o le aso vale lea.’ 11  “ ‘Faauta foʻi! O le a oo mai aso,’ ua fetalai mai ai le Alii Pule Silisili Ese o Ieova, ‘ou te auina atu ai le oge i le laueleele, o le oge e lē i meaʻai, ma le galala e lē i le vai, a o le fia faalogologo i afioga a Ieova.+ 12  O le a latou tautevateva mai i le tasi sami i le isi sami, mai i le itu i mātū e oo i le mea e oso aʻe ai le lā. O le a latou feofeoaʻi solo a o latou saʻiliʻili atu mo le afioga a Ieova, ae e latou te lē mauaina.+ 13  O lea aso, o le a matapogia ai teine muli aulelei, e faapea foʻi i tane talavou ona o le fia feinu;+ 14  o i latou ua tautō i atua sesē* o Samaria,+ ma lē e fai mai: “Tanu e!+ O loo ola lou atua,” ma “O loo ola foʻi le ala o Peresepa!”+ O le a latou paʻuʻū ma o le a latou lē toe tutulaʻi mai.’ ”+

Faamatalaga Pito i Lalo

Atonu o saito po o karite.
I le gagana Eperu, “o i latou ua tautō i le nofosala.”