Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Amosa 7:1-17

7  O le mea lenei na faailoa mai e le Alii Pule Silisili Ese o Ieova iā te aʻu, faauta! ua ia aauina atu se ʻau tele o sē akerise i le faatoʻā amata ona tutupu aʻe o fatu na lūlūina i le taimi mulimuli.+ Vaai foʻi! o fatu ia na totō mulimuli ina ua mavae le seleselega o le mutia a le tupu.  Ina ua uma ona ʻaina e sē akerise o vao itiiti o le laueleele, ona ou fai atu lea: “Faamolemole, Ieova e le Alii Pule Silisili Ese, ia faamagalo mai.+ O ai o le a tulaʻi mai iā Iakopo? Auā e itiiti o ia!”+  Ua suia le faaiʻuga a Ieova i lenei mea.+ “E lē tupu lea mea,” ua fetalai mai ai Ieova.  O le mea lenei ua faailoa mai e le Alii Pule Silisili Ese o Ieova iā te aʻu, faauta! ua valaau atu le Alii Pule Silisili Ese o Ieova mo se finauga e ala i le afi;+ ma ua faatamaʻia ai le vai loloto ma faatamaʻia ai le fasi fanua.  Ona ou fai atu lea: “Faamolemole, Ieova e le Alii Pule Silisili Ese, aua le faia.+ O ai o le a tulaʻi mai o Iakopo? Auā e itiiti o ia!”+  Ua suia le faaiʻuga a Ieova i lenei mea.+ “E lē tupu lea mea,” ua fetalai mai ai le Alii Pule Silisili Ese o Ieova.  O le mea lenei ua ia faailoa mai iā te aʻu, vaai! o loo tū Ieova i luga o se pā na fausia mai i se fua e tautau,*+ ma ua iai se fua e tautau i lona lima.  Ona fetalai mai lea o Ieova iā te aʻu: “Amosa, o le ā le mea ua e vaai atu i ai?” Ua ou tali atu: “O le fua e tautau.” Ua toe fetalai mai Ieova: “Ou te tuuina le fua e tautau i le lotolotoi o loʻu nuu o Isaraelu.+ Ou te lē toe faapalepale iā i latou.+  O le a faatafunaina mea maualuluga o Isaako,+ o le a faatamaʻia malumalu+ o Isaraelu;+ ma ou te tulaʻi atu ma le pelu i le aiga o Ierepoamo.”+ 10  Ua aauina atu e Amasia le ositaulaga o Peteli+ se feʻau iā Ierepoamo+ le tupu o Isaraelu e faapea: “Ua faufau leaga Amosa faasaga iā te oe i le lotolotoi o le aiga o Isaraelu.+ Ua lē lavā e tagata o le atunuu ona onosaia ana upu uma.+ 11  Auā o le tala lenei a Amosa, ‘E oti Ierepoamo i le pelu; e ave faapagota foʻi Isaraelu mai i lo latou laueleele.’ ”+ 12  Ona faapea mai lea o Amasia iā Amosa: “O lē e faamatalaina faaaliga,+ ia e alu ma tamoʻe atu i le laueleele o Iuta, ia ʻai ai i meaʻai i inā ma fai ai au valoaga. 13  Ae aua e te toe faia ni valoaga+ i Peteli, ona o le malumalu lea o le tupu+ ma le maota o le malo.” 14  Ua tali atu Amosa iā Amasia: “E lē o aʻu o se perofeta po o se atalii o se perofeta;+ a o lē e tausi manu+ ma o lē e tausia mati o laau o le sukamoru. 15  Ae na aumaia aʻu e Ieova mai i le mulimuli atu i le lafu, na fetalai mai foʻi Ieova iā te aʻu, ‘Ia alu ma fai valoaga i loʻu nuu o Isaraelu.’+ 16  O lenei, inā faalogo mai ia i le afioga a Ieova, ‘Po ua e fai mai ea: “Aua neʻi e faia ni valoaga e tetee atu ai iā Isaraelu,+ ma aua foʻi neʻi faia ni upu e tetee+ atu ai i le aiga o Isaako”? 17  O lea, o le fetalaiga lenei a Ieova: “O le a fai lau avā ma fafine talitane i le aai.+ O le a feoti i le pelu ou atalii ma ou afafine. Ae o le a vaevaeina lou laueleele i le maea e fua ai mea. A o oe, o le a e oti i laueleele lē mamā;+ o Isaraelu foʻi, o le a ave faapagota mai i lo latou lava laueleele.” ’ ”+

Faamatalaga Pito i Lalo

O lenei meafaigaluega o se fua e tautau i se maea ma e faaaogā e iloa le saʻo o se mea e tu saʻo. O le upu Peretania o le plummet.