Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Amosa 6:1-14

6  “Oi talofa iā i latou ua faifaimālie+ i Siona ma ē ua lagona le saogalemu i le mauga o Samaria! O i latou o tagata aloaʻia o atunuu, ma ua ō atu le aiga o Isaraelu iā i latou.  Ia outou ō atu i Kalene ma vaavaai i ai; ma ō atu i Amato+ o loo nonofo ai le toʻatele, ma ō ifo i Kata+ i Filisitia. Pe e sili atu nei malo nai lo o ou malo, pe e tetelē foʻi o latou laufanua nai lo o outou laufanua?+  Pe e tou te faagalogalo ea le aso mataʻutia,+ pe e tou te faataga ea foʻi sauāga e mau i lo outou lotolotoi?+  O outou o ē ua taooto i sofa ua faia i nifo elefane,+ ma taooto faaloloa i o outou nofoa uumi, o loo aai foʻi i mamoe poʻa o le lafu, ma povi poʻa taanoa pepeti;+  ua latou fatu ni pese e ōgatusa ma meafaifaaili e iai uaua;+ ua latou fausia foʻi a latou lava laau pese e pei o Tavita;+  ua inu a latou uaina i ipu tetele,+ ua uu o latou tino i le uu e sili ona lelei,+ ma ua lē mamaʻi i latou ona o le mala o Iosefa.+  “O le mea lea o le a ave faapagota ai i latou, e muamua atu i latou i ē o le a ave faapagota,+ e mavae atu foʻi le taimi fiafia o ē na taooto faaloloa.  “ ‘Ua tautō le Alii Pule Silisili Ese o Ieova iā te ia lava,’+ ua fetalai mai ai Ieova le Atua o ʻau, ʻ “Ua ou ʻinoʻino i le mitamitaga o Iakopo,+ ua ou inosia foʻi ona maota+ ma ou te tuuina atu le aai ma mea uma ua iai i ona fili.+  Afai e totoe tagata e toʻasefulu i se fale, e latou te oti ai lava.+ 10  O le a ave taʻitasi i latou e le uso o lona tamā, ma susunuina taʻitasi i latou. O le auala lea e na te aumaia ai ponaivi mai i le fale.+ O le a ia fai atu i so o se isi o loo i le ogatotonu o le fale, ‘Po o iai pea nisi ma oe?’ Ona faapea mai lea o ia, ‘E leai se isi!’ Ae e faapea atu o ia, ‘Ia fifilemu! Auā e lē o le taimi lenei e taʻua ai le suafa o Ieova.’ ”+ 11  “ ‘Auā pe a poloaʻi mai Ieova,+ o le a taia e ia le fale telē ina ia solo i lalo ma lepetia ai le tamaʻi fale.+ 12  “ ‘Pe e taufetuli ea solofanua i mea papa, pe e suatia ea foʻi e se tagata le mea papa i povi? Auā ua outou liua le faamasinotonu i le laau e oti ai,+ ma le fua o le amiotonu i le laau oona, 13  o outou o ē ua fiafia i se mea e lē o iai;+ o ē ua faapea mai: “Pe e lē o lo tatou malosi ea na maua ai nifo* mo i tatou lava?”+ 14  Faauta foʻi! Le aiga o Isaraelu e, ou te faatulaʻi se nuu+ e faasagatau atu iā te outou, o le a latou sauāina outou e amata mai i le mea e ulu atu ai i Amato+ seʻia oo i le vanu o Arapa,’ ua fetalai mai ai Ieova le Atua o ʻau.”

Faamatalaga Pito i Lalo

E masani ona faaaogā e le Tusi Paia le nifo po o le seu o le manu e fai ma faailoga o le malosi po o le pule.