Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Amosa 5:1-27

5  “Le aiga o Isaraelu e, inā faalogo mai ia i le upu ou te saunia mo outou, o se pese o auēga:+   “Ua paʻū+ le taupou+ o Isaraelu; E lē mafai ona toe tū i luga.+ Ua tuulafoaʻiina o ia i lona lava laueleele; E leai se isi na te faatulaʻi iā te ia.+  “O le fetalaiga lenei a le Alii Pule Silisili Ese o Ieova e faapea, ‘O le aai ua ō atu ma le toʻaafe i le taua, e na o le toʻaselau e totoe; a o le aai e ō atu ma le toʻaselau, e na o le toʻasefulu e totoe i le aiga o Isaraelu.’+  “Auā o le fetalaiga lenei a Ieova i le aiga o Isaraelu, ‘Saʻili mai ia iā te aʻu+ ma ola ai.+  Aua le saʻili i Peteli,+ aua tou te ō atu i Kilikala,+ aua tou te sopoʻia tuaoi ina ia oo i Peresepa;+ auā o le a ave faapagota Kilikala;+ o Peteli foʻi o le a avea ma mea e iai le mana faataulāitu.+  Le aiga e o Iosefa,+ inā saʻili ia iā Ieova ma ola ai,+ neʻi gaoioi o ia e pei o se afi ma faatafunaina ai,+ neʻi aunoa foʻi Peteli ma se isi e na te tineia ai,+  o outou o ē ua liliu le faamasinotonu i le laau oona,+ o ē foʻi ua lafo i lalo le amiotonu.+  O Lē na faia le faaputuga fetu o Kima+ ma le faaputuga fetu+ o Kisila,+ o Lē o loo liua le pogisa+ i le malamalama o le taeao, o Lē foʻi ua faapogisaina le ao e pei o le pō,+ o Lē o loo valaau i le vai o le sami ina ia liligi ifo e ia i luga o le eleele,+ o Ieova o lona suafa lea;+  o lē na te vave faaoo le faatafunaina i luga o lē ua malosi, e oo foʻi le faatafunaga i se aai malupuipuia. 10  “ ‘Ua latou ʻinoʻino i lē ua aʻoaʻi atu i le faitotoʻa o le aai,+ ma ua latou inosia o lē e tautala i le mea saʻo.+ 11  O lenei foʻi, talu ai ua outou tāpā faamalosi fua o faaeleeleaga a le tagata faatauvaa e totogi ai lona faaaogāina o le laueleele, ma ua e aumai pea le lafoga o fatu mai iā te ia;+ ua outou faia fale i maa ua tipiina,+ ae e tou lē nonofo ai pea; na outou totōina togāvine mananaia ae e tou te lē inu ai pea i uaina mai i ia mea.+ 12  Auā ua ou iloaina le tele o au fouvalega+ ma le mataʻutia o a outou agasala,+ o outou o ē ua feita i lē ua amiotonu,+ o outou ua talia tupe ia natia ai se mea sesē,+ ma ē ua lē avatua le faamasinogatonu i tagata matitiva+ i le faitotoʻa o le aai.+ 13  O lea, o lē ua iai le tofā mamao o le a lē pisa, auā e matuā mataʻutia lava lea taimi.+ 14  “ ‘Ia saʻili i le lelei ae e lē o le leaga,+ ina ia outou ola ai pea;+ ma ina ia faatasi ai Ieova le Atua o ʻau ma outou, e pei ona outou fai mai ai.+ 15  Ia ʻinoʻino i le leaga ae naunau i le lelei,+ ma ia outou faatumau le faamasinotonu i le faitotoʻa o le aai.+ Atonu o le a alofa+ mai ai Ieova le Atua o ʻau i ē o totoe o Iosefa.’+ 16  “O lea, o le fetalaiga lenei a Ieova le Atua o ʻau, o Ieova lava, ‘O le a iai le tagiauē+ i nofoaga faitele uma ma auala uma, o le a faapea mai tagata: “Oi auē! Oi auē!” latou te valaau i le faifaatoʻaga ia faavauvau,+ ma ia tagiauē o ē ua iai le poto masani e faia auēga.’+ 17  ‘O le a iai le tagiauē+ i togāvine uma; auā ou te ui atu iā te oe,’+ ua fetalai mai ai Ieova. 18  “ ‘Oi talofa i ē ua mananaʻo tele i le aso o Ieova!+ O le ā le mea tou te faatalitalia e tupu i le aso o Ieova?+ O le a pogisa lea aso, e leai se malamalama,+ 19  e pei ona sola o se tagata ona o le leona, ae e fetaui ma le pea; e pei foʻi ona alu atu o ia i le fale ma faalagolago lona lima i le puipui, ae ū e le gata.+ 20  Pe e lē o le aso ea o Ieova o le pōuliuli ae e lē o le malamalama; ma pe e lē o iai ea le pogisa tele, ae e lē o le pupula?+ 21  Ua ou ʻinoʻino, ua ou teena a outou tausamiga,+ ma ou te lē fiafia foʻi i le manogi o a outou fonotaga paia.+ 22  Afai tou te fai taulaga iā te aʻu i taulaga mū,*+ ou te lē fiafia lava i na meaalofa i taulaga,+ ma ou te lē vaai ifo foʻi i a outou taulaga faifaatasi i manu pepeti.+ 23  Ia aveese mai iā te aʻu le taalili o au pese; ia aua neʻi ou faalogo foʻi i le leo mālie o au meafaifaaili e iai uaua.+ 24  A ia tafe ifo le faamasinotonu e pei o vai,+ ma le amiotonu e pei o vai e tafe tetele pea lava.+ 25  Le aiga o Isaraelu e, pe na outou aumaia ea taulaga ma taulaga i meaalofa iā te aʻu i le toafa, mo tausaga e fā sefulu?+ 26  O le a outou ave Satuka lo outou tupu+ ma Kiuna o a outou faatusa ia, o lo outou atua le fetu, lea na outou faia mo outou lava.+ 27  Ou te tuua outou ia ave faapagota i tala atu o Tamaseko,’+ ua fetalai mai ai lē e ona le suafa o Ieova, o le Atua o ʻau.”+

Faamatalaga Pito i Lalo

O lenei taulaga na faaumatia atoa i le afi.