Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Amosa 3:1-15

3  “Le fanauga a Isaraelu e, inā faalogo mai ia i upu nei a Ieova e faatatau iā te outou,+ e faatatau foʻi i le nuu atoa na ou aumaia mai i le atunuu o Aikupito,+ e faapea,  ‘Ua na o outou ua ou iloa+ mai i aiga uma o le lalolagi.+ O le mea lea ou te faasala ai iā te outou ona o a outou mea sesē uma.+  “ ‘Pe e savavali faatasi ea se toʻalua, pe e leʻi feiloaʻi muamua ma fai sa laʻua fuafuaga?+  Pe e tagi leotele ea le leona i le vaomatua pe a leai se manu na te puʻea?+ Pe e lagona ea le leo o se leona taanoa mai i le mea e nofo ai, pe afai e na te lē o puʻea se mea?  Pe e paʻū ea se manulele i se mailei i luga o le laueleele, pe afai e leai se mailei mo ia?+ Pe e alu aʻe ea se mailei mai i le laueleele, pe afai e lē puʻea se mea?  Pe a ilia se pū i le aai, pe e lē gatete ai ea tagata?+ Pe a tupu se malaia i le aai, pe e lē o Ieova ea na māfua ai?  Auā e lē faia lava e le Alii Pule Silisili Ese o Ieova se mea, seʻi vaganā ua ia faaali atu ana mataupu faalilolilo i ana auauna, o le ʻauperofeta.+  Ua iai se leona o loo tagi leotele!+ O ai ea sē e lē fefe ai? Ua fetalai mai le Alii Pule Silisili Ese o Ieova! O ai sē e lē faia ni valoaga?’+  “ ‘Ia outou faasilasila atu i luga o maota o Asetota ma maota i le atunuu o Aikupito,+ ma faapea atu: “Ia faapotopoto mai faasaga i mauga o Samaria,+ ma vaai i le tele o mea faalētonu i ona lotolotoi, ma faiga taufaasesē o loo iai iā te ia.+ 10  Ae ua latou lē iloa fai le mea ua tonu,”+ ua fetalai mai ai Ieova, “o i latou na o ē ua faaputu faiga sauā+ ma mea na faoa faamalosi i o latou maota.” ’ 11  “O lea, o le fetalaiga lenei a le Alii Pule Silisili Ese o Ieova, ‘O loo fealuaʻi le fili i le laueleele,+ o le a ia faatoʻilaloina lou malosi, o le a vetea foʻi ou maota.’+ 12  “O le fetalaiga lenei a Ieova, ‘E pei ona seʻi ese e le leoleo mamoe mai i le gutu o le leona o ni vae se lua ma se fasi taliga,+ e faapea foʻi ona seʻi ese e le fanauga a Isaraelu i latou o loo nonofo i Samaria i se sofa manaia,+ ma se nofoa umi+ mai i Tamaseko.’ 13  “ ‘Ia outou faalogo ma avatu se molimau+ i le aiga o Iakopo,’ ua fetalai mai ai le Alii Pule Silisili Ese o Ieova le Atua o ʻau. 14  ‘Auā o le aso ou te faasalaina+ ai Isaraelu ona o a latou fouvalega iā te ia, ou te taui atu ai foʻi i fata faitaulaga o Peteli;+ e aveesea foʻi seu o le fata faitaulaga, ma paʻuʻū ai i le eleele.+ 15  Ou te lepetia i lalo le fale mo le tau mālūlū+ atoa ma le fale mo le tau māfanafana.’+ “ ‘E faatamaʻia fale e fai i nifo elefane,+ e faatamaʻia foʻi fale e tele,’+ ua fetalai mai ai Ieova.”

Faamatalaga Pito i Lalo