Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Amosa 1:1-15

1  O upu a Amosa o se tasi o le ʻau fai lafu mamoe mai i Tikoa,+ o upu na oo atu iā te ia i faaaliga e uiga iā Isaraelu+ i aso o Usia+ le tupu o Iuta, ma aso foʻi o Ierepoamo+ le atalii o Ioasa+ le tupu o Isaraelu, i le lua tausaga a o lumanaʻi le mafuiʻe.+  Ua ia faapea atu: “O le a leotele mai Ieova e pei o se leona mai i Siona,+ e tulei ifo foʻi lona siʻufofoga mai i Ierusalema;+ e faavauvau fanua e aai ai lafumanu a leoleo mamoe, e mago foʻi le tumutumu o Karamelu.”+  “O le fetalaiga lenei a Ieova, ʻ “Ona o fouvalega e tolu a Tamaseko,+ e fā foʻi, ou te lē liliuese ai i lona faasalaga, auā na latou sauāina Kiliata+ i a latou uʻamea e soli ai saito.  Ou te auina atu se afi+ i le aiga o Asaeli,+ ma faatamaʻia ai ʻolo o Peniata.+  Ou te gausia le pou faalava o le faitotoʻa o pā o Tamaseko,+ ma faaumatia lē ua nofo i Pikata-aveni, ma lē ua uuina le tootoo i Pete-etena; o le a ave faapagota foʻi i Kiri+ tagata o Suria,” ua fetalai mai ai Ieova.’  “O le fetalaiga lenei a Ieova, ʻ “Ona o fouvalega e tolu a Kasa,+ e fā foʻi, ou te lē liliuese ai i lona faasalaga, auā na latou ave faapagota+ se aofaʻiga atoa o pagota ina ia tuuina atu iā Etoma.+  O le a ou auina atu se afi i pā o Kasa,+ ma e faatamaʻia ai ona maota.  O le a ou faaumatia o lē e nofo mai i Asetota,+ ma lē e uuina le tootoo mai i Asekelona;+ ou te faasaga loʻu lima+ iā Ekerona,+ e fano foʻi ē o totoe i Filisitia,”+ ua fetalai mai ai le Alii Pule Silisili Ese o Ieova.’  “O le fetalaiga lenei a Ieova, ‘Ona o fouvalega e tolu a Turo,+ e fā foʻi, ou te lē liliuese ai i lona faasalaga, auā na latou tuuina atu se aofaʻiga atoa o pagota iā Etoma, ma e latou te leʻi manatua foʻi le feagaiga a uso.+ 10  Ou te auina atu se afi i pā o Turo, ma e faatamaʻia ai ona maota.’+ 11  “O le fetalaiga lenei a Ieova, ‘Ona o fouvalega e tolu a Etoma,+ e fā foʻi, ou te lē liliuese ai i lona faasalaga, auā na ia tuliloaina lona lava uso i le pelu,+ ma talu ai na ia gaoioi e aunoa ma le alofa mutimutivale,+ ua ia saeia pea mea i lona ita; ua ia tausisi pea foʻi i lona toʻatamaʻi.+ 12  O le a ou auina atu se afi i Timanu,+ ma e faatamaʻia ai ʻolo o Posara.’+ 13  “O le fetalaiga lenei a Ieova, ʻ “Ona o fouvalega e tolu a le fanauga a Amoni,+ e fā foʻi, ou te lē liliuese ai i lona faasalaga,+ auā na latou faatiauina fafine totō o Kiliata, ina ia faalautele atu ai o latou laueleele.+ 14  O le a ou auina atu se afi i le pā o Rapa,+ ma e faatamaʻia ai ona maota, ma le alaga o le taua i le aso o le taua, ma le matagi malosi i le aso o le afā.+ 15  E ave faapagota lo latou tupu, o ia atoa ma ona perenise,”+ ua fetalai mai ai Ieova.’

Faamatalaga Pito i Lalo