Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

3 Ioane 1:1-14

 O aʻu o le toeaina,+ ua ou tusi atu iā Kaio le pele, o lē ou te alofa faamaoni i ai.+  Le uso pele e,+ ou te tatalo o loo e manuia+ i mea uma lava ma o loo e maua le soifua mālōlōina,+ e pei ona manuia o lou olaga.+  Auā ua ou matuā olioli lava ina ua ō mai uso ma faamatala mai lou faamaoni i le upu moni, ma ua ou olioli foʻi ona o loo e savali pea i le upu moni.+  E leai se isi mea e sili ai ona ou lotofaafetai, ina ua ou faalogo atu o loo savavali pea laʻu fanau i le upu moni.+  Le uso pele e, o loo e galue faamaoni i so o se mea o loo e faia mo uso+ aemaise e te lē masani ai,+  o ē na molimau atu i luma o le faapotopotoga e faatatau i lou alofa. Faamolemole, ia tapena la latou malaga e tusa ai ma le finagalo o le Atua.+  Auā na latou ō atu ona o le suafa o le Atua, e latou te leʻi aveina foʻi ni mea+ mai i tagata o nuu ese.  O le mea lea, e tatau ai ona tatou talimālō i tagata faapena,+ ina ia tatou galulue faatasi i le upu moni.+  Na ou tusi atu i le faapotopotoga, a o Tioterifi o lē na fia muamua+ iā i latou, e na te leʻi talia+ ma le faaaloalo+ se mea mai iā i matou. 10  Afai ou te alu atu, ou te faamanatu atu ana galuega o loo faia pea,+ i le faia o tala taufaaleaga e faatatau iā i matou.+ E lē gata e leʻi malie o ia i le faia o nei mea, ae na te leʻi taliaina foʻi ma le faaaloalo uso.+ O ē foʻi e mananaʻo e taliaina+ uso, e na te taumafai e taofi+ ma faateʻa ese+ i latou mai i le faapotopotoga. 11  Le uso pele e, ia avea oe ma faaaʻoaʻo o mea lelei, ae lē o mea leaga.+ O lē e faia mea lelei e mai i le Atua lava ia.+ A o lē e faia mea leaga, e leʻi vaai lava o ia i le Atua.+ 12  Na molimau i latou uma+ e faatatau iā Temetiu, ma o lona ola foʻi e tusa ma le upu moni na molimau iā te ia. O loo matou molimau+ foʻi, ma ua outou iloa e moni la matou molimau.+ 13  E tele ni mea ou te fia tusi atu ai iā te oe, ae ou te lē manaʻo e tusi atu i se tusi.+ 14  Ae ou te faamoemoe e vave ona ta feiloaʻi, ma ta talatalanoa faatasi.+ Tau ina ia e maua le filemu.+ O loo alolofa atu aumea.+ Ia momoli atu oʻu alofaaga+ i aumea taʻitoʻatasi.

Faamatalaga Pito i Lalo