Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

2 Tupu 9:1-37

9  Ua valaau atu le perofeta o Elisaia i se tasi o atalii+ o le ʻauperofeta, ua faapea atu iā te ia: “Ia e sauni*+ ma ave lenei fagu+ suāuu i lou lima, ma alu atu i Ramota-kiliata.+  Pe a e oo i inā, ia e saʻili Ieu+ le atalii o Iosefatu, le atalii o Nimesi; ia e ulu atu ma faatulaʻi o ia mai i ona uso, ma ave i le potu pito i totonu.+  Ia e ave le fagu uu ma liligi ifo i lona ulu,+ ma faapea atu, ‘O le mea lenei ua fetalai mai ai Ieova: “Ua ou faauuina+ oe e fai ma tupu+ o Isaraelu.”’ Ona e tatalaina lea o le faitotoʻa, ma e sola, aua e te faatali.”  Ona alu ai lea o le auauna, o le auauna a le perofeta, i lona ala i Ramota-kiliata.  Ina ua oo atu o ia, vaai! o loo nonofo mai taʻitaʻiʻau. Ua ia fai atu: “Le taʻitaʻiʻau e, o loo iā te aʻu se feʻau mo oe.”+ Ona fai mai lea o Ieu: “O ai o i matou uma nei?” A ua ia fai atu: “Le taʻitaʻiʻau e, e mo oe.”  Ua tulaʻi o ia ma ulu atu i le fale; ona ia liligi ifo lea o le suāuu i lona ulu, ma faapea atu: “O le mea lenei ua fetalai mai ai Ieova le Atua o Isaraelu, ‘Ua ou faauuina oe e fai ma tupu+ o le nuu o Ieova,+ o Isaraelu.  Ia e faaumatia le aiga o Aapo lou alii, ma ou te taui+ atu foʻi iā Iesepela le toto o aʻu auauna le ʻauperofeta, ma le toto o auauna uma a Ieova.+  Ia fano le aiga uma o Aapo; ou te fasiotia foʻi so o se tasi mai i le aiga o Aapo+ e tulaʻi e fai sana feʻaulata i le pā,+ ma so o se tasi e leai se fesoasoani, ma faatauvaa+ i Isaraelu.  Ou te faia foʻi le aiga o Aapo e pei o le aiga o Ierepoamo+ le atalii o Nepata, e pei foʻi o le aiga o Paasa+ le atalii o Akia. 10  E ʻaina foʻi e taʻifau Iesepela+ i le fanua i Isereelu, e leai foʻi se tasi e tanuina o ia.’” Ona ia tatala loa lea o le faitotoʻa ma sola.+ 11  A o Ieu, ua alu atu o ia i auauna a lona alii, ua latou fai mai foʻi iā te ia: “Po o lelei mea uma?+ Aiseā na sau ai lenei tamāloa valea+ iā te oe?” A ua ia fai atu iā i latou: “Ua outou iloa lelei lava le tamāloa ma le auala e masani ona tautala ai.” 12  A ua latou fai mai: “E sesē! Seʻi taʻu mai iā i matou faamolemole.” Ona ia fai atu lea: “Na faapea mai ma faapea mai lana tala iā te aʻu, ‘O le mea lenei na fetalai mai ai Ieova: “Ua ou faauuina oe e fai ma tupu o Isaraelu.”’”+ 13  Ona taʻitasi lea o i latou ma ave lona ofu+ ma fofola i faasitepu i lalo o ona vae, ona latou ili lea o pū+ ma faapea atu: “Ua fai Ieu ma tupu!”+ 14  Ona foua+ lea o Ioramo e Ieu+ le atalii o Iosefatu le atalii o Nimesi.+ Ma na leoleoina pea e Ioramo o Ramota-kiliata,+ o ia ma Isaraelu uma, auā ua fai Asaeli+ ma tupu o Suria. 15  Mulimuli ane, ua toe foʻi atu le tupu o Ioramo+ i Isereelu+ e togafiti ona manuʻa na faamanuʻa ai o ia e Suria, ina ua ia tau ma Asaeli le tupu o Suria.+ Ona fai atu lea o Ieu: “Afai e tou te ʻau faatasi ma aʻu,+ aua neʻi sola ese se tasi mai i le aai e alu e taʻu atu le tala i Isereelu.” 16  Ona tiʻetiʻe lea o Ieu ma alu atu i Isereelu; auā o loo taoto ai i inā Ioramo ona o ona manuʻa, a ua alu ifo Aasaia+ le tupu o Iuta e asiasi iā Ioramo. 17  Ua tū foʻi le tagata vāai+ i luga o le ʻolo+ i Isereelu,+ ua ia iloa atu tagata e matuā toʻatele a Ieu a o ia alu atu, ona ia fai atu lea: “Ua ou iloa atu tagata e matuā toʻatele.” Ona fai mai lea o Ioramo: “Inā avatu ia se tagata tau ma auina atu o ia e faafetaiaʻi i latou, ma ia fai atu foʻi, ‘Pe filemu ea?’”+ 18  Ona alu atu lea o se tagata tiʻetiʻe solofanua e faafetaiaʻi o ia, ma faapea atu: “O le mea lenei ua fai mai ai le tupu, ‘Pe filemu ea?’” A ua fai mai Ieu: “O le ā lau mea e fai i le ‘filemu’?+ Sau i oʻu tua!” Ona taʻu atu lea e le tagata vāai+ e faapea: “Ua oo atu le avefeʻau iā i latou, a ua lē toe foʻi mai o ia.” 19  Ua ia auina atu se tagata tiʻetiʻe solofanua lona lua, o lē ua alu atu iā i latou, ma faapea atu: “O le mea lenei ua fai mai ai le tupu, ‘Pe filemu ea?’” A ua fai mai Ieu: “O le ā lau mea e fai i le ‘filemu’?+ Sau i oʻu tua!” 20  Ua taʻu atu e le tagata vāai e faapea: “Ua oo atu o ia iā i latou, a ua lē toe foʻi mai o ia; ma o le ave kariota a le tagata, e pei lava o le aveave a Ieu+ le atalii o le atalii o Nimesi,+ auā o lana aveave ua pei o se tagata ua matuā ita lava.”+ 21  Ua fai ane Ioramo: “Inā sauni ia!”+ Ona sauni lea o lana kariota tau, ua taʻitasi foʻi Ioramo le tupu o Isaraelu ma Aasaia+ le tupu o Iuta, ma alu i lana kariota tau. A o la ō aʻe e faafetaiaʻi Ieu, ua la maua ai o ia i le fanua o Napota+ le Isereelu. 22  Ae ina ua vaai atu Ioramo iā Ieu, ona ia fai atu lea: “Pe filemu ea, Ieu?” A ua fai mai o ia: “E faapefea ona filemu,+ a o loo faitaaga Iesepela+ lou tinā, ma faia le tele o ana togafiti faataulāitu?”+ 23  Ona liliu lea o Ioramo e sola i lana kariota, ma faapea atu iā Aasaia: “Aasaia, o le togafiti!”+ 24  Ona tago lea o Ieu i lana ʻaufana,+ ma fana ai Ioramo i le vaitauʻau, ma ua ati ai le aū i lona fatu, ona paʻū lea o ia i totonu o lana kariota tau.+ 25  Ua ia fai atu iā Pitika lana auauna:+ “Ia sii aʻe o ia; ma lafo i le fanua o Napota le Isereelu;+ auā ia manatua: Sa ta tiʻetiʻe i kariota solofanua e mulimuli atu iā Aapo lona tamā, ona tuuina atu lea e Ieova o lenei feʻau faafaamasinoga+ e faatatau iā te ia: 26  ʻ“O ananafi lava na ou iloa ai le toto+ o Napota ma le toto o ona atalii,”+ ua fetalai mai ai Ieova, “ma ou te taui+ atu lava iā te oe i lenei fanua,” ua fetalai mai ai Ieova.’ O lenei, inā sii aʻe ia o ia; ma lafo i le fanua e tusa ai ma le afioga a Ieova.”+ 27  Ua iloa e Aasaia+ le tupu o Iuta, ona ia sola lea e ui atu i le togālaau.+ (Mulimuli ane, ua tuliloa o ia e Ieu ma faapea atu: “E faapena foʻi ma ia! Ia outou fasiotia o ia!” Ona latou fasiotia lea o ia a o iai i le kariota i le ala e alu aʻe i Kuru, e latalata i Ipelamo.+ Ua ia sola pea i Mekito,+ ma oti ai i inā.+ 28  Ona ave lea o ia e lana auauna i le kariota i Ierusalema, ma ua latou tanu ai o ia i lona tuugamau, faatasi ma ona augātamā i le Aai a Tavita.+ 29  O le tausaga lona sefulu tasi o le pulega a Ioramo+ le atalii o Aapo, na fai ai Aasaia+ ma tupu o Iuta.)         30  Ua alu atu pea Ieu ua oo i Isereelu,+ ma ua faalogo i ai Iesepela.+ Ona ia vali+ lea o ona mata i le vali uliuli, ma teu faamanaia lona ulu,+ ua vaavaai ifo foʻi mai i le faamalama.+ 31  Ua oo atu Ieu i le faitotoʻa. Ona fai mai lea o Iesepela: “Po o manuia ea Semeri+ lē na fasiotia lona alii?” 32  Ona tepa aʻe lea o ia i le faamalama, ua faapea atu: “O ai e ʻau ma aʻu? O ai?”+ Ona vaavaai ifo lea o tagata aloaʻia+ e toʻalua pe toʻatolu iā te ia. 33  Ua fai atu o ia: “Ia lafo ifo o ia!”+ Ona latou lafo ifo lea o ia, ua pisipisi foʻi lona toto i luga o le pā ma luga o solofanua; ma ua ia soli+ iā te ia. 34  Mulimuli ane, ua sau o ia i totonu, ua ʻai ma inu, ua ia faapea atu: “Faamolemole, seʻi outou fai lelei lenei fafine ua malaia+ ma tanu o ia, auā o ia o le afafine o le tupu.”+ 35  Ina ua latou ō atu e tanu o ia, latou te leʻi maua foʻi se vaega o ia, ae e na o le atigipoo, o vae, ma ona alofilima.+ 36  Ina ua latou toe foʻi mai ma faamatala mai iā te ia, ona ia fai atu lea: “O le afioga lenā a Ieova na ia fetalai mai ai e ala+ i lana auauna o Elia le Tisepi, e faapea, ‘E ʻaina e taʻifau le tino o Iesepela i le fanua o loo i Isereelu.+ 37  Ua fai foʻi le tino oti o Iesepela ma otaota+ i luga o le fogāeleele i le fanua o Isereelu, ina neʻi o latou faapea ane: “O Iesepela lenei.”’”+

Faamatalaga Pito i Lalo

I le gagana Eperu, “ia fusi lou fusipaʻu.”