Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 7:1-20

7  Ona fai atu lea o Elisaia: “Ia outou faalogologo mai i le afioga a Ieova.+ O le mea lenei ua fetalai mai ai Ieova, ‘O a taeao i le taimi faapenei, e faatau atu ai i le faitotoʻa o Samaria le sea o le falaoamata lelei i le sekeli, ma sea e lua o karite i le sekeli.’ ”+  Ona tali mai lea o le auauna na pipii+ i ai le tupu i lona lima i le tagata o le Atua moni, ua faapea mai: “Afai e faia e Ieova faitotoʻa o vai i le lagi,+ pe e mafai ona tupu o lenei mea?”+ Ona ia fai atu lea: “O lenei ua e vaaitino i ai,+ ae e te lē ʻai ai.”+  Na iai ni tamāloloa lepela se toʻafā i le faitotoʻa o le pā;+ ua latou fai ane foʻi o le tasi i le isi: “Aiseā ua tatou nonofo ai i inei e tatou te feoti ai?  Afai e tatou te faapea ane, ‘Seʻi o tatou ō atu i le aai,’ afai e iai le oge i le aai, e tatou te oti ai i inā.+ Ae afai e tatou te nonofo i inei, e tatou te feoti foʻi. O lenei, inā ō mai ia, seʻi o tatou ō atu e osofaʻi le ʻautau a Suria. Afai e latou te faasaoina i tatou, ona tatou feola ai lea; ae afai e latou te fasiotia i tatou, ona tatou feoti ai lea.”+  Ua tutulaʻi i latou i le afiafipō ina ia ō atu i le togālauapi o Suria; ua latou oo atu i le faatausiʻusiʻuga o le togālauapi a Suria, ae faauta! e leai se tagata o iai.  Ua faapogaia e Ieova le ʻautau a Suria e faalogo+ i le paʻō o kariota tau, o solofanua, o le ʻautau e toʻatele lava,+ ona latou faapea ane lea o le tasi i le isi: “Faauta! Ua totogi e le tupu o Isaraelu tupu o Heti+ ma tupu o Aikupito,+ ina ia siitaua mai iā i tatou!”  Ona latou tutū loa lea i luga ma sosola i le pō,+ ae tuua o latou faleʻie, o a latou solofanua,+ o a latou asini, ma le togālauapi e pei ona iai, ua sosola lava i le fia feola.+  Ina ua oo atu nei lepela i le faatausiʻusiʻuga o le togālauapi, ona latou ulu atu lea i le tasi faleʻie, ua aai, ma feinu, ma ave siliva, o auro, ma ofu, ona ō lea ma nanā. Ua latou toe foʻi mai ma ulu atu i le isi faleʻie, ma ave foʻi mea mai i inā, ua latou ō ma nanā.+  Mulimuli ane, ua latou faapea ane o le tasi i le isi: “E lē o saʻo lenei mea ua tatou faia. O le aso lenei, o le aso o le tala lelei!+ Afai e tatou te faatuai ma faatali seʻia malama aʻe le taeao, o le a tupu ai se mea iā i tatou.+ O lenei, inā ō mai ia, tatou ō e taʻu atu le tala i le aiga o le tupu.” 10  Ona latou ō mai lea ma valaau mai i leoleo faitotoʻa+ o le aai, ua faamatala mai iā i latou e faapea: “Na matou ō atu i le togālauapi o Suria, faauta! e leai ma se tasi o iai i inā, e leai foʻi se leo o se tagata, ae e na o solofanua ma asini o loo noanoa, o loo iai foʻi faleʻie e pei lava ona iai.”+ 11  Ona valaau atu lea o leoleo faitotoʻa ma latou taʻu atu i totonu i le aiga o le tupu. 12  Ona tulaʻi lea o le tupu i le pō ma faapea atu i ana auauna:+ “Seʻi oʻu taʻu atu iā te outou le mea ua faia e Suria iā i tatou.+ Ua latou iloa lelei ua tatou fia aai;+ ma ua latou ō ai i tua o le togālauapi ma lalafi ai i le fanua,+ ua faapea ane, ‘Pe a latou ō i fafo o le aai, ona tatou pupuʻe ola ai lea o i latou, ma tatou ō mai ai loa i le aai.’ ” 13  Ua tali mai se tasi o ana auauna, ua faapea mai: “Seʻi o latou ave ni solofanua se lima o totoe, o loo iai i le aai.+ Faauta! E tutusa lava na tagata ma i latou uma o Isaraelu na totoe i le aai. Faauta! E tutusa foʻi i latou uma ma tagata o Isaraelu na faaumatia.+ Seʻi o tatou aauina atu i latou ma iloa ai.” 14  Ona latou ave lea o kariota solofanua e lua, ma ua aauina atu i latou e le tupu i le togālauapi o Suria, ua faapea atu: “Inā ō ia ma vaavaai.” 15  Ua latou mulimuli atu iā i latou, ua oo atu i Ioritana; faauta! ua fola solo i le auala ofu ma ipu+ na lafoaʻi ai e Suria a o latou sosola ese.+ Ona toe foʻi lea o avefeʻau ma taʻu mai i le tupu. 16  Ua ō atu le nuu ma faoa+ mea mai i le togālauapi a Suria; o lea ua faatau atu ai le sea o le falaoamata lelei i le sekeli, ma sea e lua o karite i le sekeli, e tusa ma le afioga+ a Ieova. 17  Ua tofia foʻi e le tupu le auauna na ia pipii+ ai i lona lima e pule i le faitotoʻa; ua soli+ foʻi o ia e le nuu i le faitotoʻa ma ua oti ai o ia, e pei o upu a le tagata o le Atua moni,+ ina ua tautala o ia i le taimi na alu ifo ai le tupu iā te ia. 18  O lea, ua taunuu ai le mea na fai atu ai le tagata o le Atua moni i le tupu, e faapea: “E faatau atu sea e lua o karite i le sekeli, e faatau atu foʻi le sea o le falaoamata lelei i le sekeli, i le taimi faapenei a taeao i le faitotoʻa o Samaria.”+ 19  A ua tali mai le auauna na pipii i ai le tupu i le tagata o le Atua moni, ua faapea mai: “E tusa lava pe e faia e Ieova faitotoʻa o vai i le lagi, pe e mafai ona tupu o lenei mea e tusa ma nei upu?”+ Ona ia fai atu lea: “O lenei ua e vaaitino i ai, ae e te lē ʻai ai.”+ 20  Ua faapena lava ona taunuu iā te ia,+ ina ua solia+ o ia e le nuu i le faitotoʻa, ma ua oti ai o ia.

Faamatalaga Pito i Lalo