Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

2 Tupu 6:1-33

6  Ua fai mai atalii+ o le ʻauperofeta iā Elisaia: “Faauta! E laʻitiiti tele+ le mea o loo matou nonofo ai+ i ou luma.  Faamolemole, seʻi tuu mai i matou e ō i Ioritana, e taʻitasi ma aumai mai i inā se laau, ma faia ai mo i matou+ se mea e nonofo ai.” Ona ia fai atu lea: “Inā ō ia.”  Ua fai mai se tasi tagata: “Inā sau ia e ō ma au auauna.” Ona fai atu lea o ia: “Ou te alu lava.”  Ona ō lea o ia ma i latou, ma ua latou taunuu i Ioritana, ona tā lea i lalo o laau.+  Ua tā e le tasi tagata lana laau, ua paʻū ai le toʻi+ i le vai. Ona ia alaga lea ma faapea mai: “Auē loʻu matai e,+ o le toʻi na faanoi mai!”+  Ua fai atu le tagata o le Atua moni: “O fea na paʻū i ai?” Ua ia faasino mai iā te ia. Ua ia tipi se fasilaau ma lafo i le mea na paʻū i ai, ona opeopea lea o le ulu o le toʻi.+  Ona ia fai atu lea: “Tago loa i ai e ave aʻe.” Ona tago atu lea o lona lima ma ave aʻe.  Ua siitaua mai le tupu o Suria+ iā Isaraelu. Ona ia filifili lea ma ana auauna,+ ua ia faapea atu: “O lea mea ma lea mea e tou te tolauapi ai faatasi ma aʻu.”+  Ua auina atu e le tagata o le Atua moni+ se feʻau i le tupu o Isaraelu, ua faapea atu: “Ia faaeteete ina neʻi e ui ane i lea mea,+ auā o i inā e ō ifo i ai Suria.”+ 10  Ona aauina atu lea e le tupu o Isaraelu nisi i le mea na fai mai ai le tagata o le Atua moni iā te ia.+ Ua lapataʻia+ foʻi e Elisaia le tupu o Isaraelu, ma ua ia faamamao ese mai pea i inā. 11  Ua ita le loto o le tupu o Suria i lenei mea,+ ona ia valaau lea o ana auauna ma faapea atu iā i latou: “Pe e tou te lē taʻuina mai ea iā te aʻu, po o ai o i latou o faatasi ma i tatou e ʻau i le tupu o Isaraelu?”+ 12  Ona fai mai lea o se tasi o ana auauna: “Loʻu alii e, le tupu, e leai se tasi, e na o le perofeta o Elisaia+ o loo iai i Isaraelu, o ia lenā o loo faailoa+ atu i le tupu o Isaraelu mea e te fetalai ai i lou potumoe.”+ 13  Ona ia fai atu lea: “Ia outou ō ma vaai po o fea o iai o ia, ina ia ou aauina atu nisi e aumai o ia.”+ Mulimuli ane, ua oo mai le tala iā te ia e faapea: “O loo iai o ia i Totana.”+ 14  Ona ia aauina atu loa lea o solofanua, o kariota tau, ma se ʻautau e toʻatele+ i inā; ua latou ō atu i le pō ma siʻomia le aai. 15  Ina ua tulaʻi le auauna+ a le tagata o le Atua moni i le taeaopō, ma ua alu atu i fafo, vaai! ua siʻomia le aai i ʻautau, o solofanua ma kariota tau. Ona fai mai lea o lana auauna iā te ia: “Auē, loʻu matai e!+ O le ā se mea e ta te faia?” 16  A ua ia fai atu: “Aua e te fefe,+ auā e sili atu ona toʻatele o ē ua iā i taʻua i lo o ē ua iā i latou.”+ 17  Ona tatalo+ lea o Elisaia, ua faapea atu: “Ieova e, ia e faapupula i ona mata+ ina ia ona iloaina atu.” Ona faapupula lea e Ieova mata o le auauna, ua ia iloa atu; faauta! ua tumu le vaega maugā i solofanua ma kariota afi o le taua,+ ua siʻosiʻomia ai Elisaia.+ 18  Ina ua ō ifo ʻautau a Suria iā te ia, ona tatalo lea o Elisaia iā Ieova, ua faapea atu: “Faamolemole, ia e faatauasoina lenei nuu.”+ Ona ia faatauasoina lea o i latou, e tusa ai ma le upu a Elisaia. 19  Ua fai atu Elisaia iā i latou: “E lē o le auala lenei, e lē o le aai foʻi lenei. Inā mulimuli mai ia iā te aʻu, ou te taʻitaʻi outou i le tagata o loo outou saʻilia.” Ae peitaʻi, ua ia taʻitaʻi i latou i Samaria.+ 20  Ina ua latou taunuu i Samaria, ona faapea atu lea o Elisaia: “Ieova e, ia e faapupula mata o i latou nei, ina ia o latou iloaina atu.”+ Ona faapupula lea e Ieova o o latou mata, ua latou iloa ai; o loo iai i latou i le ogatotonu o Samaria. 21  Ua fai mai le tupu o Isaraelu iā Elisaia ina ua ia iloa mai i latou: “Loʻu tamā e,+ po ou te fasiotia loa i latou,+ po ou te fasiotia loa i latou?” 22  A ua ia fai atu: “Aua e te fasiotia i latou. Pe e te fasiotia ea i latou na e aumaia faapagota i lau pelu ma lau ʻaufana?+ Ia laulau atu ni meaʻai ma ni vai iā i latou, ina ia latou aai ma feinu ai,+ ona ō atu ai lea i lo latou alii.” 23  Ona ia saunia lea o se faigaʻai tele mo i latou; ua latou aai ma feinu, ona ia aauina atu lea o i latou e ō i lo latou alii. E leʻi toe ō mai foʻi ʻau a Suria e faoa mea+ i le nuu o Isaraelu. 24  Mulimuli ane, ona faapotopoto faatasi lea e Peniata le tupu o Suria o lana ʻautau uma, ma ō aʻe e siʻomia+ Samaria. 25  Ua iai se oge tele i Samaria,+ ma faauta! ua latou siʻomia le aai, ua iʻu ina faatauina atu le ulu o se asini+ i tupe siliva e valu sefulu, ae lima tupe siliva na faatauina atu ai le tasi vaefā o le fua o le kape* o otaota+ o le lupe. 26  A o savali ane le tupu o Isaraelu i luga o le pā, ona alaga atu lea o se tasi fafine iā te ia, ua faapea atu: “Loʻu alii e, le tupu, ia e fesoasoani mai!”+ 27  Ua fai mai o ia: “Afai e lē fesoasoani atu Ieova iā te oe, o ā la ni mea ou te fesoasoani atu ai iā te oe?+ Pe afai e lē o le mea e soli ai saito, po o sua o vine, po o olive?” 28  Ona fai mai lea o le tupu i le fafine: “O le ā le mea ua tupu iā te oe?” Ua fai atu o ia: “Ua fai mai lenei fafine iā te aʻu, ‘Aumai lau tama ta te ʻaina i le aso nei, ona avatu lea o laʻu tama e ta te ʻaina a taeao.’+ 29  Ona ma tunuina+ lea o laʻu tama ma ʻai.+ Ona ou fai atu lea iā te ia i le aso na sosoo ai, ‘Inā aumai ia lau tama seʻi o ta ʻaina.’ A ua ia nanā i lana tama.” 30  Ina ua faalogo le tupu i upu a le fafine, ona ia saeia+ loa lea o ona ofu; a o ui ane o ia i luga o le pā, ua iloa atu o ia e le nuu, faauta! o loo ofu i totonu o ona ofu le ʻie talatala. 31  Ona ia fai atu lea: “Ia faia e le Atua iā te aʻu, ma ia faaopoopo e ia i ai, pe afai o tumau pea le ulu o Elisaia le atalii o Safata iā te ia i le asō!”+ 32  Ua nofo Elisaia i lona fale, ua nonofo foʻi faatasi ma ia o toeaina,+ ina ua auina mai e le tupu se tagata mai i ona luma. A o leʻi oo mai le avefeʻau iā te ia, ua ia fai atu i toeaina: “Po ua outou iloa ea ua auina mai lenei atalii o le fasioti tagata+ e vavaeese loʻu ulu? Vaai, pe a oo mai le avefeʻau, ia tapuni le faitotoʻa ma ia outou taofimau o ia i le faitotoʻa. Pe e lē o le paʻō+ ea lenā o vae o lona alii o loo mulimuli mai iā te ia?” 33  A o ia tautala atu iā i latou, ua oo mai le avefeʻau iā te ia, ona faapea atu lea o le tupu: “O le puapuaga lenei mai iā Ieova.+ Aiseā ou te saga faatalitali ai pea iā Ieova?”+

Faamatalaga Pito i Lalo

O le “kape” o le fua e tutusa ma le 1.22 lita.