Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 5:1-27

5  Sa iai se tasi tagata e igoa iā Naamanu,+ o le taʻitaʻiʻau a le tupu o Suria, sa sili o ia ma faaaloalogia i luma o lona alii, talu ai o ia na maua ai e Suria le faaolataga mai iā Ieova;+ o ia foʻi o se tagata toa ma malosi, ae o le lepela o ia.  A o tagata Suria, ua latou ō atu o ni ʻau e faoa mea,+ ua latou ave faapagota se teineitiiti mai i le nuu o Isaraelu,+ ua fai foʻi o ia ma auauna a le avā a Naamanu.  Mulimuli ane, ua fai atu o ia+ i lona matai tamaʻitaʻi: “Maʻimau e, pe ana iai loʻu alii i luma o le perofeta+ i Samaria! Semanū e na te faateʻaeseina lona lepela.”+  Ona alu atu lea o se tasi ma taʻu atu i lona alii le mea na fai mai ai le teine+ mai i Isaraelu.  Ona fai mai lea o le tupu o Suria iā Naamanu: “Sau ia! Inā alu, ou te auina atu se tusi i le tupu o Isaraelu.” Ona alu lea o ia ma ave i lona lima+ o taleni siliva e sefulu, o sekeli auro e ono afe,+ ma ofu e sefulu.+  Ua ia avatu le tusi+ i le tupu o Isaraelu, ua faapea le tusi: “A oo atu lenei tusi iā te oe, ua ou auina atu foʻi iā te oe laʻu auauna o Naamanu, ina ia e faateʻaeseina lona lepela.”  Ina ua faitau le tupu o Isaraelu i le tusi, ona ia saeia+ loa lea o lona ofu ma faapea ane: “O aʻu ea o le Atua+ e fasioti ma faaola?+ Auā ua auina mai lenei tagata iā te aʻu ina ia faateʻaese lona lepela; auā ua outou iloa, ua taumafai o ia e faatupu se misa.”+  Ina ua faalogo Elisaia le tagata o le Atua moni, ua saeia e le tupu o Isaraelu ona ofu,+ ona ia auina atu lea o se feʻau i le tupu, e faapea: “Aiseā ua e saeia ai ou ofu? Ia tuu o ia e sau iā te aʻu, ina ia ona iloaina ai o loo iai se perofeta i Isaraelu.”+  Ona sau ai lea o Naamanu ma ana solofanua ma ana kariota tau, ua tutū i luma o le faitotoʻa o le fale o Elisaia. 10  Ae peitaʻi, ua auina atu e Elisaia le avefeʻau iā te ia, ua faapea atu: “Inā alu ia, ma e tāʻele+ faafitu+ i Ioritana ina ia toe lelei ai lou tino;+ ma ia mamā ai.” 11  Ona matuā ita+ ai lea o Naamanu, ua alu ese ma faapea ane: “Na ou manatu,+ ‘O le a sau o ia i fafo ma tū ma valaau i le suafa o Ieova lona Atua, ma talotalo lona lima i le mea o iai le maʻi, ona teʻa ai loa lea o le lepela.’ 12  Pe e lē sili ea vaitafe o Tamaseko+ o Apana ma Farapa, nai lo o vai+ uma o Isaraelu? Pe e lē mafai ea ona ou tāʻele ai, ma ou mamā ai lava?”+ Ona liliu lea o ia, ua alu ma le ita tele.+ 13  Ua faalatalata atu ana auauna, ma faapea atu iā te ia: “Loʻu tamā e,+ ana fai atu e le perofeta se mea telē iā te oe, pe e te lē faia ea? A o lenei, ua ia fai atu iā te oe, ‘Ia tāʻele ma ia e mamā ai’?” 14  Ona alu ifo lea o ia, ua tofu faafitu i Ioritana e tusa ai ma le upu a le tagata o le Atua moni;+ mulimuli ane, ua toe lelei lona tino e pei o le tino o se tamaitiiti,+ ma ua ia mamā foʻi.+ 15  Ona toe foʻi mai lea o ia i le tagata o le Atua moni,+ o ia faatasi ma lana ʻautau uma, ua sau ma tū i ona luma, ua faapea mai: “O lenei, ua ou iloa lava e leai se isi Atua i le lalolagi, ua na o i Isaraelu lava.+ Faamolemole, inā talia ia se meaalofa+ mai i lau auauna.” 16  Ae peitaʻi, ua fai atu o ia: “O loo soifua Ieova, o lē o loo ou tū ai i ona luma,+ ou te lē talia lava le meaalofa.”+ A ua tauanau e ia o ia ina ia talia le meaalofa, ae na teena pea e ia. 17  Mulimuli ane, ua fai mai Naamanu: “Afai e leai, seʻi foaʻiina mai iā te aʻu lau auauna ni avega eleele+ a ni asini* se lua; auā e lē toe faia e lau auauna se taulaga mū po o se isi taulaga i so o se atua, ae e na o Ieova lava.+ 18  O lenei, ia faamagalo e Ieova lau auauna: Pe a alu loʻu alii i le fale o Rimoni+ e ifo ai i inā, e faalagolago+ o ia i loʻu lima ona ou ifo+ ai lea i le fale o Rimoni, pe a ou ifo i le fale o Rimoni, tau ina ia faamagalo e Ieova lau auauna e tusa ai ma lenei mea.”+ 19  Ona ia fai atu lea iā te ia: “Inā alu ia ma le filemu.”+ Ona alu ese lea o ia mai iā te ia, e leʻi mamao tele atu. 20  A ua faapea ane Kiasi+ le auauna a Elisaia le tagata o le Atua moni:+ “O lenei, ua tuu atu e loʻu matai ia Naamanu+ le Suria e alu, i lona lē taliaina o mea na ia aumaia. O loo soifua Ieova,+ ou te tuliloa iā te ia ina ia ou maua mai se mea iā te ia.”+ 21  Ona alu lea o Kiasi ma tuliloa iā Naamanu. Ina ua iloa mai e Naamanu se tasi o tamoʻe atu i ona tua, ona alu ifo lea o ia mai i lana kariota e faafetaiaʻi iā te ia, ua faapea mai, “Po o lelei mea uma?”+ 22  Ua ia fai atu: “O loo lelei mea uma. A ua auina mai aʻu+ e loʻu matai+ e fai atu, ‘Faauta! Faatoʻā ō mai nei lava iā te aʻu ni tauleleʻa se toʻalua mai i le vaega maugā o Efaraima, e mai i atalii o le ʻauperofeta.+ Faamolemole, ia avatu iā i laʻua se taleni siliva ma ni ofu se lua.’ ”+ 23  Ona fai mai lea o Naamanu: “Inā ave ia taleni e lua.” Ua ia tauanau pea+ iā te ia, ona ia tuu lea o taleni siliva e lua i taga e lua, faatasi ai ma ni ofu se lua, ma tuuina atu i ana auauna e toʻalua ina ia ave e muamua atu iā te ia. 24  Ina ua oo i Ofele, ona ia ave loa lea o mea mai iā i laʻua ma tuu i le fale,+ ae aauina ese atu tamāloloa. Ona la ō ai lea. 25  Ua alu atu o ia ma tū i tafatafa o lona matai.+ Ona fai mai lea o Elisaia iā te ia: “O fea e te sau ai nei Kiasi?” A ua ia fai atu: “E leʻi alu lava lau auauna i se mea.”+ 26  Ona ia fai mai lea: “Po ou te leʻi iloa ea le taimi na alu ifo ai le tagata mai i lona kariota e faafetaiaʻi iā te oe? Po o se taimi ea lenei e talia ai siliva, o ofu, o togāolive, o togāvine, o mamoe, o povi, o auauna tane ma auauna fafine?+ 27  O le mea lea, e pipii atu ai iā te oe ma au fanau i aso uma+ lava le lepela+ o Naamanu.” Ona alu lea o ia i fafo mai ona luma, ua paʻepaʻe lona tino i le lepela e pei o le kiona.+

Faamatalaga Pito i Lalo

Po o le “miula,” lea e maua mai i le upu Eperu e faasino atu i le tama a le asini poʻa ma le solofanua fafine.