Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 4:1-44

4  Sa iai se tasi fafine i avā a atalii+ o le ʻauperofeta, na tagi mai o ia iā Elisaia e faapea: “Ua oti laʻu tane, o lau auauna; ma ua e silafia lelei lava sa mataʻu+ pea lau auauna iā Ieova, a ua sau lē na matou aitalafu+ ai e ave laʻu fanau e toʻalua e fai ma ana pologa.”  Ona faapea atu lea o Elisaia iā te ia: “O le ā se mea ou te faia mo oe?+ Ia taʻu mai iā te aʻu; po o ā mea o iā te oe i le fale?” A ua faapea mai o ia: “E leai lava se mea a lau auauna fafine i le fale, ua na o le fagu suāuu.”+  Ona ia fai atu lea: “Inā alu ia, ia e talosaga atu mo ni ipu mo oe mai i fafo, mai i ou tuaoi uma, o ni ipu e lē o iai ni mea. Aumai ni ipu se tele.  Ia e alu i totonu ma tapuni mai le faitotoʻa, ona e liligi lea o le suāuu i nei ipu uma, ma tuu ese ipu ua tutumu.”  Ona alu ese lea o le fafine mai iā te ia. Ina ua tapunia e le fafine le faitotoʻa i ona tua ma tua o lana fanau, ona la aumai lea o ipu iā te ia, ma ua ia liligi i ai le suāuu.+  Ina ua tutumu ipu, ona ia faapea atu lea i le isi ana tama: “Ia toe aumai se isi ipu iā te aʻu.”+ A ua fai mai o ia iā te ia: “E leai se isi ipu.” Ona uma ai lea o le suāuu.+  Ona alu atu lea o ia ma taʻu atu i le tagata o le Atua moni, ona ia fai mai lea: “Inā alu ia ma faatau atu le suāuu, ma totogi ai la outou aitalafu,+ a o mea e totoe, ia ola ai oe ma lau fanau tama.”+  Ua oo i le tasi aso, ua ui ane Elisaia e agaʻi atu i Sunema+ i le mea na iai se fafine lauiloa, ua ia tauanau+ o ia e ʻai. O taimi uma e ui ane ai Elisaia, e afe ai foʻi i inā e ʻai ai.  I le tasi aso, ona fai atu lea o ia i lana tane:+ “O lenei ua ou iloa lelei, o le tagata paia o le Atua+ lea e masani ona ui mai iā i taʻua. 10  Seʻi o ta faia se tamaʻi potu pito i luga+ o le fale, ma tuu ai i totonu se moega, se laulau, se nofoa, ma se tuugāmolī;+ o taimi uma lava e sau ai o ia iā i taʻua, e mafai ona alu ane o ia i ai.”+ 11  Ua oo i le tasi aso e pei ona masani ai, ua sau o ia i inā ma afe ane i le potu pito i luga, ua taoto ai. 12  Ona fai atu lea o ia iā Kiasi+ lana auauna: “Ia valaau atu i lenā fafine Sunema.”+ Ona ia valaau lea i le fafine ina ia tū i ona luma. 13  Ona ia fai atu lea iā Kiasi: “Faamolemole ia e fai atu i le fafine, ‘Ua e tigāina ona o le tausiga o i maʻua.+ O le ā se mea e faia mo oe?+ Pe e iai ea se mea e fai atu ai i le tupu+ po o le taʻitaʻiʻau+ mo oe?’ ” A ua fai mai le fafine: “O loo oʻu nofo ma le saogalemu i loʻu nuu.”+ 14  Ua ia fai atu: “O le ā la se mea e faia mo ia?” Ona fai mai lea o Kiasi: “E leai sana tama,+ ma ua toeaina foʻi lana tane.” 15  Ona ia fai atu loa lea: “Ia valaau atu iā te ia.” Ona ia valaau lea iā te ia, ma ua sau o ia ma tū mai i le faitotoʻa. 16  Ua ia faapea atu: “O le a e sapasapaia se tama i le taimi faapenei i le tausaga fou.”+ A ua fai mai o ia: “E leai loʻu matai, le tagata o le Atua moni! Aua e te tala pepelo e tusa ai ma lau auauna fafine.” 17  Ae peitaʻi, ua maʻitō le fafine ma fanaua se tama tama+ i le taimi lava lea i le tausaga na sosoo ai, e pei ona fai atu ai Elisaia iā te ia.+ 18  Ua tuputupu aʻe pea le tamaitiiti, ma i le tasi aso, na alu ai o ia e pei ona masani ai i lona tamā, o loo faatasi ma ē e selesaito.+ 19  Ua fai atu pea o ia i lona tamā: “Loʻu ulu e, loʻu ulu e!”+ Ona ia fai atu lea i le auauna: “Ia ave o ia i lona tinā.”+ 20  Ua ia ave o ia ma avatu i lona tinā. Ua sii pea o ia i vae o lona tinā seʻia oo i le aoauli, ona oti ai lea o ia.+ 21  Ona alu aʻe lea o le fafine ma faataoto o ia i luga o le moega+ o le tagata o le Atua moni,+ ua tapuni le faitotoʻa ma alu i fafo. 22  Ua ia valaau atu i lana tane e faapea: “Ia auina mai iā te aʻu se tasi o auauna ma se asini fafine, seʻi oʻu alu atu faavave i le tagata o le Atua moni, ona ou toe foʻi mai ai lea.”+ 23  A ua fai mai o ia: “Aiseā e te alu ai iā te ia i le asō? E lē o le masina faatoʻā vaaia+ lenei po o le sapati foʻi.” Ae peitaʻi, ua fai atu o ia: “E lē afāina.” 24  Ua ia faanofoa le asini fafine+ ma fai atu i lana auauna: “Ia muamua atu. Aua e te faatali mai iā te aʻu, seʻiloga ua ou fai atu iā te oe.” 25  Ua alu o ia, ua oo atu i le tagata o le Atua moni i le Mauga o Karamelu. Ina ua iloa mamao mai o ia e le tagata o le Atua moni, ona ia fai ane lea iā Kiasi lana auauna:+ “Faauta! O le fafine Sunema lale. 26  Inā tamoʻe ia e faafetaui o ia, ma fai atu iā te ia, ‘O ā mai oe? O ā mai lau tane? O ā mai le tama?’ ” Ona ia fai mai lea: “O loo lelei mea uma.” 27  Ina ua oo mai le fafine i le mauga i le tagata o le Atua moni, ona ia tago atu lea i ona vae.+ Ua faalatalata ane Kiasi e tulei ese o ia,+ a ua faapea atu le tagata o le Atua moni:+ “Ia tuu ai pea o ia,+ auā ua tigā lona loto;+ ua natia+ foʻi e Ieova lenei mea mai iā te aʻu, e leʻi taʻu mai iā te aʻu.” 28  Ona fai mai lea o le fafine: “Pe na ou talosaga atu ea i se tama i loʻu alii? Po ou te leʻi fai atu ea foʻi, ‘Aua neʻi e pepelo mai iā te aʻu’?”+ 29  Ona ia fai atu loa lea iā Kiasi:+ “Inā sauni*+ ia ma ave loʻu tootoo+ i lou lima, ma ia e alu. Afai lua te fetaiaʻi ma se tasi, aua neʻi e faafeiloaʻi atu iā te ia;+ afai foʻi e faafeiloaʻi mai se tasi iā te oe, aua e te tali atu iā te ia. Ia e tuu foʻi loʻu tootoo i foliga o le tama.”+ 30  Ua fai mai le tinā o le tama: “O loo soifua Ieova,+ o loo e soifua foʻi,+ ou te lē tuua lava oe.”+ Ona tulaʻi lea o ia, ua ō faatasi ma le fafine. 31  Ua muamua atu Kiasi i o la luma, ua ia tuu le tootoo i foliga o le tama, a ua leai se leo, ua lē tali ane foʻi.+ Ona ia toe foʻi mai lea e faafetaiaʻi iā te ia ma taʻu mai iā te ia, e faapea: “E leʻi ala le tama.”+ 32  Ua taunuu Elisaia i le fale, ua oti le tama, ma o loo faataoto i luga o lona moega.+ 33  Ua ulu atu o ia ma tapuni le faitotoʻa, ua i totonu i laʻua,+ ona tatalo atu lea iā Ieova.+ 34  Mulimuli ane, ua alu aʻe o ia i le moega ma faō i luga o le tama,+ ua ia tuu lona gutu i le gutu o le tama, o ona mata i ona mata, ma ona lima i ona lima, ua faō pea i ona luga, ona faasolo lea ina māfanafana le tino o le tama. 35  Ua toe savali o ia i le fale, e faatasi i le isi itu ma faatasi i le isi itu, ona alu aʻe lea o ia i le moega ma faō i ona luga. Ona mafatua faafitu ai lea o le tama, ma ua pupula ona mata.+ 36  Ona ia valaau atu lea iā Kiasi e faapea: “Inā valaau ia i le fafine Sunema.”+ Ona ia valaauina lea o ia, ma ua sau iā te ia. Ua ia fai atu: “Sii aʻe ia lau tama.”+ 37  Ua sau o ia i totonu ma faapaʻū i ona vae ma ifo toʻele iā te ia,+ ona ia sii aʻe lea o lana tama ma ō.+ 38  Ua toe foʻi Elisaia i Kilikala,+ ma sa iai se oge+ i le nuu. A o nonofo atalii+ o le ʻauperofeta i ona luma,+ ona ia fai atu lea i lana auauna:+ “Ia faatiʻetiʻe le ulo tele i luga o le ogaumu, ma fai se sitiū mo atalii o le ʻauperofeta.”+ 39  Ona alu atu lea o le tasi tagata i le vao e tau mai ni laau faimeaʻai,+ ma ua ia mauaina se vine vao, ua ia tauina ona fua ma ua tumu ai lona ofu, ona sau lea o ia ma tipitipi i le ulo sitiū, auā latou te lē masani ai. 40  Mulimuli ane, ona latou asu atu lea e aai ai tagata. Ina ua latou aai i le sitiū, ona latou alalaga lea ua faapea mai: “Le tagata o le Atua e,+ o loo iai le mea oona i le ulo.”+ Ua lē mafai foʻi ona latou aai ai. 41  Ona ia fai atu lea: “Ia outou aumai se falaoamata.” Ina ua uma ona ia lafo le falaoamata i le ulo, ona ia fai atu lea: “Ia asu atu i tagata e aai ai.” Auā ua leai se mea oona i le ulo.+ 42  Sa iai se tamāloa e sau mai i Paala-salisa,+ ua ia aumaia+ i le tagata o le Atua moni o falaoa e fai mai i uluaʻi fua pula,+ o falaoa karite e lua sefulu,+ ma fua o saito mata i lana taga meaʻai. Ona ia fai atu lea: “Inā avatu ia i le nuu e latou te aai ai.”+ 43  Ae peitaʻi, ua fai mai lana tautua: “E faapefea ona ou tuuina atu nei mea i luma o tagata e toʻaselau?”+ A ua ia faapea atu: “Inā avatu ia i le nuu e latou te aai ai, auā o le mea lenei na fetalai mai ai Ieova, ‘E latou te aai ma e iai foʻi mea e totoe.’ ”+ 44  Ua ia tuu atu lea mea i o latou luma, ua latou aai ma ua totoe mea e tusa ma le afioga a Ieova.+

Faamatalaga Pito i Lalo

I le gagana Eperu, “Inā fusi ia lou fusipaʻu.”