Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 3:1-27

3  Na fai Ioramo+ le atalii o Aapo ma tupu o Isaraelu i Samaria, i le tausaga lona sefulu valu o le nofoaiga a Iosefatu le tupu o Iuta, ua pule foʻi o ia mo tausaga e sefulu lua.  Ua faaauau foʻi ona ia faia mea leaga i le silafaga a Ieova,+ e lē pei o lona tamā+ ma lona tinā, ae na ia aveesea le poutū paia+ a Paala lea na faia e lona tamā.+  Ua pipii pea o ia i agasala a Ierepoamo+ le atalii o Nepata, ma ia faapogaia ai Isaraelu e agasala.+ E leʻi liliuese mai ai foʻi o ia.  O Mesa+ foʻi le tupu o Moapi, na avea o ia ma lē e tausia mamoe, na ia totogi atu foʻi i le tupu o Isaraelu tamaʻi mamoe e selau afe, ma mamoe poʻa e leʻi seleina e selau afe.  Ina ua oti Aapo,+ ona fouvale+ lea o le tupu o Moapi i le tupu o Isaraelu.  Ona alu atu lea o le Tupu o Ioramo i lenā taimi mai i Samaria, e faapotopoto faatasi+ Isaraelu uma.  Ua alu atu foʻi lana feʻau iā Iosefatu le tupu o Iuta e faapea: “Ua fouvale le tupu o Moapi iā te aʻu. Po o le a ta ō aʻe ea e tau ma Moapi?” A ua ia faapea mai: “Ta te ō lava.+ O aʻu nei e tutusa ma oe; o loʻu nuu e tutusa ma lou nuu;+ o aʻu solofanua e tutusa ma au solofanua.”  Ona ia fai atu lea: “O fea tonu le ala e tatou te ō aʻe ai?” Ua fai mai o ia: “O le ala e ui i le toafa o Etoma.”+  Ua ō le tupu o Isaraelu, o le tupu o Iuta, ma le tupu o Etoma,+ ua latou ō faataamilo pea i lo latou ala mo aso e fitu, ua leai foʻi se vai mo le ʻautau, ma manu lalata na mulimuli atu iā i latou. 10  Ua faapea atu le tupu o Isaraelu: “Oi talofa! Ua faapotopoto e Ieova nei tupu e toʻatolu ina ia tuuina atu i latou i lima o Moapi!”+ 11  Ua fai mai Iosefatu:+ “Pe e lē o i inei ea se perofeta a Ieova?+ Seʻi o tatou fesili atu iā Ieova e ala iā te ia.”+ Ona tali atu lea o le tasi o auauna a le tupu o Isaraelu: “O loo i inei Elisaia+ le atalii o Safata, o lē na liligiina le vai i lima o Elia.”+ 12  Ua fai mai Iosefatu: “O loo iā te ia le afioga a Ieova.” Ona ō ifo lea iā te ia o le tupu o Isaraelu, o Iosefatu, ma le tupu o Etoma. 13  Ua fai mai Elisaia i le tupu o Isaraelu: “O le ā ea se mea ou te faia iā te oe?+ Inā alu ia i perofeta+ a lou tamā ma perofeta a lou tinā.” A ua fai atu le tupu o Isaraelu iā te ia: “E leai, auā ua valaauina e Ieova nei tupu e toʻatolu e tuuina atu i latou i lima o Moapi.”+ 14  Ona fai mai lea o Elisaia: “O loo soifua Ieova o ʻau o lē o loo oʻu tū ai i ona luma,+ ana lē seanoa loʻu manatu iā Iosefatu le tupu o Iuta,+ semanū ou te lē vaai atu pe manatu atu foʻi iā te oe.+ 15  O lenei, ia outou aumaia iā te aʻu se tagata tā kitara.”*+ Ina ua tā e le tagata le kitara, ona oo mai lea o le aao+ o Ieova i luga iā te ia. 16  Ona ia fai atu lea: “O le mea lenei na fetalai mai ai Ieova, ‘Ia outou ʻeli ni ʻautu ia soo ai lenei vanu;+ 17  auā o le mea lenei na fetalai mai ai Ieova: “Tou te lē vaaia se matagi, tou te lē iloa foʻi le maligi mai o timuga; ae peitaʻi o le a tumu lenā vanu i vai,+ e tou te feinu ai lava,+ o outou, o a outou lafumanu, ma a outou manu lalata.” ’ 18  E faigofie lenei mea i le silafaga a Ieova,+ ma e na te tuuina mai lava Moapi i o outou lima.+ 19  Ia outou taia i lalo aai malupuipuia+ uma ma aai silisili uma, ia outou tāina+ i lalo laau lelei+ uma, ia outou tanu foʻi vaipuna uma, ma ia outou faaleaga foʻi i maa o fanua lelei uma.” 20  Ua oo i le taeao+ i le taimi e fai ai taulaga i meaʻai,+ faauta! ua tafe mai le vai mai i le ala o Etoma, ma ua tumu ai le laueleele i le vai. 21  O tagata Moapi uma foʻi, ua latou faalogo ua ō aʻe tupu e tau ma i latou. Ona latou faapotopoto faatasi lea o tane uma o ē e talavou+ ma ē e matutua e mafai ona tau, ua latou tutū i le tuaoi. 22  Ina ua latou feala i le taeao, ua susulu ifo le lā i luga o le vai, ma ua vaavaai ane tagata Moapi mai i le isi itu ua mūmū le vai e pei o le toto. 23  Ona latou faapea ane lea: “O le toto lenā! Ua fasia e le tasi tupu le isi i le pelu, ua latou fefasiaʻi lava. O lenei, Moapi e, inā tatou ō ia ma ave le vete!”+ 24  Ina ua latou oo atu i le togālauapi a Isaraelu, ona tutulaʻi lea o Isaraelu+ ma fasiotia tagata Moapi, ona latou sosola ese lea mai i o latou luma.+ Ua latou ō mai i Moapi, ma ua latou fasiotia tagata Moapi a o latou ō mai. 25  Ua latou lepeti aai, ua latou taʻitasi ma lafo+ lana maa i fanua lelei uma ma faatumu ai; ua latou tanu+ vaipuna uma, ua latou tā foʻi i lalo+ laau lelei uma seʻia o latou faatotoe ai na o maa o Kiriaresa;+ ma ua faataamilo ai tagata e sasauina maatā, ma faatoʻilaloina. 26  Ina ua iloa e le tupu o Moapi o le a faatoʻilaloina o ia i le taua, ona ia ave lea o tagata e fai pelu e toʻafitu selau ina ia osofaʻia le tupu o Etoma;+ a ua lē mafai e i latou. 27  Mulimuli ane, ona ia ave lea o lona atalii ulumatua o lē o le a pule e sui iā te ia, ma ofo+ atu o ia o se taulaga mū i luga o le pā. Ua matuā feitai foʻi iā Isaraelu, ona latou ō ese lea mai iā te ia ma toe foʻi atu i lo latou nuu.

Faamatalaga Pito i Lalo

O se meafaifaaili anamua e ese mai i le kitara i aso nei. O le upu Peretania, o le harp.