Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 25:1-30

25  Ua oo i le tausaga lona iva+ o lana nofoaiga o se tupu, i le masina lona sefulu, o le aso lona sefulu+ o le masina, na sau+ ai Nepukanesa+ le tupu o Papelonia, o ia ma lana ʻautau uma e siitaua iā Ierusalema, ua tolauapi ma ati se pā e siʻomia faataamilo ai.+  Ua siʻomia pea le aai seʻia oo i le tausaga lona sefulu tasi o le nofoaiga a le Tupu o Setekaia.  O le aso lona iva+ o le masina lona fā, na matuā tetele ai le oge+ i le aai, ua leai foʻi ni meaʻai+ mo tagata o le nuu.  Ua lepetia le aai,+ ona sosola ai lea o tagata uma o le taua i le pō e ui atu i le ala i le faitotoʻa i le va o pā e lua i tafatafa o le togālaau a le tupu,+ a o siʻomia faataamilo e ʻau a Kaletaia+ le aai; ua alu+ atu foʻi le tupu i le ala i le itu o le Arapa.+  Ua tuliloa e le ʻautau a Kaletaia+ le tupu, ma ua latou maua atu o ia+ i fanua laugatasi o le toafa o Ieriko;+ ua taapeape foʻi lana ʻautau uma sa iā te ia.  Ua latou puʻeina le tupu+ ma avatu o ia i le tupu o Papelonia i Ripelu,+ ona latou faamasinoina lea o ia.  Ua latou fasiotia foʻi atalii o Setekaia i ona luma,+ a ua ia faatauasoina+ Setekaia, ona ia saisai lea o ia i faamau ʻapamemea+ ma ave o ia i Papelonia.+  O le masina lona lima i le aso lona fitu o le masina, o le tausaga lona sefulu iva+ lea o le nofoaiga a le Tupu o Nepukanesa le tupu o Papelonia, na sau ai i Ierusalema+ o Nepusatana+ le taʻitaʻi o leoleo, o le auauna a le tupu o Papelonia.  Ua ia susunu le fale o Ieova,+ o le fale o le tupu,+ ma fale uma o Ierusalema;+ ua ia susunu foʻi i le afi fale o tagata sili uma.+ 10  Ua lepeti foʻi pā na siʻomia ai Ierusalema e ʻautau uma a Kaletaia, o ē na faatasi ma le taʻitaʻi o leoleo.+ 11  A o isi o le nuu+ na totoe i le aai, ma ē na sosola na ō atu i le tupu o Papelonia ma isi tagata uma, na ave faapagota i latou e Nepusatana le taʻitaʻi o leoleo.+ 12  A o nisi o ē e faatauvaa+ o le nuu, na tuu pea e le taʻitaʻi o leoleo ina ia galulue i vine, ma faia galuega mamafa.+ 13  O poutū+ ʻapamemea foʻi sa i le fale o Ieova, o taavale toso,+ ma le vai ʻapamemea+ sa i le fale o Ieova, na nutililii e ʻau a Kaletaia, ma latou ave ʻapamemea i Papelonia.+ 14  Na latou ave foʻi ʻapa, o suō, o seleulu, o ipu tī, ma ipu+ ʻapamemea uma na latou faaaogā i le auaunaga. 15  Na ave foʻi e le taʻitaʻi o leoleo o salefu, ma ipu faaofuofu ua faia i le auro māoʻi+ ma le siliva māoʻi.+ 16  A o poutū e lua, o le vai e tasi, ma taavale toso na faia e Solomona mo le fale o Ieova, e leʻi mafai ona fuatia le mamafa o le ʻapamemea o nei ipu uma.+ 17  E sefulu valu kupita+ le maualuga o poutū taʻitasi, ma o le ulupou+ na iai sa faia i le ʻapamemea; o le maualuga o le ulupou e tolu kupita; o le mea valavala ma rimoni+ na faataaliʻoliʻo ai le ulupou, sa faia foʻi i le ʻapamemea; e faapena foʻi le mea valavala sa iai i le poutū lona lua. 18  Na ave foʻi e le taʻitaʻi o leoleo o Seraia+ le faitaulaga sili, ma Sefanaia+ le faitaulaga lona lua, ma leoleo faitotoʻa e toʻatolu;+ 19  na ia ave foʻi mai i le aai le tagata aloaʻia e toʻatasi o lē na pule i tagata o le taua, o tagata e toʻalima o ē na iloa fofoga o le tupu sa iai i le aai; o le failautusi a le taʻitaʻiʻau, o lē e faapotopotoina tagata o le nuu, ma tagata e toʻaono sefulu o le nuu na maua i le aai;+ 20  ona ave lea o i latou+ e Nepusatana+ le taʻitaʻi o leoleo ma avatu i le tupu o Papelonia i Ripelu.+ 21  Ua fasia i latou e le tupu o Papelonia,+ ma ua latou feoti ai i Ripelu i le nuu o Amato.+ A ua ave faapagota Iuta mai i lona laueleele.+ 22  A o tagata+ na totoe i le nuu o Iuta, o ē na tuua e Nepukanesa le tupu o Papelonia, na ia tofia Ketalia+ le atalii o Aikamo+ le atalii o Safana+ e pule iā i latou. 23  Ina ua faalogo taʻitaʻiʻau+ uma ua tofia Ketalia e le tupu o Papelonia, ona latou ō mai loa lea iā Ketalia i Mesepa,+ o Isamaeli lea le atalii o Netanaia, o Iokana le atalii o Karea, o Seraia le atalii o Tanumeta le tagata Netopa, ma Iaasenaia le atalii o Maakati, o i latou ma o latou tagata. 24  Ona tautō+ lea o Ketalia iā i latou ma o latou tagata, ua faapea atu: “Aua le fefefe e avea o ni auauna i le ʻau Kaletaia. Ia nonofo i le nuu ma auauna atu i le tupu o Papelonia, ona manuia ai lea o outou.”+ 25  O le masina lona fitu+ na ō mai ai Isamaeli+ le atalii o Netanaia le atalii o Elisama, o lē na tupuga mai i le aiga tupu, faatasi ai ma tagata e toʻasefulu na iā te ia, ua latou fasia Ketalia+ ma ua oti ai, atoa foʻi ma tagata Iutaia ma tagata Kaletaia na faatasi ma ia i Mesepa.+ 26  Mulimuli ane, ona tulaʻi lea o le nuu uma e mai i ē e iti e oo i ē e matutua, ma taʻitaʻi o ʻautau, ua ō atu i Aikupito;+ auā ua latou fefefe ona o le ʻau Kaletaia.+ 27  Pe tusa o le tausaga lona tolu sefulu fitu talu ona ave faapagota Ioakina+ le tupu o Iuta, i le masina lona sefulu lua i le aso lona lua sefulu fitu o le masina, na faaeaina ai le ulu+ o Ioakina le tupu o Iuta, e Evile-marota+ le tupu o Papelonia i le tausaga na pule ai o ia; 28  ua ia tautala atu ma le agalelei iā te ia, ua ia faasili foʻi lona nofoālii nai lo o nofoālii o isi tupu na faatasi ma ia i Papelonia.+ 29  Ona ia aveesea lea o ona ofu na faafalepuipui ai;+ sa ʻai+ foʻi e lē aunoa o ia i ona luma i aso uma o lona ola. 30  A o ana meaʻai,+ o meaʻai e tuuina atu e lē aunoa iā te ia e le tupu i aso taʻitasi, i aso uma o lona ola.

Faamatalaga Pito i Lalo