Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 23:1-37

23  Ua alu atu le feʻau a le tupu, ona latou faapotopoto faatasi mai ai lea iā te ia o toeaina uma o Iuta ma Ierusalema.+  Ona alu aʻe lea o le tupu i le fale o Ieova, ua latou ō faatasi ma tagata uma o Iuta, ma tagata uma o loo nonofo i Ierusalema, o ositaulaga,+ o le ʻauperofeta ma le nuu uma e amata mai i tamaiti e oo atu i ē e matutua;+ ona ia faitauina+ lea o upu uma o le tusi+ o le feagaiga+ na maua i le fale o Ieova,+ a o latou faalogologo i ai.  Ua tū pea le tupu i tafatafa o le poutū+ ma ua ia osia le feagaiga+ i luma o Ieova, e mulimuli+ atu iā Ieova ma tausia ana poloaʻiga,+ o ana faamanatuga,+ ma ana tulafono+ ma le lotoatoa+ ma le malosi atoa+ i le faia o upu o lenei feagaiga o loo tusia i lenei tusi.+ Ua ioe faatasi uma foʻi le nuu i lenei feagaiga.+  Ona poloaʻi atu lea o le tupu iā Hilikia+ le ositaulaga sili, ma ositaulaga lagolago, ma leoleo faitotoʻa,+ e aumai mai i le malumalu o Ieova o ipu uma lava na faia mo Paala,+ ma le pou paia,+ ma ʻau uma o le lagi.+ Ua ia susunuina na mea i tua o Ierusalema i le fanua o Ketarono,+ ona ia ave lea o o latou lefulefu i Peteli.+  Ua ia aveesea foʻi le ʻauositaulaga o atua ese na tofia e tupu o Iuta ina ia latou faamū taulaga i mea maualuluga, i aai o Iuta ma aai o loo siʻomia ai Ierusalema, ua ia aveesea foʻi i latou na faamūina taulaga iā Paala,+ i le lā, i le masina, i faaputuga fetu, ma ʻau uma o le lagi.+  Ua ia aumaia foʻi le pou paia+ mai i le fale o Ieova i le faatausiʻusiʻuga o Ierusalema i le ālia o Ketarono, ua susunu ai+ i le ālia o Ketarono, ua tuʻininii ma faaliu lefulefu, ona ia asu lea o lona lefulefu i luga o tuugamau+ o tagata o le nuu.  Ua ia talepe foʻi i lalo fale o tamāloloa talitane+ i le malumalu ia sa i le fale o Ieova, na lalaga ai e fafine faleʻie e tapuaʻi ai i le pou paia.  Ona ia aumaia lea o ositaulaga uma mai i aai o Iuta, ma ua ia faaleagaina o mea maualuluga na faamū ai taulaga e ositaulaga ina ia lē toe tapuaʻi ai, e amata mai i Kepa+ e oo atu i Peresepa;+ ua ia lepeti foʻi mea maualuluga o faitotoʻa sa i le mea e ulu atu ai i le faitotoʻa o Iosua, o le taʻitaʻi o le aai, sa iai i le itu tauagavale pe a ulu atu le tagata i le aai.  E na o ositaulaga+ o mea maualuluga e leʻi ō aʻe i le fata faitaulaga o Ieova i Ierusalema, ae na latou aai i falaoa e lē faafefeteina+ faatasi ma o latou uso. 10  Ua ia faaleagaina foʻi Tofeta+ o loo i le vanu o atalii o Hinoma+ ina ia lē toe tapuaʻi ai se tasi, ina neʻi faaui ane ai e se tasi lona atalii po o lona afafine i le afi+ iā Moloka.+ 11  E lē gata i lea, ua ia taofia foʻi solofanua na tuuina atu e tupu o Iuta mo le lā, ina ia lē toe ulu atu i le fale o Ieova e ala i le potu ʻai+ o Natana-meleka le tagata aloaʻia, lea o loo i le poletito; ua ia susunu foʻi i le afi o kariota o le lā.+ 12  Ua lepeti foʻi e le tupu o fata faitaulaga sa i luga aʻe o le potu pito i luga+ o Aasa ia na faia e tupu o Iuta, ma fata faitaulaga+ na faia e Manase i lotoā e lua o le fale o Ieova, ona ia nutililiia lea ma asu atu o latou lefulefu i le ālia o Ketarono. 13  O mea maualuluga foʻi sa i luma+ o Ierusalema i le itu taumatau o le Mauga o le Faafanoga, na fausia e Solomona+ le tupu o Isaraelu mo Asaira+ le mea inosia a tagata Saitonu, ma Kimosa+ le mea inosia a Moapi, ma Melekoma+ le mea inosia a le fanauga a Amoni, ua faaleaga e le tupu ina ia lē toe tapuaʻi i ai se tasi. 14  Ua ia tuʻininii+ poutū paia ma talepe i lalo pou paia, ma faatutumu mea sa tutū ai i ivi o tagata. 15  Na ia talepe foʻi i lalo le fata faitaulaga sa i Peteli,+ o le mea maualuga foʻi na faia e Ierepoamo+ le atalii o Nepata, o lē na faapogaia Isaraelu e agasala,+ e oo lava i le fata faitaulaga ma le mea maualuga. Na ia susunu foʻi le mea maualuga; ma olo e fai ma lefulefu ma susunu le pou paia. 16  Ona liliu atu lea o Iosia ma ua ia iloa atu tuugamau o loo i luga o le mauga. Ona ia aauina atu lea o nisi e aumai ivi mai i tuugamau ma susunuina+ i luga o le fata faitaulaga, ua ia faia ina ia lē toe tapuaʻi i ai se tasi, e tusa ai ma le afioga a Ieova+ na faailoa+ mai e le tagata o le Atua moni, o lē na faailoa mai nei mea. 17  Ona ia fai atu lea: “O le ā lenā maa o le tuugamau ou te vaai atu i ai?” Ona tali mai lea o tagata o le aai iā te ia, e faapea: “O le tuugamau+ lenā o le tagata o le Atua moni na sau mai i Iuta,+ ma na ia faailoa mai nei mea ua e faia i le fata faitaulaga i Peteli.”+ 18  Ona ia fai atu lea: “Tuu ai pea o ia.+ Aua neʻi tago se tasi i ona ivi.” Ona latou tuu pea lea o ona ivi faatasi ai ma ivi o le perofeta+ na sau mai i Samaria. 19  Ua aveesea foʻi e Iosia fale+ uma o mea maualuluga sa i aai+ o Samaria na fausia e tupu+ o Isaraelu e faatigā+ ai i le Atua, ua ia faia foʻi i na mea e pei o mea uma na ia faia i Peteli.+ 20  Ua ia fasiotia ositaulaga+ uma o mea maualuluga na iai i inā ma fai ai taulaga i luga o fata faitaulaga, ma susunu ai ivi o tagata.+ Ona ia toe foʻi atu lea i Ierusalema. 21  Ona poloaʻi atu lea o le tupu i le nuu uma, ma faapea atu: “Ia outou faia se paseka+ iā Ieova lo outou Atua, e tusa ma mea o loo tusia i lenei tusi o le feagaiga.”+ 22  Auā e leʻi faia lava se paseka faapenei talu mai aso o faamasino na faamasino iā Isaraelu,+ faapea foʻi ma aso uma o tupu o Isaraelu ma tupu o Iuta.+ 23  Ae i le tausaga lona sefulu valu o le nofoaiga a le Tupu o Iosia, na faia ai lenei paseka iā Ieova i Ierusalema.+ 24  Ua aveesea foʻi e Iosia o taulāitu,+ o ē e vavalo+ i mea e tutupu, o le faatagata,*+ o tupua inosia,+ ma mea inosia+ uma na iai i le nuu o Iuta ma Ierusalema, ina ia faataunuuina e ia o upu o le tulafono+ na tusia i le tusi,+ lea na maua e Hilikia le ositaulaga i le fale o Ieova.+ 25  E leai se tupu na pei o ia i tupu na muamua iā te ia o lē na toe foʻi+ atu iā Ieova ma lona lotoatoa, ma lona tagata atoa,+ ma lona malosi atoa e tusa ma le tulafono uma a Mose; e leai foʻi se tasi e pei o ia na tulaʻi mai ina ua mavae atu o ia. 26  E ui lava i lea, e leʻi liliuese Ieova mai i lona toʻasā tele na ia toʻasā ai iā Iuta,+ ona o mea tigā uma na faapogaia ai e Manase i latou e faatigā ai iā te ia.+ 27  Ua fetalai mai foʻi Ieova: “Ou te aveesea Iuta+ mai i oʻu luma,+ e pei ona ou aveesea o Isaraelu;+ ou te matuā teena foʻi lenei aai na ou filifilia e oo lava iā Ierusalema, faapea ma le fale na ou fai atu ai, ‘E tuu ai pea loʻu igoa i inā.’ ”+ 28  A o mea i le olaga o Iosia ma mea uma na ia faia, po ua lē o tusia ea i le tusi+ e faatatau i olaga o tupu o Iuta? 29  O ona aso, na alu aʻe ai Farao Neko+ le tupu o Aikupito i le tupu o Asuria e ui atu i le vaitafe o Eufirate,+ a ua alu atu le Tupu o Iosia e tau ma ia;+ ae ina ua ia iloa atu o ia, ona ia fasiotia+ ai loa lea o ia i Mekito.+ 30  Ona ave ai lea e ana auauna o lona tino oti i le kariota mai i Mekito, ua aumai o ia i Ierusalema+ ma tanu ai i lona tuugamau. Ona ave lea e tagata o le nuu o Ioasasa+ le atalii o Iosia, ma faauuina o ia e fai ma tupu e sui i lona tamā. 31  E lua sefulu tolu tausaga o Ioasasa+ ina ua fai o ia ma tupu, ma e tolu masina na ia pule ai i Ierusalema. O le igoa o lona tinā o Hamutala+ le afafine o Ieremia mai i Lipena. 32  Na faia foʻi e ia o mea leaga i le silafaga a Ieova, e tusa ma mea uma na faia e ona augātamā.+ 33  Ua saisaitia+ foʻi o ia e Farao Neko+ i Ripelu+ i le nuu o Amato, ina ia lē pule ai o ia i Ierusalema, ona ia faasalaina+ lea o le nuu i taleni siliva+ e selau ma le taleni auro.+ 34  E lē gata i lea, ua tofia e Farao Neko o Eliakimo+ le atalii o Iosia e fai ma tupu e sui iā Iosia lona tamā, ma suia lona igoa iā Ioakima; a ua ia ave Ioasasa ma avatu i Aikupito, ma o i inā na oti ai o ia.+ 35  Ua avatu foʻi e Ioakima siliva+ ma auro iā Farao. Ua ia faia foʻi lafoga+ e totogi e le nuu ina ia avatu siliva e pei o le faatonuga a Farao. E taʻitasi le tagata ma lana lafoga+ na ia tāpā mai ai siliva ma auro mai i tagata o le nuu, ma tuuina atu iā Farao Neko. 36  E lua sefulu lima tausaga o Ioakima+ ina ua fai o ia ma tupu, ma e sefulu tasi tausaga na ia pule ai i Ierusalema.+ O le igoa o lona tinā o Seputu le afafine o Petaia mai i Ruma. 37  Ua faia pea e ia o mea leaga+ i le silafaga a Ieova, e tusa ma mea uma na faia e ona augātamā.+

Faamatalaga Pito i Lalo

I le gagana Eperu o le “terafimi” o lona uiga o atua po o tupua o le aiga.