Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

2 Tupu 22:1-20

22  E valu tausaga o Iosia+ ina ua fai o ia ma tupu, ma e tolu sefulu tasi tausaga na ia pule ai i Ierusalema. O le igoa o lona tinā o Ietita le afafine o Ataia mai i Posekata.+  Na ia faia mea ua tonu i le silafaga a Ieova+ ma savali i ala uma o Tavita lona augātamā,+ e leʻi liliuese foʻi o ia i le itu taumatau po o le itu tauagavale.+  O le tausaga lona sefulu valu o le nofoaiga a le Tupu o Iosia, na auina atu ai e le tupu i le fale o Ieova o Safana+ le atalii o Asalaia, le atalii o Mesulama le failautusi, ua faapea atu:  “Ia e alu aʻe iā Hilikia+ le ositaulaga sili,+ ina ia ao mai e ia tupe+ uma na aumaia i le fale o Ieova,+ na aoina e leoleo faitotoʻa+ mai i le nuu;  ma tuu atu i lima o i latou e faia le galuega+ o ē ua tofia i le fale o Ieova, ina ia o latou avatu iā i latou o faia le galuega i le fale o Ieova, e faaleleia ai mea ua vetevete o le fale,+  e tuu atu i le ʻautufuga, o le ʻaukamuta, o ē e ati maa, e faatau mai ai foʻi laupapa ma maa ua tipiina e faafou ai le fale.+  Ae aua neʻi faamasinosino iā i latou na tuuina atu i ai tupe,+ auā o loo galulue faamaoni+ i latou.”  Mulimuli ane, ona fai atu lea o Hilikia+ le ositaulaga sili iā Safana+ le failautusi:+ “Ua ou maua le tusi o le tulafono+ i le fale o Ieova.” Ona avatu lea e Hilikia le tusi iā Safana, ma ua ia faitau i ai.  Ona sau ai lea o Safana le failautusi i le tupu, ua tali ma faapea mai i le tupu: “Ua sasaa atu e au auauna o tupe na maua i le fale, ma ua latou tuuina atu pea i lima o ē e faia le galuega, o ē ua tofia i le fale o Ieova.”+ 10  Ua taʻu mai e Safana le failautusi i le tupu e faapea: “E iai se tusi+ na aumai e Hilikia le ositaulaga iā te aʻu.” Ona faitau atu ai lea e Safana i luma o le tupu. 11  Ina ua faalogo le tupu i upu o le tusi o le tulafono, ona ia saeia loa lea o ona ofu.+ 12  Ua poloaʻi atu le tupu iā Hilikia le ositaulaga, o Aikamo+ le atalii o Safana, o Akapora le atalii o Mekaio, o Safana le failautusi, ma Asaia+ le auauna a le tupu, ua faapea atu: 13  “Inā ō ia ma fesili+ atu iā Ieova mo aʻu, ma le nuu, atoa ma Iuta uma, e faatatau i upu o lenei tusi na maua; auā ua matuā tele le toʻasā+ o Ieova iā i tatou, auā e leʻi faalogo o tatou augātamā+ i upu o lenei tusi, i le faia o mea uma o loo tusia ai e faatatau iā i tatou.”+ 14  Ona ō atu lea o Hilikia le ositaulaga, o Aikamo, o Akapora, o Safana, ma Asaia iā Ulata le perofeta fafine,+ o le avā a Saluma le atalii o Tikeva, le atalii o Areasa, o lē e vaavaaia ofu,+ a o nofo o ia i Ierusalema i le itumalo lona lua; ona latou tautatala atu lea iā te ia.+ 15  Ona fai mai lea o Ulata iā i latou: “O le mea lenei ua fetalai mai ai Ieova le Atua o Isaraelu,+ ‘Ia outou fai atu i le tagata na aauina mai outou iā te aʻu: 16  “O le mea lenei ua fetalai mai ai Ieova, ‘O aʻu lava ou te faaoo atu puapuaga+ i luga o lenei nuu ma ē o loo nonofo ai,+ e pei lava o upu+ uma o le tusi na faitauina e le tupu o Iuta;+ 17  talu ai ua latou tuua aʻu, ma faamū taulaga i isi atua+ ina ia o latou faatigā ai iā te aʻu i galuega uma a o latou lima,+ ma ua matuā mumū ai loʻu ita i lenei nuu, e lē toe tineia lava.’”’+ 18  O le mea lenei e tou te fai atu ai i le tupu o Iuta o lē na aauina mai outou e fesili iā Ieova, ‘O le mea lenei ua fetalai mai ai Ieova le Atua o Isaraelu: “O upu na e faalogo i ai,+ 19  talu ai ua e agamalu+ ma ua e faamaulalo+ ona o Ieova, i lou faalogo i mea ua ou fai atu ai e faasaga i lenei nuu ma ē o loo nonofo ai, e avea i latou ma mea e ofo ai ma mala,+ ona e saei+ ai lea o ou ofu ma e tagi i oʻu luma, ma o aʻu, o aʻu lava ua ou faalogo i ai,” ua fetalai mai ai Ieova.+ 20  “O le mea lea ou te faatasiina+ atu ai oe i ou augātamā, e faatasia atu lava oe ma le filemu+ i lou fanuatanu, e te lē vaai foʻi i puapuaga uma ou te aumaia i lenei nuu.”’” Ona latou taʻu mai lea o le tali i le tupu.

Faamatalaga Pito i Lalo