Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 20:1-21

20  I na aso, na maʻi ai Esekia ma ua toetoe lava a oti.+ Ona sau ai lea o Isaia+ le perofeta o le atalii o Amota iā te ia, ma ua faapea mai iā te ia: “O le mea lenei ua fetalai mai ai Ieova, ‘Inā fai atu ia ni faatonuga i lou aiga,+ auā o le a e oti lava, e te lē ola.’ ”+  Ona faasaga lea o ia i le puipui,+ ma ua tatalo atu iā Ieova+ e faapea:  “Ieova e, ou te ʻaiʻoi atu iā te oe, faamolemole, ia e manatua+ ua ou savali+ ma le faamaoni+ i ou luma, ma le lotoatoa,+ ua ou faia foʻi le mea ua tonu i lau silafaga.”+ Ona tagi masūsū ai lea o Esekia.+  Ae peitaʻi, a o leʻi oo Isaia i le lotoā ogatotonu, ona fetalai mai lea o Ieova iā te ia,+ e faapea:  “Inā toe foʻi atu ia, ma e fai atu iā Esekia le taʻitaʻi+ o loʻu nuu, ‘O le mea lenei ua fetalai mai ai Ieova le Atua+ o Tavita lou augātamā: “Ua ou faalogo+ i lau tatalo.+ Ua ou vaai i ou loimata.+ O lenei, ou te faamālōlō iā te oe.+ O le aso lona tolu, e te alu aʻe ai i le fale o Ieova.+  Ou te faaopoopoina lava tausaga e sefulu lima i ou aso, ou te laveaʻi foʻi iā te oe ma lenei aai mai i le lima o le tupu o Asuria, ma ou te puipuia+ lenei aai ona o aʻu ma Tavita laʻu auauna.” ’ ”+  Ona faapea atu lea o Isaia: “Ia outou ave se keke o mati mamago.”+ Ona latou ave lea ma tuu i luga o le maʻi sua,+ ma ua faasolosolo ona toe malosi ai o ia.+  Ona fai atu ai lea o Esekia iā Isaia: “O le ā le faailoga+ e iloa ai o le a faamālōlōina aʻu e Ieova, ma ou alu aʻe ai i le aso lona tolu i le fale o Ieova?”  Ona fai mai lea o Isaia: “O le faailoga+ lenei mai iā Ieova, ina ia e iloa ai o le a faataunuu e Ieova le mea na ia fetalai mai ai: Pe alu ea i luma le ata lafoia i sitepu e sefulu, pe toe foʻi i tua i sitepu e sefulu?” 10  Ona fai atu lea o Esekia: “E faigofie lava i le ata lafoia ona faalautele atu i sitepu e sefulu, ae e faigatā ona toe foʻi i tua i sitepu e sefulu.”+ 11  Ua valaau atu le perofeta o Isaia iā Ieova; ona ia faafoʻi mālie atu lea o le ata lafoia ua alu ifo i sitepu, o sitepu o Aasa, e sefulu sitepu i tua.+ 12  O le taimi lenā na aauina mai ai e Perota-palata+ le atalii o Palata le tupu o Papelonia,+ o tusi+ ma le meaalofa iā Esekia; auā na ia faalogo na maʻi Esekia. 13  Ua faalogo Esekia iā i latou, ma faaali atu iā i latou oloa uma i lona fale e teu ai oloa,+ o siliva, o auro,+ o suāuu pasama,+ ma le suāuu lelei, o lona fale o auupega, ma mea uma na maua i ana oloa. E leai lava se mea i lona fale ma lona malo uma e leʻi faaalia atu e Esekia iā i latou.+ 14  Mulimuli ane, ua sau le perofeta o Isaia i le Tupu o Esekia, ma faapea mai iā te ia:+ “O le ā le mea na fai mai ai nei tagata, ma o fea na latou ō mai ai iā te oe?”+ Ona fai atu lea o Esekia: “Na latou ō mai i le nuu mamao, mai i Papelonia.” 15  Ua fai mai o ia: “O ā mea na latou vāai i ai i lou fale?” Ona fai atu lea o Esekia: “Na latou vaaia mea uma o loo i loʻu fale. E leai se mea ou te leʻi faailoaina atu iā i latou i aʻu oloa.”+ 16  Ua fai mai Isaia iā Esekia: “Ia faalogo ia i le afioga a Ieova,+ 17  ‘“Faauta! E oo mai aso e ave ai i Papelonia+ mea uma o loo i lou fale,+ ma mea na faaputu e ou augātamā seʻia oo mai i le aso nei. E leai se mea e totoe ai,”+ ua fetalai mai ai Ieova. 18  “E ave foʻi nisi o ou atalii o le a tupuga mai iā te oe, o ē e fai oe ma o latou tamā,+ e fai i latou ma tagata aloaʻia+ i le maota o le tupu o Papelonia.” ’ ”+ 19  Ona fai atu lea o Esekia iā Isaia: “Ua lelei le afioga a Ieova na e fai mai ai.”+ Ua ia fai atu foʻi: “Pe e lē o se mea lelei ea, pe afai e iai pea le filemu ma le faamaoni+ i loʻu olaga?”+ 20  A o le olaga uma o Esekia, o lona malosi uma, o lona faia o le vaieli+ ma le alāvai+ na taʻi mai ai le vai i totonu o le aai, po ua lē o tusia ea i le tusi+ e faatatau i olaga o tupu o Iuta? 21  Mulimuli ane, ua taoto Esekia faatasi ma ona augātamā;+ ona pule ai lea o Manase+ lona atalii e sui iā te ia.

Faamatalaga Pito i Lalo