Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 18:1-37

18  O le tausaga lona tolu o le nofoaiga a Hosea+ le atalii o Ele le tupu o Isaraelu, na fai ai ma tupu Esekia+ le atalii o Aasa+ le tupu o Iuta.  E lua sefulu lima ona tausaga ina ua pule o ia, ma e lua sefulu iva tausaga na ia pule ai i Ierusalema. O le igoa foʻi o lona tinā o Avi le afafine o Sakaria.+  Na ia faia pea mea ua tonu i le silafaga a Ieova,+ e tusa ai ma mea uma na faia e Tavita lona augātamā.+  O ia na aveesea mea maualuluga+ ma nutililiia poutū paia,+ ma tuu i lalo le pou paia,+ na ia tuʻininii foʻi le gata ʻapamemea+ na faia e Mose;+ auā e oo mai lava i na aso o faamū pea i ai taulaga+ e le fanauga a Isaraelu, ma na faaigoa foʻi o le tupua gata ʻapamemea.+  Ua ia faatuatua iā Ieova le Atua o Isaraelu;+ ma ina ua mavae atu o ia, e leai foʻi se tasi e pei o ia i tupu uma o Iuta,+ e oo lava i ē na muamua atu iā te ia.+  Ua pipii pea o ia iā Ieova.+ E leʻi liliuese o ia mai i le mulimuli atu iā te ia, ae na faaauau ona ia tausia ana poloaʻiga na poloaʻi mai ai Ieova iā Mose.+  Na faatasi Ieova iā te ia.+ Sa faautauta o ia i mea uma na alu i ai;+ na fouvale o ia i le tupu o Asuria, ae e leʻi auauna iā te ia.+  Na ia fasia Filisitia+ e oo atu lava i Kasa+ ma ona laueleele uma, e mai i le ʻolo+ o tagata vāai e oo atu i le aai malupuipuia.  O le tausaga lona fā o le nofoaiga a le Tupu o Esekia, o le tausaga lona fitu lea o le nofoaiga a Hosea+ le atalii o Ele le tupu o Isaraelu, na siitaua ai Salemanesa+ le tupu o Asuria iā Samaria, ma siʻomia ai.+ 10  Na latou faatoʻilaloina le aai+ i le faaiʻuga o le tolu tausaga; o le tausaga lona ono lea o le nofoaiga a Esekia, a o le tausaga lona iva o le nofoaiga a Hosea le tupu o Isaraelu, na faatoʻilaloina ai Samaria.+ 11  Mulimuli ane, ua ave faapagota+ e le tupu o Asuria+ Isaraelu i Asuria, ma faanonofo i latou i Hala,+ i Havoli+ i le vaitafe o Kosane, ma aai o tagata Metai,+ 12  talu ai latou te leʻi faalogo+ i le siʻufofoga o Ieova lo latou Atua, a ua latou soli pea lana feagaiga,+ ma poloaʻiga uma lava na poloaʻi+ mai ai Mose+ le auauna a Ieova. Latou te leʻi faalogo, ma e leʻi faia foʻi. 13  O le tausaga lona sefulu fā o le nofoaiga a le Tupu o Esekia, na alu aʻe ai Sanerivi+ le tupu o Asuria,+ e siitaua atu i aai malupuipuia uma o Iuta ma na ia faoa na aai. 14  Ona auina atu lea o se feʻau e Esekia le tupu o Iuta i le tupu o Asuria i Lakisa, ua faapea atu: “Ua ou agasala. Ia e liliuese mai iā te aʻu. Ou te avatu foʻi iā te oe mea uma e te finagalo i ai.”+ Ona tāpā lea e le tupu o Asuria mai iā Esekia le tupu o Iuta, o taleni siliva e tolu selau+ ma taleni auro e tolu sefulu. 15  Ona avatu lea e Esekia o siliva uma na maua i le fale o Ieova,+ ma oloa o le fale o le tupu.+ 16  Ua aveesea e Esekia faitotoʻa o le malumalu o Ieova+ ma pou o faitotoʻa na ufitia+ e Esekia le tupu o Iuta i auro, ma avatu i le tupu o Asuria. 17  Ua aauina mai foʻi e le tupu o Asuria+ o Taretana,+ o Ravesarisa, ma Ravesaki+ mai i Lakisa+ i le Tupu o Esekia i Ierusalema ma se ʻautau toʻatele, ina ia latou ō aʻe ma ō i Ierusalema. Ona latou ō aʻe lea, ua ō mai ma tutū i autafa o le alāvai+ o le vaieli pito i luga,+ o loo i le ala tele o le fanua o le tagata tā ofu.+ 18  Ua latou valaau mai i le tupu, a ua ō atu Eliakimo+ le atalii o Hilikia o lē na vaavaaia le aiga o le tupu, o Sevena+ le failautusi, ma Ioaa le atalii o Asafo o lē e faia faamaumauga. 19  Ona fai mai lea o Ravesaki+ iā i latou: “Faamolemole, ia fai atu iā Esekia, ‘O le mea lenei ua fai mai ai le tupu sili,+ le tupu o Asuria: “O le ā lenei faatuatuaga ua e faatuatua i ai?+ 20  Na e fai mai (a ua na o ni upu lava), ‘Ua iā te oe le poto+ ma le malosi mo le taua.’ A o lenei, o ai ea ua e faatuatua i ai ua e fouvale+ mai ai iā te aʻu? 21  Faauta! ua e faatuatua i le lagolagosua a lenei ū ua nutililii+ o Aikupito,+ lea afai e totoo i ai se tagata, e tuia lava lona lima ma ati ai. E faapena lava Farao+ le tupu o Aikupito i ē uma e faatuatua iā te ia. 22  Ae afai e tou te faapea mai iā te aʻu, ‘E matou te faatuatua+ iā Ieova+ lo matou Atua,’ pe e lē o ia ea e ona mea maualuluga+ ma fata faitaulaga na aveesea e Esekia,+ a ua ia faapea atu iā Iuta ma Ierusalema, ‘Ia outou ifo i lenei fata faitaulaga i Ierusalema’?” ’+ 23  O lenei, ia fai se petipetiga+ ma loʻu alii le tupu o Asuria, ona ou avatu lea iā te oe o solofanua e lua afe, ma iloa ai pe e mafai ona e tuu i ai ni tagata tiʻetiʻe.+ 24  E faapefea ona e tulia se kovana o se tasi o auauna e sili ona faatauvaa a loʻu alii,+ a ua e faatuatuaina Aikupito e maua ai kariota+ ma tagata tiʻetiʻe solofanua?+ 25  O lenei, pe na ou sau e aunoa ma le pule mai iā Ieova e tau ma lenei nuu ma faaumatia ai? O Ieova lava ia na fetalai mai iā te aʻu,+ ‘Ia e alu aʻe e tau ma lenei atunuu, ma faaumatia ai.’ ” 26  Ona fai atu lea o Eliakimo+ le atalii o Hilikia, o Sevena,+ ma Ioaa+ iā Ravesaki:+ “Faamolemole, ia e fai mai i au auauna i le gagana Suria,+ auā e matou te malamalama i ai; ae aua e te fai mai iā i matou i le gagana a tagata Iutaia,+ a o faalogo le nuu o loo i luga o le pā.” 27  A ua tali mai Ravesaki iā i latou: “Po o lou alii ea ma oe, na auina mai ai aʻu e loʻu alii e taʻu atu i ai nei upu? Pe e lē o tagata ea o nonofo i luga o le pā, ina ia latou aai i o latou otaotavale+ ma feinu i a latou lava feʻaulata e faapea lava foʻi outou?”+ 28  Ua tū pea Ravesaki ma valaau mai ma le leotele i le gagana a tagata Iutaia;+ ua ia tautala mai ma faapea mai: “Ia outou faalogologo mai i le upu a le tupu sili,+ o le tupu o Asuria. 29  O le mea lenei ua fai mai ai le tupu, ‘Aua neʻi ʻolegia outou e Esekia, auā e lē mafai ona ia laveaʻi outou mai i loʻu lima.+ 30  Aua neʻi faatupuina e Esekia lo outou faatuatuaina o Ieova,+ pe a ia faapea ane: “E laveaʻi+ lava i tatou e Ieova, e lē tuuina atu foʻi lenei aai i lima o le tupu o Asuria.”+ 31  Aua neʻi faalogo iā Esekia; auā o le mea lenei ua fai mai ai le tupu o Asuria: “Ia lolo mai iā te aʻu, ma ō mai iā te aʻu, ona taʻitasi lea ma ʻai o le tagata mai i lona lava vine, e taʻitasi ma ʻai mai i lona lava laau o le mati,+ e taʻitasi foʻi ma inu mai i lona lava vaieli,+ 32  seʻia ou alu atu ma ave outou i le laueleele e pei o lo outou lava laueleele,+ o le laueleele o saito* ma uaina fou, o le laueleele o falaoa+ ma togāvine,+ o le nuu o laau o le olive ma le meli;+ ma ola ai pea outou ae e lē feoti. Aua foʻi neʻi faalogo iā Esekia auā ua ia faaōleōle outou e faapea, ‘E laveaʻiina i tatou e Ieova.’+ 33  Pe na laveaʻia+ ea e atua o nuu o latou lava nuu mai i lima o le tupu o Asuria?+ 34  O fea o iai atua o Amato+ ma Arepa?+ O fea o iai atua o Sefavaima,+ o Ena,+ ma Iva?+ Pe na latou laveaʻiina Samaria mai i loʻu lima?+ 35  O ai foʻi i atua uma o nuu na laveaʻiina o latou nuu mai i loʻu lima,+ ina ia laveaʻi ai e Ieova Ierusalema mai i loʻu lima?” ’ ”+ 36  A ua fifilemu pea le nuu,+ ua lē tali atu iā te ia+ i se upu, auā ua faapea mai le poloaʻiga a le tupu: “Aua tou te tali atu iā te ia.”+ 37  A ua ō mai iā Esekia o Eliakimo+ le atalii o Hilikia o lē na vaavaaia le aiga o le tupu, ma Sevena+ le failautusi, ma Ioaa+ le atalii o Asafo o lē e faia faamaumauga, ma o latou ofu ua saeia,+ ua faamatala mai iā te ia upu a Ravesaki.

Faamatalaga Pito i Lalo

Pe e faasino atu foʻi i le karite (barley).