Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 16:1-20

16  O le tausaga lona sefulu fitu o le nofoaiga a Peka le atalii o Remalia, na fai ai ma tupu Aasa+ le atalii o Iotama le tupu o Iuta.  E lua sefulu tausaga o Aasa ina ua fai o ia ma tupu, ma e sefulu ono tausaga na ia pule ai i Ierusalema; e na te leʻi faia foʻi le mea ua tonu i le silafaga a Ieova lona Atua, e pei o Tavita lona augātamā.+  Na savali foʻi o ia i ala o tupu o Isaraelu,+ na ia faaui ane foʻi lona atalii i le afi,+ e tusa ai ma mea inosia+ a nuu ese o ē na tuliesea e Ieova ona o le fanauga a Isaraelu.  Na ia faia pea taulaga ma faamū taulaga i mea maualuluga,+ ma luga o aʻega,+ ma lalo ifo o laau lauolaola uma.+  Ona ō aʻe lea o Resina+ le tupu o Suria ma Peka+ le atalii o Remalia le tupu o Isaraelu, e tau ma Ierusalema ma siʻomia Aasa, a ua lē mafai e i laʻua ona tau.+  O le taimi foʻi lenā na toe faafoʻi atu ai e Resina le tupu o Suria o Elata+ iā Etoma, ona ia tuliesea lea o tagata Iutaia mai i Elata; a ua ō mai tagata Etoma i Elata ma nonofo ai pea i inā e oo mai i le asō.  Ona aauina atu lea e Aasa o avefeʻau iā Tikila-pilesa+ le tupu o Asuria, ua faapea atu: “O aʻu o lau auauna,+ o lou atalii. Inā alu aʻe ia ma faaola+ iā te aʻu mai i le lima o le tupu o Suria ma le lima o le tupu o Isaraelu, o ē ua siitaua mai iā te aʻu.”  Ua ave foʻi e Aasa siliva ma auro na iai i le fale o Ieova ma ʻoa i le fale o le tupu,+ ua avatu i le tupu o Asuria e fai ma meaalofa.+  Ua faalogo le tupu o Asuria iā te ia, ona alu aʻe lea o le tupu o Asuria ma faatoʻilaloina+ Tamaseko,+ ma ua ia ave faapagota i Kiri+ tagata na iai, ma ua ia fasiotia foʻi Resina.+ 10  Ona alu atu lea o le Tupu o Aasa+ e faafetaiaʻi iā Tikila-pilesa+ le Tupu o Asuria i Tamaseko, ma ua ia iloa ai le fata faitaulaga+ o loo i Tamaseko. Ona auina atu lea e le tupu o Aasa i le ositaulaga o Uria le ata o le fata faitaulaga ma lona fausaga e tusa ma mea uma o loo faia ai.+ 11  Ona faia lea e Uria+ le ositaulaga le fata faitaulaga.+ Ua faia e Uria le ositaulaga e tusa ma mea uma na poloaʻi mai ai le Tupu o Aasa mai i Tamaseko, e faatali ai i le taimi e sau ai le Tupu o Aasa mai i Tamaseko. 12  Ina ua sau le tupu mai i Tamaseko, ua iloa atu e le tupu le fata faitaulaga; ona faalatalata atu lea o le tupu i le fata faitaulaga,+ ma fai ai taulaga i ona luga.+ 13  Ua ia faaauau pea ona susunu+ lana taulaga mū+ ma lana taulaga i meaʻai,+ ma liligi atu lana taulaga i meainu,+ ma sausau le toto o ana taulaga faifaatasi i luga o le fata faitaulaga. 14  Ua ia aveese foʻi mai i luma o le fale o le fata faitaulaga ʻapamemea+ sa i luma o Ieova, mai i le va o lana fata faitaulaga ma le fale o Ieova+ ma tuu ai i le itu i mātū o lana fata faitaulaga. 15  Ona poloaʻi atu lea o le Tupu o Aasa iā Uria+ le ositaulaga, ma faapea atu iā te ia: “Ia e faia i luga o le fata faitaulaga sili o asu o le taulaga mū i le taeao,+ o le taulaga i meaʻai i le afiafi,+ o le taulaga mū a le tupu,+ o lana taulaga i meaʻai, o le taulaga mū a tagata uma o le nuu, o la latou taulaga i meaʻai, ma a latou taulaga i meainu; e sausau foʻi i ona luga o le toto uma o le taulaga mū, ma le toto uma o se taulaga. A o le fata faitaulaga ʻapamemea, seʻi oʻu mafaufau po o le ā le mea e fai i ai.” 16  Ua faia e Uria+ le ositaulaga e tusa ma mea uma na poloaʻi atu ai le tupu o Aasa.+ 17  Ua vaevae ninii+ foʻi e le Tupu o Aasa puipui i autafa+ o taavale toso+ ma aveese mai ai faatanoa;+ ua ia aveese foʻi le vai+ mai i povi poʻa ʻapamemea+ sa i lalo ifo, ma tuu i luga o le paepae maa. 18  A o le faapaologa mo le sapati lea na latou faia i le fale ma le ala o le tupu i fafo, ua ia aveese mai i le fale o Ieova ona o le tupu o Asuria. 19  A o le olaga uma o Aasa, o mea na ia faia, po ua lē o tusia ea i le tusi+ e faatatau i olaga o tupu o Iuta? 20  Mulimuli ane, ua taoto Aasa faatasi ma ona augātamā, ma ua tanu faatasi ma ona augātamā i le Aai a Tavita;+ ona pule lea o Esekia+ lona atalii e sui iā te ia.

Faamatalaga Pito i Lalo