Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 14:1-29

14  O le tausaga lona lua o le nofoaiga a Ioasa+ le atalii o Ioasasa le tupu o Isaraelu, na fai ai ma tupu Amasia+ le atalii o Ioasa le tupu o Iuta.  E lua sefulu lima ona tausaga ina ua pule o ia, ma e lua sefulu iva tausaga na ia pule ai i Ierusalema. O le igoa foʻi o lona tinā, o Ioatina+ mai i Ierusalema.  Na ia faia pea o mea ua tonu i le silafaga a Ieova,+ ae e leʻi pei o lona augātamā o Tavita.+ Na ia faia e pei o mea uma na faia e lona tamā o Ioasa.+  E na o mea maualuluga e leʻi aveesea.+ Na faia pea e le nuu o taulaga ma faamū taulaga i luga o mea maualuluga.+  Ina ua faatumauina le malo i ona lima, ona ia fasiotia+ loa lea o ana auauna na fasiotia lona tamā le tupu.+  Ae e na te leʻi fasiotia fanau a ē e fasi tagata, e tusa ai ma le mea ua tusia i le tusi o le tulafono a Mose, lea na poloaʻi mai ai Ieova e faapea:+ “Aua neʻi fasiotia tamā e sui ai atalii, aua foʻi neʻi fasiotia atalii e sui ai tamā; ae e taʻitasi le tagata ma fasiotia o ia i lana lava agasala.”+  Na ia fasiotia tagata Etoma+ e toʻasefulu afe i le Vanu Masima,+ ma puʻea foʻi Sela i le taua, ua faaigoa foʻi lea mea o Iokatielu e oo mai i aso nei.  Ona aauina atu lea e Amasia o avefeʻau iā Ioasa le atalii o Ioasasa, o le atalii o Ieu le tupu o Isaraelu e faapea: “Inā sau ia. Seʻi o ta fesilafaʻi.”+  A ua auina mai e Ioasa le tupu o Isaraelu se feʻau iā Amasia le tupu o Iuta, ua faapea mai: “Na auina atu e le vao tuitui i Lepanona se feʻau i le laau o le arasi+ i Lepanona, ua faapea atu: ‘Inā aumaia lou afafine i loʻu atalii e fai ma ana avā.’ Ae peitaʻi, na ui ane se manufeʻai o le vao sa i Lepanona ma soli le vao tuitui.+ 10  E moni na e fasia+ lava Etoma, ma ua faamaualuga ai lou loto.+ O lea, inā olioli ia i lou mamalu+ ma e nofo pea i lou fale. Aiseā e te fia tau+ ai i taimi e lē taugalemu+ ai ma e paʻū ai, o oe atoa ma Iuta o loo faatasi ma oe?” 11  Ae e leʻi faalogo Amasia.+ Ona alu aʻe lea o Ioasa le tupu o Isaraelu, ua la fesilafaʻi,+ o ia ma Amasia le tupu o Iuta i Petesemesa,+ le aai o Iuta. 12  A ua faatoʻilaloina Iuta i luma o Isaraelu,+ ma ua latou sosola ai e taʻitasi le tagata i lona faleʻie. 13  Ua puʻe foʻi e Ioasa le tupu o Isaraelu o Amasia le tupu o Iuta, le atalii o Ioasa, o le atalii o Aasaia i Petesemesa, ona latou ō mai ai lea i Ierusalema, ua ia lepeti le pā o Ierusalema i le Faitotoʻa o Efaraima+ e oo atu i le Faitotoʻa o le Tulimanu,+ e fā selau kupita. 14  Ua ia ave foʻi o auro ma siliva uma, ma mea uma na maua i le fale o Ieova,+ o ʻoa i le fale o le tupu, ma ē na ave faamalosia, ma toe foʻi atu i Samaria. 15  A o le olaga uma o Ioasa, o mea na ia faia, o lona malosi, ma la laʻua taua ma Amasia le tupu o Iuta, po ua lē o tusia ea i le tusi+ e faatatau i olaga o tupu o Isaraelu? 16  Mulimuli ane, ua taoto Ioasa faatasi ma ona augātamā,+ ma ua tanu i Samaria+ faatasi ma tupu o Isaraelu, ona pule lea o Ierepoamo+ lona atalii e sui iā te ia. 17  E sefulu lima tausaga na ola ai pea Amasia+ le atalii o Ioasa+ le tupu o Iuta, ina ua oti Ioasa le atalii o Ioasasa, le tupu o Isaraelu.+ 18  A o le olaga uma o Amasia, po ua lē o tusia ea i le tusi+ e faatatau i olaga o tupu o Iuta?+ 19  Ona latou taupulepule lea e fouvale+ iā te ia i Ierusalema, ona sola ai lea o ia i Lakisa;+ ma ua latou aauina atu nisi e tuliloa o ia i Lakisa, ma ua fasiotia ai o ia i inā.+ 20  Ua latou ave o ia i solofanua, ma tanu+ i Ierusalema faatasi ma ona augātamā i le Aai a Tavita.+ 21  Ona ave lea e le nuu uma o Iuta o Asaraia,+ o le taimi lenā ua sefulu ono ona tausaga,+ ma ua latou fai o ia ma tupu e sui i lona tamā o Amasia.+ 22  Ua faia e ia lava o Elata+ ma toe faafoʻi mai iā Iuta, ina ua taoto le tupu faatasi ma ona augātamā. 23  O le tausaga lona sefulu lima o le nofoaiga a Amasia le atalii o Ioasa le tupu o Iuta, na fai ai ma tupu Ierepoamo+ le atalii o Ioasa le tupu o Isaraelu i Samaria, mo tausaga e fā sefulu tasi. 24  Na ia faia pea mea leaga i le silafaga a Ieova. E leʻi liliuese o ia mai i agasala uma a Ierepoamo le atalii o Nepata, lea na ia faapogaia ai Isaraelu e agasala.+ 25  O ia na toe faafoʻisia le tuaoi o Isaraelu mai i le ala e ui atu ai i Amato+ e oo atu lava i le sami o Arapa,+ e tusa ai ma le afioga a Ieova le Atua o Isaraelu, o lē na fetalai mai e ala i lana auauna o Iona+ le atalii o Amitai le perofeta mai Kataferu.+ 26  Auā ua silafia e Ieova le matuā tigā o Isaraelu.+ E leʻi iai se tagata e leai sona fesoasoani, po o sē e faatauvaa, ua leai foʻi sē e fesoasoani iā Isaraelu.+ 27  Ua folafola mai foʻi e Ieova e na te lē soloiesea le igoa o Isaraelu mai i lalo o le lagi.+ Ua ia faaolaina+ i latou e ala i lima o Ierepoamo le atalii o Ioasa. 28  A o le olaga uma o Ierepoamo, o mea uma na ia faia, o lona malosi, o ana taua, ma lona toe faafoʻisia o Tamaseko+ ma Amato+Iuta i Isaraelu, po ua lē o tusia ea i le tusi e faatatau i olaga o tupu o Isaraelu? 29  Mulimuli ane, ona taoto lea o Ierepoamo faatasi ma ona augātamā, faatasi foʻi ma tupu o Isaraelu, ona pule lea o Sakaria+ lona atalii e sui iā te ia.

Faamatalaga Pito i Lalo