Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

2 Tupu 13:1-25

13  O le tausaga lona lua sefulu tolu o le nofoaiga a Ioasa+ le atalii o Aasaia+ le tupu o Iuta, na fai ai Ioasasa+ le atalii o Ieu+ ma tupu i Isaraelu i Samaria, mo tausaga e sefulu fitu.  Na ia faia pea mea leaga i le silafaga a Ieova,+ ma savali i le agasala a Ierepoamo+ le atalii o Nepata, lea na ia faapogaia ai Isaraelu e agasala.+ E leʻi liliuese ai foʻi o ia.  Ona matuā toʻasā+ lea o Ieova iā Isaraelu, na ia tuuina atu ai i latou i le lima o Asaeli+ le tupu o Suria, ma le lima o Peniata+ le atalii o Asaeli i aso uma lava.  Ona ʻaiʻoi+ atu lea o Ioasasa iā Ieova, ma ua faafofoga+ mai Ieova iā te ia; auā ua ia silasila mai i le sauāina o Isaraelu,+ talu ai ua pule sauā le tupu o Suria iā i latou.+  Ona tuuina mai lea e Ieova iā Isaraelu o sē e faaola,+ ina ia o latou sao mai ai i lima o Suria, ona nonofo pea lea o le fanauga a Isaraelu i o latou fale e pei ona iai muamua.+  (Ae e leʻi teʻa ese i latou mai i le agasala a le aiga o Ierepoamo, lea na ia faapogaia ai Isaraelu e agasala.+ Na savali ai o ia;+ ma na tū ai pea le pou paia+ i Samaria.)  E na te leʻi faatotoeina iā Ioasasa ni tagata ae e na o tagata tiʻetiʻe solofanua e toʻalima sefulu, o kariota e sefulu, ma fitafita savavali e toʻasefulu afe,+ auā na faaumatia i latou e le tupu o Suria,+ ma ua ia faia i latou e pei o le efuefu ua solia.+  A o le olaga uma o Ioasasa, o mea uma na ia faia ma lona malosi, po ua lē o tusia ea i le tusi+ e faatatau i olaga o tupu o Isaraelu?  Mulimuli ane, ua taoto Ioasasa faatasi ma ona augātamā, ma na latou tanuina o ia i Samaria;+ ua pule foʻi Ioasa+ lona atalii e sui iā te ia. 10  O le tausaga lona tolu sefulu fitu o le nofoaiga a Ioasa le tupu o Iuta, na fai ai Ioasa+ le atalii o Ioasasa ma tupu o Isaraelu i Samaria mo tausaga e sefulu ono. 11  Na ia faia pea mea leaga i le silafaga a Ieova.+ E leʻi liliuese ai foʻi o ia mai i agasala uma a Ierepoamo le atalii o Nepata, lea na ia faapogaia ai Isaraelu e agasala.+ Na ia savali ai pea. 12  A o le olaga uma o Ioasa, o mea uma na ia faia, o lona malosi, ma la laʻua taua+ ma Amasia le tupu o Iuta, po ua lē o tusia ea i le tusi+ e faatatau i olaga o tupu o Isaraelu? 13  Mulimuli ane, ua taoto Ioasa faatasi ma ona augātamā, a ua nofo Ierepoamo+ i lona nofoālii. Ona tanu lea o Ioasa i Samaria faatasi ma tupu o Isaraelu.+ 14  Ua maʻi Elisaia,+ ma o le a maliu o ia ona o lona maʻi.+ Ona alu ifo lea o Ioasa le tupu o Isaraelu iā te ia ma ua tagi i ona luga, ua faapea mai: “Loʻu tamā e,+ loʻu tamā e, o le kariota tau a Isaraelu ma ona tagata tiʻetiʻe solofanua!”+ 15  Ona fai atu lea o Elisaia iā te ia: “Inā tago ia i le ʻaufana ma aū.” Ona ia tago lea i le ʻaufana ma aū. 16  Ua ia faapea atu i le tupu o Isaraelu: “Inā tago ia i le ʻaufana.” Ua ia tago i ai, ona faaee lea e Elisaia o ona lima i lima+ o le tupu. 17  Ua ia faapea atu: “Ia tatala le faamalama i sasaʻe.” Ona ia tatalaina lea. Ua fai atu Elisaia: “Fana loa!” Ona ia fana loa lea. Ua ia toe fai atu: “O le aū o le faaolataga mai iā Ieova, o le aū o le faaolataga+ e faasaga iā Suria! E te faaumatia aʻiaʻi Suria i Afeka.”+ 18  Ua ia toe fai atu: “Inā tago ia i aū.” Ona ia tago lea i ai. Ua ia fai atu i le tupu o Isaraelu: “Inā sasa ia o aū i le eleele.” Ona ia sasa faatolu lea, ma toe taofi.+ 19  Ua tigā le loto o le tagata o le Atua moni+ iā te ia; ona ia faapea atu lea: “Sa tatau ona sasa faalima pe faaono! Ana e faia faapea, semanū e te faaumatia aʻiaʻi Suria, a o lenei, e na o le faatolu ona e faaumatia Suria.”+ 20  Mulimuli ane, ua maliu Elisaia ma ua latou tanu iā te ia.+ E masani foʻi ona ō mai i le nuu o ʻau e faoa mea+ mai i Moapi+ i le amataga o le tausaga. 21  I le tasi aso, a o latou tanuina se tagata oti, vaai! ua latou iloa atu le ʻau e faoa mea. Ona latou lafo lea o le tagata oti i le tuugamau o Elisaia, ae ō. Ina ua papaʻi le tagata oti i ponaivi o Elisaia, ona toe ola+ loa lea o ia ma ua tū i luga.+ 22  A o Asaeli+ le tupu o Suria, ua ia pule sauā+ pea iā Isaraelu i aso uma o Ioasasa. 23  A ua manatu+ mai Ieova iā i latou, ma ua alofa mutimutivale+ iā i latou, ua liuliualo mai ona o lana feagaiga+ ma Aperaamo,+ ma Isaako,+ ma Iakopo;+ e leʻi finagalo o ia e faaumatia+ i latou, e na te leʻi lafoaʻia foʻi i latou mai i ona luma seʻia oo mai i le taimi nei. 24  Mulimuli ane, ona oti ai lea o Asaeli le tupu o Suria, ona pule lea o Peniata lona atalii e sui iā te ia. 25  Ua toe fao mai e Ioasa le atalii o Ioasasa mai i lima o Peniata le atalii o Asaeli, o aai na ia faoa mai lima o Ioasasa lona tamā i le taua. E faatolu ona fasia e Ioasa o ia, ma ua ia toe maua mai aai o Isaraelu.+

Faamatalaga Pito i Lalo