Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 12:1-21

12  I le tausaga lona fitu o le nofoaiga a Ieu,+ na avea ai Ioasa+ ma tupu, ma e fā sefulu tausaga na pule ai o ia i Ierusalema. O le igoa foʻi o lona tinā o Sevi mai i Peresepa.  Ua faia pea e Ioasa le mea ua tonu i le silafaga a Ieova i aso uma o lona ola, lea na aʻoaʻoina ai o ia e Ioiata le ositaulaga.+  E na o mea maualuluga e leʻi aveesea.+ Na faia pea e le nuu o taulaga ma faamū taulaga i luga o mea maualuluga.  Ona fai atu lea o Ioasa i ositaulaga:+ “O tupe uma mo taulaga paia+ ua aumaia i le fale o Ieova,+ o tupe e tatau ona totogi e tagata taʻitoʻatasi,+ o tupe ua maua mai i tagata o ē na faia tautoga,+ ma tupe uma ua foaʻi e tusa ma mea ua manatu i ai tagata taʻitoʻatasi e aumai i le fale o Ieova,+  ia taʻitasi le ʻauositaulaga ma talia mea mai i lana uō;+ a o i latou, ia latou faaleleia mea uma ua vetevete o le fale, i so o se mea e maua ai se vete.”+  Ua oo i le tausaga lona lua sefulu tolu o le nofoaiga a le Tupu o Ioasa, ae e leʻi faaleleia lava e le ʻauositaulaga mea ua vetevete o le fale.+  Ona aami lea e le Tupu o Ioasa o Ioiata+ le ositaulaga, ma le ʻauositaulaga ma fai atu iā i latou: “Aiseā ua outou lē faaleleia ai mea ua vetevete o le fale? O lenei la, aua neʻi toe talia ni tupe mai i a outou uō, ae ia outou tuuina atu mo mea ua vetevete o le fale.”+  Ona malilie lea o le ʻauositaulaga e latou te lē toe taliaina ni tupe mai i le nuu, ma lē toe faaleleia mea ua vetevete o le fale.  Ua ave e Ioiata le ositaulaga se pusa+ ma faapū lona ufiufi, ma tuu i tafatafa o le fata faitaulaga i le itu taumatau, pe a sau se tasi i le fale o Ieova, ona tuu ai lea e le ʻauositaulaga o ē e leoleo faitotoʻa,+ o tupe+ uma na aumaia i le fale o Ieova. 10  Ina ua latou vāai atu ua matuā tele tupe i le pusa, ona ō aʻe lea o le failautusi+ a le tupu ma le ositaulaga sili, ua fusifusi ma faitau tupe na maua i le fale o Ieova.+ 11  O tupe na faitauina, ua latou avatu i lima o tagata na faia+ le galuega, o ē na tofia i le fale o Ieova. Ona latou totogi lea o le ʻaukamuta, o le ʻaufaufale o ē na galulue i le fale o Ieova, 12  o ē e ati maa, ma tufuga e tipiina maa,+ ua faatau mai foʻi laupapa ma maa ua tipiina e faaleleia ai mea ua vetevete o le fale o Ieova, ma mea uma na avatu e faaleleia ai le fale. 13  Ae e na o le fale o Ieova e leʻi faia ai ni tanoa siliva, o ni seleulu,+ o ipu faaofuofu,+ o pū,+ o so o se mea e faia i le auro, ma mea e faia i le siliva, mai i tupe na avatu i le fale o Ieova;+ 14  a ua latou avatu i tagata na faia le galuega, lea na latou faaleleia ai le fale o Ieova.+ 15  Ua la lē faamasinosino+ foʻi i tagata na tuu atu i ai tupe e avatu i ē na faia le galuega,+ auā na latou galulue faamaoni.+ 16  A o tupe mo taulaga o le nofosala,+ ma tupe mo taulaga o agasala, e leʻi aumaia i le fale o Ieova. Ae na ave mo ositaulaga.+ 17  Ua alu aʻe Asaeli+ le tupu o Suria, ma siitaua iā Kata+ ma faatoʻilaloina, ona faasaga+ atu lea o Asaeli o le a alu aʻe e tau ma Ierusalema.+ 18  Ua ave e Ioasa le tupu o Iuta, o taulaga paia+ uma na faapaia e Iosefatu, o Ioramo, ma Aasaia, o ona augātamā, o tupu ia o Iuta, ma ana lava taulaga paia, o auro uma na maua i ʻoa o le fale o Ieova ma le fale o le tupu, ma aauina+ atu iā Asaeli le tupu o Suria. Ona alu ese lea o ia mai i Ierusalema. 19  A o le olaga uma o Ioasa ma mea uma na ia faia, po ua lē o tusia ea i le tusi+ e faatatau i olaga o tupu o Iuta? 20  Ae peitaʻi, ua tulaʻi ana auauna+ ma taupulepule faatasi e fouvale+ ma fasiotia Ioasa i le fale+ o le Mea Maupuʻepuʻe+ i le ala e alu ifo i Sila. 21  O ana auauna o Iosaka le atalii o Semea, ma Iosapa+ le atalii o Someli, na la fasi iā te ia ma ua oti ai. Ua latou tanuina o ia faatasi ma ona augātamā i le Aai a Tavita; ona pule ai lea o Amasia+ lona atalii e sui iā te ia.

Faamatalaga Pito i Lalo