Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 11:1-21

11  Ua iloa e Atalia+ le tinā o Aasaia,+ ua oti lana tama. Ona tulaʻi lea o ia ma fasiotia fanau uma lava a le tupu.+  A o Iosape+ le afafine o le Tupu o Ioramo, le tuafafine o Aasaia, ua ia ave Ioasa+ le atalii o Aasaia, ma ave faananā o ia mai i atalii o le tupu o ē na tatau ona fasiotia, o ia ma lana tausitama, ua ia ave i laʻua i le potumoe i totonu, ua latou faalafi+ iā te ia ina neʻi iloa e Atalia, ma e leʻi fasiotia ai o ia.  Ua iai pea o ia ma le tausitama i le fale o Ieova, ua lafi ai mo tausaga e ono, a o pule Atalia i le nuu.+  I le tausaga lona fitu, na alu atu ai le feʻau a Ioiata+ ina ia aumai alii o le taʻitoʻaselau o leoleo o le ʻau Keri+ ma le ʻaufaafeao,+ ua aumai i latou iā te ia i le fale o Ieova ma osia ai se feagaiga+ ma i latou, ua faatautō+ ai foʻi i latou i le fale o Ieova, ona ia faailoa atu ai lea iā i latou le atalii o le tupu.  Ona ia poloaʻi atu lea iā i latou, e faapea: “O le mea lenei e tou te faia: O le tasi vaetolu o outou, e ō mai i le sapati ma leoleoina lelei le fale o le tupu;+  o le tasi vaetolu e iai i le Faitotoʻa+ ua taʻua o le Faavae, ma le isi tasi vaetolu e iai i le faitotoʻa i tua o le ʻaufaafeao; ia outou feauauaʻi foʻi e leoleoina lelei le fale.+  E lua vaega o outou e ō atu uma lava i le sapati, ma ia latou leoleo lelei le fale o Ieova ona o le tupu.  Ia outou siʻosiʻomia le tupu, e tofu le tagata ma lana auupega i lona lima; o so o se tasi e sau i le laina o fitafita, e fasiotia lava o ia. Ia outou faatasi pea ma le tupu, i lona ulufafo atu ma lona ulufale mai.”  Ua faia e alii o le taʻitoʻaselau+ mea uma na poloaʻi atu ai Ioiata le ositaulaga. Ua latou taʻitasi ma ave i ona tagata o ē na ulufale mai i le sapati,+ faatasi ma i latou na ulufafo atu i le sapati, ona latou ō mai lea iā Ioiata le ositaulaga. 10  Ona avatu lea e le ositaulaga i alii o le taʻitoʻaselau, o tao ma talita lapotopoto a le Tupu o Tavita sa i le fale o Ieova.+ 11  Ua tutū foʻi le ʻaufaafeao+ e taʻitasi ma lana auupega i lona lima, e mai i le itu taumatau o le fale e oo atu i le itu tauagavale o le fale, i tafatafa ane o le fata faitaulaga+ ma le fale, e siʻosiʻomia ai e latalata i le tupu. 12  Ona ia aumaia lea o le atalii+ o le tupu ma faaee iā te ia le palealii+ ma le Tusi o le Tulafono;+ ua latou faia ai o ia ma tupu,+ ma faauuina foʻi o ia.+ Ua patipati o latou lima+ ma faapea atu: “Ia soifua le tupu!”+ 13  Ina ua faalogo Atalia i le leo o le fetaufetuliaʻi ma le vāvāō o le nuu, ona sau ai lea o ia i le nuu i le fale o Ieova.+ 14  Ua ia vaai mai o loo tū le tupu i tafatafa o le poutū+ e tusa ai ma tū masani, faatasi ai ma taʻitaʻiʻau ma ē e ili pū+ o loo tutū i tafatafa o le tupu, ma o loo fiafia+ le nuu uma ma ili a latou pū. Ona saeia lea e Atalia+ o ona ofu, ua alaga: “O le fouvale! O le fouvale!”+ 15  A ua poloaʻi atu Ioiata le ositaulaga i alii o le taʻitoʻaselau, o ē ua tofia o le ʻautau,+ ua faapea atu iā i latou: “Inā ave ia o ia i fafo mai i le laina o fitafita, ma o so o se tasi foʻi e mulimuli atu iā te ia, ia fasiotia i le pelu!”+ Auā ua faapea atu le ositaulaga: “Aua neʻi fasiotia o ia i le fale o Ieova.” 16  Ua latou puʻe o ia ma aumai i le ala e ui mai ai solofanua+ i le fale o le tupu,+ ma ua fasiotia ai o ia i inā.+ 17  Ona faia lea e Ioiata le feagaiga+ i le va o Ieova+ ma le tupu+ ma le nuu, ina ia avea i latou ma nuu o Ieova; o le feagaiga foʻi i le va o le tupu ma le nuu.+ 18  Mulimuli ane, ua ō atu le nuu uma i le fale o Paala ma talepe i lalo ana fata faitaulaga;+ ua latou matuā lepeti foʻi ona faatusa,+ ma ua latou fasiotia i luma o fata faitaulaga+ o Matana+ le ositaulaga a Paala. Ona tofia lea e le ositaulaga o ovasia e vaavaaia le fale o Ieova.+ 19  Ua ia ave foʻi alii o le taʻitoʻaselau, o leoleo o le ʻau Keri,+ ma ʻaufaafeao,+ ma tagata uma o le nuu, ina ia latou ave ifo le tupu mai i le fale o Ieova; ua latou ō ifo mālie e ui mai i le faitotoʻa+ o le ʻaufaafeao i le fale o le tupu; ona nofo ai lea o ia i le nofoālii+ o tupu. 20  Ua olioli pea tagata o le nuu;+ ua filemu foʻi le aai, ma ua latou fasiotia Atalia i le pelu i le fale o le tupu.+ 21  E fitu tausaga o Ioasa+ ina ua fai o ia ma tupu.+

Faamatalaga Pito i Lalo