Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Tupu 10:1-36

10  Sa i Samaria+ atalii e toʻafitu sefulu+ o Aapo. O le mea lea, na tusia ai e Ieu ni tusi ma aauina atu i Samaria i alii+ o Isereelu, i toeaina,+ ma ē na tausia fanau a Aapo, e faapea:  “O lenei, pe a oo atu lenei tusi iā te outou, o loo iā te outou atalii o lo outou alii, o loo iā te outou foʻi kariota tau, o solofanua,+ o le aai malupuipuia, ma le auupega.  Ia outou vaai po o ai e sili ona lelei ma sili ona amio saʻo i atalii o lo outou alii, ona faanofo lea o ia i le nofoālii o lona tamā.+ Ia outou tau foʻi mo le aiga o lo outou alii.”  Ua matuā fefefe i latou, ua faapea ane: “Faauta! E leʻi tutū tupu+ e toʻalua i ona luma, pe faapefea la ona matou tutū ai?”+  Mulimuli ane, ona aauina atu lea e lē na pule i le aiga, ma lē na pule i le aai, o toeaina, ma ē na tausia+ fanau a Aapo, o se feʻau iā Ieu e faapea: “O i matou o au auauna, o mea uma foʻi e te fai mai ai iā i matou, e matou te faia lava. E matou te lē faia se tasi ma tupu. A o le mea e lelei iā te oe, ia e faia lea.”  Ona ia tusia lea o le tusi lona lua, ua faapea atu: “Afai e tou te ʻau ma aʻu+ ma outou usiusitaʻi i aʻu upu, ia outou aumai ulu o tagata, o atalii+ ia o lo outou alii, ma ō mai iā te aʻu i le taimi faapenei i le aso a taeao i Isereelu.”+ Ua faatasi foʻi atalii o le tupu e toʻafitu sefulu ma tagata tāua o le aai, o ē na tausia aʻe i latou.  Ina ua oo atu le tusi iā i latou, ona latou ave lea o atalii o le tupu ma fasiotia i latou, o tane e toʻafitu sefulu,+ ua mavae lea, ona tuu lea o o latou ulu i ato, ma aauina atu iā te ia i Isereelu.  Ua sau le avefeʻau+ ma taʻu mai iā te ia, e faapea: “Ua latou aumaia ulu+ o atalii o le tupu.” Ona ia fai atu lea: “Ia outou tuu i ni faaputuga se lua i le faitotoʻa e ulu mai ai i le pā, seʻia oo i le taeao.”+  Ua oo i le taeao, ona alu lea o ia i fafo. Ua tū o ia ma fai atu i le nuu uma: “O outou o tagata amiotonu.+ A o aʻu, na ou foua+ loʻu alii ma na ou fasiotia o ia;+ ae o ai na fasiotia nei tagata uma? 10  Ia outou iloa, e leai se afioga a Ieova e lē faataunuuina+ o afioga uma na ia fetalai mai ai i le aiga o Aapo;+ ma ua faia lava e Ieova le mea na ia fetalai mai ai e ala i lana auauna o Elia.”+ 11  Ona alu lea o Ieu ma fasiotia i latou uma na totoe o le aiga o Aapo i Isereelu, o ona tagata tāua uma,+ o ē e masani ai, ma ana ositaulaga,+ seʻia leai se tasi e totoe o lona aiga.+ 12  Ua tulaʻi o ia ma alu atu i lona ala i Samaria. Sa i le ala foʻi le fale e sele ai fulufulu o mamoe a leoleo mamoe. 13  Ona fetaiaʻi lea o Ieu ma uso+ o Aasaia+ le tupu o Iuta. Ua ia fai atu iā i latou, “O ai outou?” Ua latou fai mai: “O i matou o uso o Aasaia, ma o loo matou ō ifo e fesili atu po o lelei mea uma e tusa ai ma atalii o le tupu, ma le fanau tama a le masiofo.” 14  Ua ia fai atu: “Ia outou pupuʻe ola iā i latou!” Ona latou pupuʻe ola+ lea o i latou ma fasiotia i le vaieli i le fale e sele ai fulufulu o mamoe, e toʻafā sefulu lua tane, e na te leʻi faatotoeina foʻi se tasi o i latou.+ 15  A o alu ese o ia mai i inā, ona la fetaiaʻi lea ma Ionatapa+ le atalii o Rakapa+ o sau e faafetaui o ia. Ina ua faamanuia+ atu iā te ia, na ia faapea atu iā te ia: “Po o tonu lou loto iā te aʻu, e pei ona tonu o loʻu loto iā te oe?”+ Ona fai mai lea o Ionatapa: “O lea lava.” “Afai o lea, tuu mai lou lima iā te aʻu.” Ona ia tuu atu lea o lona lima i lona lima. Ua ia ave aʻe foʻi iā te ia i le kariota, ua faatasi ma ia.+ 16  Ua ia fai atu: “Inā ta ō ia faatasi ma aʻu, ia e iloa ai loʻu lē faapalepale i ē e tetee+ iā Ieova.” Ona tiʻetiʻe ai lea o Ionatapa faatasi ma ia i le kariota tau a Ieu. 17  Mulimuli ane, ua alu atu o ia i Samaria. Ona ia alu atu lea ma fasia i latou uma na totoe o le aiga o Aapo i Samaria, seʻia faaumatia ai i latou+ e tusa ma le afioga a Ieova na ia fetalai mai ai iā Elia.+ 18  Ua faapotopoto faatasi foʻi e Ieu o le nuu uma, ua faapea atu iā i latou: “E laʻitiiti le tapuaʻiga a Aapo iā Paala.+ A o Ieu, e matuā tele lana tapuaʻi atu iā te ia. 19  O lenei, ia valaau atu i perofeta+ uma a Paala, o ona tagata tapuaʻi+ uma, ma ona ositaulaga+ uma e ō mai iā te aʻu. Aua lava neʻi iai se isi e lē sau, auā o le a ou faia se taulaga tele iā Paala. O le tagata e lē sau, e lē ola.” A ua faitogafiti poto Ieu,+ ina ia faaumatia ai tagata tapuaʻi o Paala. 20  Ua fai atu Ieu: “Ia talaʻi atu se fonotaga paia mo Paala.” Ona latou talaʻi atu lea. 21  Ona auina atu lea e Ieu i Isaraelu uma o se feʻau,+ ina ia ō mai tagata tapuaʻi uma o Paala. E leai foʻi se tasi na totoe e leʻi sau. Ua latou ō mai pea i le malumalu o Paala,+ ma ua matuā faatumulia tulimanu uma o le malumalu. 22  Ona ia fai atu lea i lē sa leoleo i le potu e tuu ai ofu: “Ia aumai ni ofu mo tagata tapuaʻi uma o Paala.” Ona ia aumaia lea o ofu mo i latou. 23  Ona ulufale atu lea o Ieu ma Ionatapa+ le atalii o Rakapa i le malumalu o Paala. Ua ia fai atu i tagata tapuaʻi uma o Paala: “Ia saʻili lelei ma vaai pe e lē o iai se tagata tapuaʻi o Ieova iā te outou, ae na o tagata tapuaʻi lava o Paala.”+ 24  Mulimuli ane, ua latou ō mai i totonu e fai isi taulaga ma taulaga mū, ona tuu lea e Ieu i fafo o tamāloloa e toʻavalu sefulu, ua ia faapea atu: “O le tagata e sola ese mai i tagata ua ou aumaia i o outou lima, e suia o ia i se tasi o outou.”+ 25  Ina ua uma ona ia faia le taulaga mū, ona fai atu loa lea o Ieu i faafeao a le tupu ma auauna: “Inā ō mai ia i totonu ma fasiotia i latou! Aua lava neʻi sao se tasi i fafo.”+ Ona fasia lea e faafeao a le tupu ma auauna+ i latou i le pelu, ma lafo o latou tino oti i fafo, ua oo atu lava i le aai o le malumalu o Paala. 26  Ona latou aumai lea i fafo o poutū paia+ o le malumalu o Paala, ma susunu+ taʻitasi. 27  Ua latou talepe i lalo poutū paia o Paala,+ ma talepe le malumalu o Paala,+ ua latou faatū foʻi e fai ma faleese,+ seʻia oo mai i le aso nei. 28  O lea, ua faaumatia ai e Ieu Paala mai i Isaraelu. 29  E na o agasala a Ierepoamo+ le atalii o Nepata na ia faapogaia ai Isaraelu e agasala,+ e leʻi liliuese ai Ieu mai i le mulimuli atu i ai, o tamaʻi povi poʻa auro ia,+ o le tasi sa i Peteli ma le tasi i Tanu.+ 30  Ona fetalai mai lea o Ieova iā Ieu: “Talu ai sa e faia le mea ua tonu i oʻu luma,+ atoa ai ma mea uma na i loʻu loto sa e faia lea i le aiga o Aapo,+ o le a nonofo ai ou atalii i le nofoālii o Isaraelu, e oo atu lava i lona fā o tupulaga.”+ 31  E leʻi tausisi Ieu e savali i le tulafono a Ieova le Atua o Isaraelu ma lona lotoatoa.+ E leʻi liliuese foʻi o ia mai agasala a Ierepoamo, na ia faapogaia ai Isaraelu e agasala.+ 32  I na aso, na amata faaitiitia ai e Ieova Isaraelu; na fasiotia foʻi e Asaeli+ i latou i le laueleele uma o Isaraelu, 33  e amata mai i Ioritana e agaʻi atu i le mea e oso aʻe ai le lā, o le nuu uma o Kiliata,+ o Kato,+ o Reupena,+ ma Manase,+ e mai i Aroeru+ lea e i tafatafa o le ālia o Arinona, e oo atu lava i Kiliata ma Vasana.+ 34  A o le olaga uma o Ieu, o mea uma na ia faia, ma lona malosi uma, po ua lē o tusia ea i le tusi+ e faatatau i olaga o tupu o Isaraelu? 35  Mulimuli ane, ua taoto Ieu faatasi ma ona augātamā,+ ma ua latou tanu o ia i Samaria; ona pule lea o Ioasasa+ lona atalii e sui iā te ia. 36  O aso foʻi na pule ai Ieu i Isaraelu, e lua sefulu valu tausaga i Samaria.

Faamatalaga Pito i Lalo