Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Timoteo 2:1-26

2  O le mea lea, o oe loʻu atalii e,+ ia e maua pea le malosi+ e ala i le agalelei faifua+ ona o le autasi ma Keriso Iesu,  o mea foʻi na e faalogo ai mai iā te aʻu, ma na molimauina e le toʻatele,+ ia e tuuina atu na mea i tane faamaoni, ona agavaa ai lea o i latou e aʻoaʻo atu i isi.+  Ia e onosaʻi i mea leaga+ i le avea ai o se fitafita+ lelei a Keriso Iesu.  E leai se tagata e auauna o se fitafita+ e auai i faiga faapisinisi,+ ina ia fiafia mai ai iā te ia lē na filifilia o ia e avea ma fitafita.  Afai foʻi e tauvā se tagata i ni taaloga,+ e lē faapaleina o ia seʻi vaganā ua tauvā e tusa ai ma tulafono.  E tatau i le faifaatoʻaga galue mamafa, ona ʻai muamua i fua o le faatoʻaga.+  Ia e mafaufau pea i mea ua ou fai atu ai; ona foaʻi atu lea e le Alii iā te oe o le faautaga loloto+ i mea uma lava.  Ia manatua na faatūina Iesu Keriso mai i le oti,+ ma o ia foʻi o le fanau+ a Tavita e tusa ai ma le tala lelei ua ou talaʻia;+  o lea foʻi ua ou tigāina ai i oʻu noanoataga+ e pei o se tagata fai mea leaga. Peitaʻi, e lē noatia le afioga a le Atua.+ 10  O le mea lea, ou te tumau ai pea i mea uma lava ona o ē ua filifilia,+ ina ia maua foʻi e i latou le faaolataga i le autasi ma Keriso Iesu, faatasi ma le mamalu e faavavau.+ 11  E moni le faamatalaga:+ Afai ua tatou oti faatasi, e tatou te ola faatasi foʻi;+ 12  afai tatou te tumau pea, e tatou te pule faatasi o ni tupu;+ afai tatou te faafiti,+ e na te faafitia foʻi i tatou; 13  afai tatou te lē faamaoni, e faamaoni pea o ia,+ auā e lē mafai ona faafitia e ia o ia lava. 14  Ia faamanatu+ atu pea nei mea iā i latou, ia fai atu+ i luma o le Atua a o fai oe ma molimau,+ e aua le finau i upu,+ auā e lē aogā ona e faaliliuese ai o ē o faalogologo. 15  Ia e taumafai malosi e avea oe ma lē ua finagalo malie+ i ai le Atua, o se tagata faigaluega+ e leai se mea e mā ai,+ e na te taulimaina ma le saʻo le upu moni.+ 16  A ia teena lauga lē aogā e faaleaga ai mea paia;+ auā e faateleina pea lava pea la latou amio faalēmataʻu,+ 17  ma e aati foʻi a latou upu e pei o se maʻi papala.+ E aofia ai Umenaio ma Fileto iā i latou na.+ 18  Ua liliuese nei tamāloloa mai i le upu moni,+ ua la faapea mai ua mavae le toetū;+ ma ua la faaleagaina le faatuatua o nisi.+ 19  E ui i na mea uma, ua faataatia e le Atua le faavae e tumau+ ma ua iai lenei faamaufaailoga: “Ua silafia e Ieova ona lava tagata,”+ ma: “O i latou uma ua taʻua ai le suafa o Ieova,+ ia lafoaʻi le amiolētonu.”+ 20  Ua iai ni ipu auro ma ipu siliva i se fale tele, e iai foʻi ma ipu laau ma ipu omea, o nisi mo fuafuaga mamalu a o isi mo fuafuaga e lē mamalu.+ 21  Afai e faamamao ese se tasi mai i na ipu mo fuafuaga lē mamalu, e fai o ia ma ipu mo fuafuaga mamalu, e faapaiaina, e aogā i lona matai, ma e saunia mo galuega lelei uma.+ 22  O lea, ia sola ese mai i tuʻinanauga masani o talavou,+ a ia tausisi i le amiotonu,+ le faatuatua, le alofa, le filemu,+ faatasi ma i latou o ē e valaau i le Alii mai le lotomamā.+ 23  Ia ʻalofia foʻi fesili valea+ e leai se uiga, auā ua e iloa e tupu ai le femisaaʻi.+ 24  E lē manaʻomia ona faamisa+ se pologa a le Alii, ae e tatau ona agamalu i tagata uma,+ ia agavaa e aʻoaʻo atu,+ ia pulea lelei o ia lava i tulaga leaga,+ 25  ia faatonu atu ma le agamalu iā i latou o ē e tetee;+ atonu e tuu atu e le Atua le avanoa ina ia salamō+ ai i latou, ma iʻu ai ina maua le poto saʻo i le upu moni,+ 26  ina ia toe sagatonu o latou mafaufau mai i le mailei+ a le Tiapolo, talu ai na ia puʻe ola+ i latou ina ia fai lona loto.

Faamatalaga Pito i Lalo