Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

2 Tesalonia 3:1-18

3  Le ʻauuso e, o toe upu nei, ia outou tatalo e lē aunoa mo i matou+ ina ia vave ona agaʻi i luma+ le afioga a Ieova,+ ma ia faamamaluina e pei ona outou faia;  ina ia laveaʻiina foʻi i tatou mai i tagata taulamalama ma amioleaga,+ auā e lē o tagata uma e iai le faatuatua.+  Ae e faamaoni le Alii, e na te faatumauina outou ma puipuia outou mai lē o leaga.+  Ona o i matou o soo o le Alii, ua matou mautinoa+ ai o loo outou faia mea ua matou faatonu atu,+ ma e faaauau lava ona outou faia.  Tau ina ia faaauau ona taʻitaʻi tonu e le Alii o outou loto i le alofa+ i le Atua ma le tumau+ ina ia auauna ai i le Keriso.  O la matou faatonuga+ lenei iā te outou le ʻauuso e, i le suafa o le Alii o Iesu Keriso, ia ō ese+ mai i so o se uso e faalogogatā,+ e lē amioaʻi e tusa ma mataupu na outou maua mai iā i matou.+  Auā ua outou iloa lava le auala e tatau ona outou faaaʻoaʻo mai ai iā i matou,+ auā matou te leʻi faalogogatā a o iai iā te outou,+  e matou te leʻi aai fua foʻi i ni meaʻai a se tasi.+ E leai, ae na matou galulue ma le fitā+ i le pō ma le ao, ina neʻi matou faatigāina so o se tasi o outou.+  E lē ona e leai sa matou pule,+ ae ina ia avea i matou ma faaaʻoaʻo iā te outou, ina ia faataʻitaʻi mai iā i matou.+ 10  O le mea moni, a o matou faatasi ma outou, sa masani ona matou tuuina atu lenei faatonuga:+ “Afai e lē fia galue se tasi, aua neʻi ʻai o ia.”+ 11  Auā ua matou faalogo, e iai nisi o outou e faalogogatā,+ e lē galulue ae e isuisu fua i mea e leai sa latou feʻau i ai.+ 12  O tagata faapena ua matou tuuina atu ai lenei faatonuga ma le apoapoaʻiga ona o le Alii o Iesu Keriso, ia galulue ma le filemu ma aai i meaʻai na alu ai lo latou afu.+ 13  A o outou le ʻauuso e, aua le fiu i le faia o le mea saʻo.+ 14  Ae afai e lē usiusitaʻi se tasi i la matou upu+ o loo i lenei tusi, ia faailogaina+ lea tagata, ma aua neʻi toe auaumea ma ia+ ina ia māsiasi ai o ia.+ 15  Aua foʻi le manatu iā te ia o se fili, a ia apoapoaʻi+ atu pea iā te ia e pei o le uso. 16  Tau ina ia foaʻi atu pea le filemu iā te outou e le Alii o le filemu.+ Ia faatasi atu le Alii iā te outou uma. 17  O aʻu o Paulo, o oʻu alofaaga nei ua ou tusia i loʻu lava lima,+ ma o le faailoga lenei i tusi uma; o laʻu tusilima lea. 18  Ia iā te outou uma le agalelei faifua+ o lo tatou Alii o Iesu Keriso.

Faamatalaga Pito i Lalo