Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Samuelu 8:1-18

8  Mulimuli ane, ona alu atu lea o Tavita e fasi iā Filisitia+ ma faatoʻilaloina i latou,+ ona faoa lea e Tavita o Meti-ama mai i lima o Filisitia.  Ua ia fasia Moapi+ ma fuaina i latou i se maea, ma faataatitia i latou i le eleele, ina ia fuaina i latou i maea e lua e fasiotia ai, ma le maea atoa e faasaoina ai i latou;+ ua avea foʻi tagata Moapi ma auauna a Tavita+ e aumaia a latou meaalofa+ iā te ia.  Ua fasia foʻi e Tavita o Atatesa+ le atalii o Reopa le tupu o Sopa,+ a o alu atu o ia e toe faatū lana pule i vaipanoa o le vaitafe o Eufirate.+  Ua puʻea e Tavita mai iā te ia o tagata tiʻetiʻe solofanua e toʻaafe fitu selau, ma fitafita e savavali e toʻalua sefulu afe;+ ua faapipili+ foʻi e Tavita solofanua uma e tosoina kariota,+ a ua ia faatotoe na o le selau o a latou solofanua.  Ina ua ō mai Suria o Tamaseko+ e fesoasoani iā Atatesa le tupu o Sopa, ona fasia lea e Tavita o tagata Suria e toʻalua sefulu lua afe.+  E lē gata i lea, na tuu e Tavita o leoleoga+ i Suria o Tamaseko; na avea ai tagata Suria ma auauna a Tavita e latou te aumaia meaalofa+ iā te ia. Na faasaoina pea e Ieova Tavita i mea uma na ia fealuaʻi ai.+  Ua ave foʻi e Tavita o talita+ auro lapotopoto sa iai i auauna a Atatesa, ma aumai i Ierusalema.  Ua ave foʻi e le Tupu o Tavita o ʻapamemea e matuā tele lava, mai i Peta ma Perota, o aai o Atatesa.+  Ua faalogo Toi le tupu o Amato,+ ua fasia e Tavita ʻautau uma a Atatesa.+ 10  Ona auina mai lea e Toi o lona atalii o Iorama i le Tupu o Tavita e fesili mai po o ā mai o ia,+ ma faamālō mai iā te ia ona o lona tau faasaga iā Atatesa, ma ua ia fasiotia o ia (auā na aʻoaʻoina Atatesa e tau faasaga iā Toi); sa iai foʻi iā te ia o mea siliva, o mea auro, ma mea ʻapamemea.+ 11  Na faapaiaina foʻi e le Tupu o Tavita o nei mea iā Ieova, faatasi ai ma siliva ma auro na ia faapaiaina mai i nuu uma na ia faatoʻilaloina,+ 12  o Suria, o Moapi,+ o le fanauga a Amoni, o Filisitia,+ o Amaleka,+ ma le vete mai iā Atatesa le atalii o Reopa le tupu o Sopa.+ 13  Ua taʻutaʻua foʻi le igoa o Tavita, ina ua foʻi mai o ia mai i le fasiga o tagata Etoma e toʻasefulu valu afe+ i le Vanu Masima.+ 14  Na ia tuu leoleoga i Etoma.+ Na ia tuu leoleoga i Etoma atoa uma lava, ua avea foʻi tagata uma o Etoma ma auauna a Tavita;+ ua faasaoina pea e Ieova Tavita i mea uma na ia alu i ai.+ 15  Na faaauau ona fai Tavita ma tupu i Isaraelu uma;+ ma na faia pea e Tavita le faamasinogatonu ma le amiotonu+ mo lona nuu uma.+ 16  Na pule Ioapo+ le tama a Seruia i le ʻautau; a o Iosefatu+ le atalii o Ailuta, o ia na faia faamaumauga. 17  Na avea Satoka+ le atalii o Akitopo ma Aimeleka+ le atalii o Aviata ma ositaulaga, ae na avea Seraia ma failautusi. 18  Na pule foʻi Penaia+ le atalii o Ioiata i tagata Kereti+ ma tagata Peleti.+ Ae na fai atalii o Tavita ma ositaulaga.+

Faamatalaga Pito i Lalo