Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Samuelu 4:1-12

4  Ina ua faalogo le atalii+ o Saulo ua oti Apineru i Heperona,+ ona vaivai+ ai lea o lona loto ma ua faateʻia ai Isaraelu uma.  Sa i le atalii o Saulo o tagata e toʻalua o taʻitaʻi o ʻau e faoa mea,+ o le igoa o le tasi o Panaa, a o le igoa o le isi o Rakapa, o atalii o Rimoni le Perota, o le fanauga a Peniamina; auā sa avea Perota+ o se vaega o Peniamina.  Ua sosola atu tagata o Perota i Kitaima,+ ua latou aumau ai i inā e oo mai lava i le asō.  Sa iā Ionatana+ le atalii o Saulo se atalii e pipili ona vae.+ E lima ona tausaga ina ua oo mai le tala e uiga iā Saulo ma Ionatana mai i Isereelu;+ na ave o ia e lē na tausia o ia ma sola, a o tamoʻe faavave atu o ia e sola ona o le fefe, ona paʻū lea o le tama ma ua pipili ai. O lona igoa o Mefiposeta.+  Ua ō atu atalii o Rimoni le Perota, o Rakapa ma Panaa, ua la oo atu i le fale o Isoposeta+ ina ua vevela le aso, a o fai lana mālōlōga i le aoauli.  Ua la ō atu i le ogatotonu o le fale e peiseaʻī o ni tagata ao saito, ma ua la tutuʻi i lona manava i le pelu;+ ona sosola lea o Rakapa ma lona uso o Panaa+ e aunoa ma le iloa e se tasi.  E ō atu i laʻua i le fale, a o taoto o ia i luga o lona moega i lona potumoe, ona la fasia lea o ia ma ua oti ai,+ ua la vavaeese lona ulu,+ ua la ō ma ave e agaʻi atu i le ala i Arapa i le pō atoa.  Ua la aumaia le ulu o Isoposeta+ iā Tavita i Heperona, ua fai mai i le tupu: “O le ulu lenei o Isoposeta le atalii o Saulo lou fili+ o lē na saʻili e fasioti iā te oe;+ a ua tauimasui+ atu e Ieova i loʻu alii le tupu iā Saulo ma ana fanau i le asō.”  Peitaʻi, ua tali atu Tavita iā Rakapa ma lona uso o Panaa, o atalii o Rimoni le Perota, ua ia fai atu iā i laʻua: “O loo soifua+ Ieova o lē na laveaʻiina+ aʻu+ mai i puapuaga+ uma, 10  ina ua tala mai e le tasi tagata iā te aʻu+ e faapea, ‘O lea ua oti Saulo,’ na manatu o ia ua ia aumaia se tala lelei, ae peitaʻi na ou tago atu ma fasioti+ o ia i Sekeleka, a o lona manatu ou te avatu iā te ia se taui o lana feʻau; 11  pe e lē sili ea ona leaga ina ua fasiotia e tagata leaga+ se tagata amiotonu i lona fale i luga o lona moega? A o lenei, pe e lē tatau ea ona ou taui atu lona toto iā te oulua,+ ma soloiesea ai oulua mai i le laueleele?”+ 12  Ua faatonu e Tavita tauleleʻa, ona latou fasioti lea iā i laʻua,+ ma tipiesea o la lima ma o la vae, ma faatautauina+ i tafatafa o le vai tāʻele i Heperona; ua latou ave foʻi le ulu o Isoposeta ma tanu i le fanuatanu o Apineru i Heperona.+

Faamatalaga Pito i Lalo