Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Samuelu 24:1-25

24  Ua toe+ tupu le toʻasā tele o Ieova iā Isaraelu, ina ua faaoso e se tasi Tavita iā i latou, ua faapea atu: “Alu ia inā faitau+ Isaraelu ma Iuta.”  Ona fai atu lea o le tupu iā Ioapo+ le taʻitaʻi o le ʻautau na faatasi ma ia: “Faamolemole, seʻi e fealuaʻi solo i ituaiga uma o Isaraelu, e amata mai i Tanu e oo i Peresepa,+ ia outou lesitala le nuu+ ina ia ou iloa ai le faitau aofaʻi o le nuu.”+  A ua fai mai Ioapo i le tupu: “Ia faaopoopo e Ieova lou Atua i le nuu ia taʻisautuaselau e pei o lo latou toʻatele, a o silasila i ai loʻu alii le tupu. Ae aiseā ua manatu ai loʻu alii le tupu e faia lenei mea?”+  A ua manumalo+ upu a le tupu iā Ioapo ma taʻitaʻi o ʻautau. Ona ō atu ai lea o Ioapo ma taʻitaʻi o ʻautau mai i luma o le tupu, e lesitala+ le nuu o Isaraelu.  Ua latou sopoʻia Ioritana ma tolauapi i Aroeru+ i le itu taumatau o le aai, o loo i le ogatotonu o le ālia, ua latou agaʻi atu i Kato+ ma Iasaru.+  Mulimuli ane, ona latou oo atu lea i Kiliata+ ma le nuu o Tateatesa, ua latou faaauau i Tanu-iana ma ō atu faataamilo i Saitonu.+  Ua latou ō atu i le aai malupuipuia o Turo+ ma aai uma o tagata Hivī,+ ma tagata Kanana, ma oo atu ai i le mutaaga i Nekepi+ o Iuta, i Peresepa.+  Ua latou feoaʻi solo i le nuu atoa, ma ua oo i Ierusalema i le faaiʻuga o masina e iva ma aso e lua sefulu.  Ona avatu lea e Ioapo o le aofaʻiga o le lesitala+ o le nuu i le tupu; e toʻavalu selau afe tagata totoa o Isaraelu e iai a latou pelu, ae e toʻalima selau afe tagata o Iuta.+ 10  Ona tuia+ ai lea o le loto o Tavita ina ua ia faitauina le nuu. Mulimuli ane, ona fai atu lea o Tavita iā Ieova: “Ua ou matuā agasala+ lava i le mea ua ou faia. O lenei, Ieova e, ia e faamagalo le sesē o lau auauna+ faamolemole; auā ua ou valea+ lava ina ua ou faia o lenei mea.” 11  Ina ua tulaʻi Tavita i le taeao, ona oo mai lea o le afioga a Ieova i le perofeta o Kato,+ o lē e faamatalaina faaaliga iā Tavita,+ ua faapea: 12  “Inā alu ia ma fai atu iā Tavita, ‘O le mea lenei na fetalai mai ai Ieova: “E tolu mea ua ou tuuina atu iā te oe.+ Ia e filifili i se mea e tasi o na mea ou te faia iā te oe.” ’ ”+ 13  Ona alu atu lea o Kato iā Tavita ma taʻu atu iā te ia, ma faapea atu:+ “Pe oo mai iā te oe i lou nuu le oge mo tausaga e fitu,+ po o le tolu masina e te sola ai i luma o ou fili+ ae latou tuliloa iā te oe, po o le oo mai o se faamaʻi i lou nuu mo aso e tolu?+ O lenei, ia e manatunatu ma iloa se upu ou te tali atu ai i Lē na auina mai aʻu.” 14  Ona fai mai lea o Tavita iā Kato: “Ua ou matuā mafatia lava. Seʻi o tatou paʻuʻū atu i le aao o Ieova,+ auā e tele lona alofa mutimutivale;+ ae aua neʻi oʻu paʻū atu i lima o tagata.”+ 15  Ona tuuina mai lea e Ieova o le faamaʻi+ iā Isaraelu, e amata mai i le taeao seʻia oo i le taimi atofaina, ua feoti+ ai foʻi tagata e toʻafitu sefulu afe mai i Tanu e oo atu i Peresepa.+ 16  Ua faaloaloa atu pea e le agelu+ lona lima agaʻi i Ierusalema ina ia faaumatia ai; a ua tigā+ Ieova ona o le malaia, ona ia fetalai atu lea i le agelu na faaumatiaina le nuu: “Ua lava lea! Ia taofi lou lima.” Sa latalata ane foʻi le agelu a Ieova i le mea e soli ai saito a Aruna+ le Iepusē.+ 17  Ua fai atu Tavita iā Ieova ina ua ia vaaia le agelu na fasia le nuu, ua ia faapea atu: “O aʻu lenei, ua ou agasala ma ua ou faia le mea sesē; ae o le ā le mea ua faia e nei mamoe?+ Faamolemole, ia oo mai lou aao i oʻu luga,+ ma luga o le aiga o loʻu tamā.” 18  Mulimuli ane, ona alu ane lea o Kato iā Tavita i lenā aso, ma faapea mai iā te ia: “Inā alu aʻe ia ma faatū se fata faitaulaga mo Ieova, i le mea e soli ai saito a Aruna le Iepusē.”+ 19  Ona alu aʻe lea o Tavita e pei o upu a Kato, e tusa ai ma le mea na poloaʻi mai ai Ieova.+ 20  Ina ua vaai ifo Aruna ma iloa atu ai le tupu ma ana auauna o loo ō mai iā te ia, ona alu atu ai lea o Aruna i fafo ma ifo+ atu i le tupu, ua ia faapaʻū faō i le eleele.+ 21  Ua fai mai Aruna: “O le ā le mea ua maliu mai ai loʻu alii le tupu i lana auauna?” Ona fai atu lea o Tavita: “Ou te sau e faatau mai+ iā te oe le mea e soli ai saito, e fai ai se fata faitaulaga iā Ieova, ina ia taofia ai le faamaʻi+ mai i le nuu.” 22  Ona fai mai lea o Aruna iā Tavita: “Ia ave pea e loʻu alii le tupu lea mea,+ ma ofo atu ai mea lelei e tusa ma lou manatu. Vaai! o povi nei mo taulaga mū, ma le laupapa e olo ai saito, ma amo a povi mo fafie.+ 23  Le tupu e, o mea uma a Aruna, e foaʻi atu i le tupu.” Ona fai mai lea o Aruna i le tupu: “Tau ina ia fiafia mai le finagalo o Ieova lou Atua iā te oe.”+ 24  Ae peitaʻi, ua fai atu le tupu iā Aruna: “E leai, ou te faatauina lava mai iā te oe i se tau;+ ou te lē ofoina atu foʻi iā Ieova loʻu Atua ni taulaga mū e aunoa ma se tau.”+ Ona faatau mai+ lea e Tavita o le mea e soli ai saito ma povi, mo le lima sefulu sekeli siliva. 25  Ona faia lea e Tavita i inā o le fata faitaulaga+ iā Ieova, ma ofo atu ai taulaga mū ma taulaga faifaatasi, ona faafofoga mai lea o Ieova i a latou talosaga+ mo le laueleele, ona taofia ai lea o le mala mai iā Isaraelu.

Faamatalaga Pito i Lalo