Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Samuelu 20:1-26

20  Sa iai le tasi tagata e lē aogā,+ o lona igoa o Sepa,+ o le atalii o Pikeri le tagata Peniamina; ua ili e ia le pū+ ma faapea atu: “E leai se aiā a Tavita iā i tatou, e lē o so tatou tofi foʻi le atalii o Iese.+ Isaraelu e, ia taʻitasi ma toe foʻi i ona atua!”+  Ona ō aʻe lea o le nuu uma o Isaraelu mai i le mulimuli atu iā Tavita, ua mulimuli atu iā Sepa le atalii o Pikeri;+ a o tagata o Iuta, ua latou pipii atu pea i lo latou tupu, mai i Ioritana e oo atu i Ierusalema.+   Mulimuli ane, ona alu atu lea o Tavita i lona fale i Ierusalema.+ Ua ave e le tupu o fafine e toʻasefulu,+ o palake o ē na ia tuua e leoleoina le fale, ma tuu atu i latou i le fale e tausi ai, ua ia avatu pea meaʻai mo i latou. Ae e leʻi alu ane o ia e momoe ma i latou,+ a ua leoleoina pea i latou seʻia oo i le aso na feoti ai, e pei o ni fafine nofofua ae o loo ola le tane.  Ua fai atu le tupu iā Amase:+ “Ia faapotopoto faatasi mai tagata o Iuta iā te aʻu i aso e tolu, ma ia e tū mai foʻi ma oe i inei.”  Ona alu lea o Amase e faapotopoto mai Iuta; ae na tuai mai o ia e tusa ma le taimi na atofaina mo ia.  Ua fai atu Tavita iā Apisai:+ “O lenei ua sili atu le leaga o Sepa+ le atalii o Pikeri, nai lo o Apisaloma.+ Ia e ave auauna+ a lou alii ma tuliloa iā te ia, ina ia lē maua e ia ni aai malupuipuia, ma sola ese atu ai mai i o tatou luma.”  Ona ō ai lea o tagata o Ioapo,+ o tagata Kereti,+ o tagata Peleti,+ ma tagata malolosi uma, ua mulimuli atu iā te ia; ua latou ō atu mai i Ierusalema e tuliloa iā Sepa le atalii o Pikeri.  Ua latalata atu i latou i le maa tele o loo i Kipeona,+ ona latou fetaiaʻi ai lea ma Amase.+ Sa ofu Ioapo i le ofu ma le fusipaʻu; ma na fusia foʻi i lona sulugātiti le pelu, o loo i lona faamoega. Ua alu ane o ia, ma ua paʻū ai le pelu.  Ona fai atu lea o Ioapo iā Amase: “Loʻu uso e, o ā mai oe?”+ Ua tago atu le lima taumatau o Ioapo i le ʻava a Amase e sogi atu iā te ia.+ 10  A o Amase, ua lē manatu o ia i le pelu sa i le lima o Ioapo; ua ia tutuʻi+ ai iā te ia i le manava, ma masaa ai lona gaʻau i le eleele, e na te leʻi faia faalua foʻi iā te ia. Ua oti ai o ia. Ua tuliloa e Ioapo ma lona uso o Apisai, o Sepa le atalii o Pikeri. 11  Ona tū ai lea i ona tafatafa o le tasi tauleʻaleʻa o tagata o Ioapo, ma faapea ane: “O lē e fiafia iā Ioapo ma o lē e ʻau iā Tavita,+ ia mulimuli atu o ia iā Ioapo!” 12  Ua lilofia Amase i le toto+ i le ogatotonu o le ala tele. Ina ua vaai atu le tagata ua tutū le nuu uma, ona ia aveese lea o le tino o Amase mai i le ala tele ma tuu i le fanua. Mulimuli ane, ua ia fofola ai i ona luga se ofu, ina ua vaai atu ua tutū tagata uma na ō aʻe iā te ia.+ 13  Ina ua ia aveese le tino o Amase mai i le ala tele, ona ō atu loa lea o tagata ma mulimuli atu iā Ioapo, e tuliloa iā Sepa+ le atalii o Pikeri. 14  Ua ui ane Sepa i ituaiga uma o Isaraelu, ua oo atu i Apela o Petemaaka.+ A o tagata uma o Pikeri, ua latou faapotopoto faatasi ma mulimuli atu iā te ia. 15  Ua latou ō atu ma siʻosiʻo iā te ia i Apela o Petemaaka, ma latou tanu foʻi se mea maupuʻepuʻe i le aai,+ auā o loo tū i totonu o se mea maupuʻepuʻe. Ua eli foʻi e tagata uma na iā Ioapo le pā, ina ia malepe ai. 16  Ona valaau mai lea o se fafine atamai+ mai i le aai: “Faalogo mai ia outou, faalogo mai ia! Faamolemole, seʻi fai atu iā Ioapo, ‘Ia faalatalata mai i nei, seʻi oʻu tautala atu iā te ia.’ ” 17  Ona faalatalata atu lea o ia iā te ia, ua fai mai le fafine: “O oe ea o Ioapo?” Ona ia fai atu lea: “O lea lava.” Ua fai mai o ia iā te ia: “Inā faalogo mai ia i upu a lau teine pologa.”+ Ona ia fai atu lea: “O lea ou te faalogo atu.” 18  Ua ia fai mai: “Sa masani ona latou tautatala i aso anamua e faapea, ‘Ia latou fesili atu i Apela, ona latou faauma ai lea o le mataupu.’ 19  Ua fai aʻu ma sui o tagata filemu+ ma faamaoni+ i Isaraelu. A ua e saʻili e faaumatia le aai+ ma se tinā i Isaraelu. Aiseā e te faaumatia+ ai le tofi+ o Ieova?” 20  Ona tali atu lea o Ioapo ma faapea atu: “Ia matuā mamao lava iā te aʻu ona ou faaumatia ma faatamaʻia. 21  E lē faapena le mataupu, ae o le tagata mai i le vaega maugā o Efaraima,+ o lona igoa o Sepa,+ o le atalii o Pikeri, ua fouvale o ia i le Tupu o Tavita.+ Ia outou aumai tau lava o ia+ iā te aʻu, ona ou alu ese ai lea mai i le aai.”+ Ona fai mai lea o le fafine iā Ioapo: “Faauta! O le a lafoina atu lona ulu+ iā te oe i luga o le pā!” 22  Ona alu lea o le fafine ma tautala atu ma le atamai+ i le nuu uma, ona latou vavaeese lea o le ulu o Sepa le atalii o Pikeri, ma lafo atu iā Ioapo. Ua ili foʻi e ia le pū,+ ona latou taapeape ai lea mai i le aai, ua taʻitasi ma alu i lona fale; a ua toe foʻi Ioapo i Ierusalema i le tupu. 23  Ua pule Ioapo i ʻautau+ uma a Isaraelu; a o Penaia+ le atalii o Ioiata,+ ua pule i le ʻau Kereti+ ma le ʻau Peleti.+ 24  Ua pule Aturamo+ i ē na aumai e faia galuega mamafa; a ua avea Iosefatu+ le atalii o Ailuta ma lē e faia faamaumauga. 25  O Seva+ o le failautusi,+ a o Satoka+ ma Aviata+ o ositaulaga. 26  Na avea foʻi Ira le Iairo ma ositaulaga+ a Tavita.

Faamatalaga Pito i Lalo