Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Samuelu 13:1-39

13  Ua mavae ia mea, sa iai se tuafafine lalelei o Apisaloma,+ o lona igoa o Tamara,+ ma ua alofa+ iā te ia o Amanono+ le atalii o Tavita.  Na matuā mafatia Amanono ma ua maʻi+ ai o ia ona o Tamara lona tuafafine, auā o le taupou o ia, a ua faigatā+ foʻi iā Amanono ona faia o se mea iā te ia.+  O lea, sa iai se uō a Amanono, o lona igoa o Ionatapa+ le atalii o Sima+ le uso o Tavita; o Ionatapa foʻi o se tagata e atamai tele o ia.  Ua fai mai Ionatapa iā te ia: “Le atalii e o le tupu, aiseā ua e faanoanoa ai i lea taeao ma lea taeao? Pe e te lē taʻu mai ea iā te aʻu?”+ Ona fai atu lea o Amanono iā te ia: “Ua ou alofa+ iā Tamara le tuafafine+ o loʻu uso o Apisaloma.”  Ona fai mai lea o Ionatapa iā te ia: “Ia e taoto i lou moega ma faatagā maʻi.+ Pe a sau lou tamā e asiasi mai iā te oe, ona e fai atu lea iā te ia, ‘Faamolemole, seʻi sau Tamara loʻu tuafafine e aumai se meaʻai iā te aʻu ona o lea ou te maʻi, ia fai e ia se meaʻai mo aʻu o le tagata maʻi, ia faia e ia i oʻu luma, ma ia fafaga mai iā te aʻu.’ ”+  Ua taoto Amanono, ua faatagā maʻi,+ ma ua alu atu le tupu e vaai o ia. Ona fai mai lea o ia i le tupu: “Faamolemole, seʻi sau lava Tamara loʻu tuafafine e tao ni keke se lua i oʻu luma, ma ia fafaga mai iā te aʻu ona o lea ou te maʻi.”  Ona alu atu lea o le feʻau a Tavita iā Tamara i lona fale, ua faapea atu: “Faamolemole, seʻi e alu ane i le fale o Amanono lou tuagane, ma fai ai se meaʻai ona o loo maʻi o ia.”  Ua alu Tamara i le fale o Amanono+ lona tuagane a o taoto o ia. Ona tago lea o ia i le palugāfalaoa mata, ua lomi ma faia ai keke i ona luma, ona ia falai lea o keke.  Mulimuli ane, ua ia tago i le falai ma sasaa atu i ona luma, ae e leʻi ʻai ai Amanono, ua ia faapea atu: “Ia ō i fafo tagata uma mai iā te aʻu.”+ Ona ō ai lea i fafo o tagata uma mai iā te ia. 10  Ua fai ane Amanono iā Tamara: “Ia aumai le meaʻai i le potumoe, ina ia e fafaga mai iā te aʻu, auā ua ou maʻi.” Ona tago lea o Tamara i keke na ia faia, ua avatu iā Amanono i totonu o le potumoe. 11  Ina ua latalata atu o ia e fafaga iā te ia, ona tago+ lea o Amanono ma taofi iā te ia, ua faapea atu: “Loʻu tuafafine e,+ sau e ta momoe.”+ 12  A ua faapea mai o ia iā te ia: “E leai, loʻu tuagane e! Aua e te faaleaga+ iā te aʻu; auā e lē masani ona faia o lenei mea i Isaraelu.+ Aua neʻi e faia lenei mea matagā e māsiasi ai.+ 13  A o aʻu, e faapefea ona ou faateʻaina loʻu luma? O oe foʻi, ua pei oe o se tasi o tagata e leai se mafaufau i Isaraelu. O lenei, seʻi e tautala atu faamolemole i le tupu; auā e na te lē taofia aʻu mai iā te oe.” 14  Ae e leʻi faalogo o ia i lana upu, a ua ia faamalosi iā te ia ma faaleaga+ iā te ia, ua momoe foʻi ma ia.+ 15  Ona matuā ʻinoʻino tele lava lea o Amanono iā te ia, ua sili atu foʻi lona ʻinoʻino iā te ia nai lo o lona alofa iā te ia, ua fai atu Amanono iā te ia: “Tū i luga, ma alu ese!” 16  A ua fai mai o ia iā te ia: “E leai, loʻu tuagane e; auā ua sili atu le leaga o lou tulia o aʻu nai lo o le mea leaga ua e faia iā te aʻu!” Peitaʻi, e leʻi faalogo o ia iā te ia. 17  Ua valaau atu o ia i lana auauna sa tautua iā te ia, ua faapea atu: “Faamolemole, seʻi auina ese atu i fafo lenei tagata mai iā te aʻu, ma loka mai le faitotoʻa.” 18  (Sa ofu Tamara i se ofu tusitusi+ talaloa; auā e masani ona oofu i ofu talaloa afafine o le tupu, o taupou i latou.) Ona taʻitaʻi lea e lana auauna o ia i fafo, ua loka foʻi le faitotoʻa. 19  Ona asu aʻe lea e Tamara o le lefulefu+ i luga o lona ulu, ua ia saeia foʻi le ofu tusitusi talaloa sa ofu ai o ia; ua tuu foʻi ona lima i luga o lona ulu,+ ua alu ese atu ma tagiauē a o savali. 20  Ua fai mai Apisaloma+ lona tuagane iā te ia: “Pe na iā te oe ea Amanono+ lou tuagane? O lenei, loʻu tuafafine e, aua le pisa. O ia o lou tuagane.+ Aua neʻi uaʻi lou loto i le mea ua tupu.” Ona nofo ai lea o Tamara i le fale o Apisaloma lona tuagane, ae e leʻi aufaatasi o ia ma isi tagata. 21  Ua faalogo foʻi le Tupu o Tavita i nei mea uma,+ ona matuā ita ai lea o ia.+ 22  E leʻi tautala atu foʻi Apisaloma iā Amanono i se upu lelei po o se upuleaga; auā na ita+ lava Apisaloma iā Amanono ina ua ia toso iā Tamara lona tuafafine. 23  Ina ua mavae tausaga e lua, sa iai tagata o Apisaloma o ē e sele i fulufulu o ana mamoe+ i Paala-asora, lea e lata ane i Efaraima;+ ua valaaulia foʻi e Apisaloma atalii uma o le tupu.+ 24  Ua alu atu Apisaloma i le tupu, ma faapea atu: “O lea e iai i lau auauna o ē e sele i fulufulu o ana mamoe! Seʻi maliu atu le tupu ma ana auauna, faatasi ai ma aʻu lau auauna.” 25  Ona fai mai lea o le tupu iā Apisaloma: “E leai loʻu atalii e! Faamolemole, aua neʻi o matou ō atu uma ina neʻi fai i matou ma avega mamafa iā te oe.” E ui i lona faatauanau+ atu iā te ia, ae e leʻi alu atu o ia, a ua ia faamanuia+ iā te ia. 26  Mulimuli ane, ona fai mai lea o Apisaloma: “Afai e te lē maliu atu, seʻi matou ō ma loʻu uso o Amanono faamolemole.”+ Ona fai atu lea o le tupu iā te ia: “Aiseā e lua te ō ai ma ia?” 27  A ua tauanau+ e Apisaloma o ia, ona ia tuuina atu lea o Amanono e ō ma ia, faatasi ai ma atalii uma o le tupu. 28  Ona poloaʻi lea o Apisaloma i ana auauna e faapea: “Faamolemole, seʻi outou vaavaai, pe afai e fiafia le loto o Amanono ona o le uaina,+ ona ou fai atu lea iā te outou, ‘Ia fasi iā Amanono!’ ona outou fasiotia lea o ia. Aua tou te fefefe.+ Pe e lē o aʻu ea lea ua ou fai atu ai iā te outou? Ia outou faamalolosi ma lototetele.” 29  Ua faia e auauna a Apisaloma iā Amanono e pei ona poloaʻi atu ai o Apisaloma;+ ona tulaʻi lea o atalii uma o le tupu, ua taʻitasi ma tiʻetiʻe i lana asini,* ma latou sosola ai. 30  A o i le ala i latou, ua oo mai le tala iā Tavita e faapea: “Ua fasiotia e Apisaloma o atalii uma o le tupu, e leai se tasi o i latou ua totoe.” 31  Ona tulaʻi lea o le tupu ma saeia ona ofu,+ ua taoto foʻi i le eleele,+ a o tutū ana auauna uma i ona tafatafa, ua saeia+ foʻi o latou ofu. 32  A ua tali atu Ionatapa+ le atalii o Sima,+ le uso o Tavita, e faapea: “Aua neʻi manatu loʻu alii ua latou fasiotia uma tauleleʻa, o atalii o le tupu, ae e na o Amanono ua oti,+ auā na faatonuina e Apisaloma lea mea, o se mea na fuafuaina+ talu mai le aso na ia toso+ ai iā Tamara lona tuafafine.+ 33  O lenei, aua neʻi manatu loʻu alii le tupu i lenei upu e faapea, ‘Ua feoti uma atalii o le tupu’; ae e na o Amanono ua oti.” 34  O le taimi lenā, ua sola ese ai Apisaloma.+ Mulimuli ane, ua tepa aʻe le tauleʻaleʻa, o le tagata vāai+ ma iloa atu ai, ua mulimuli mai i le ala le toʻatele o tagata i ona tua i le itu o le mauga. 35  Ona fai atu lea o Ionatapa+ i le tupu: “Faauta! Ua ō mai alo o le tupu. E pei lava o le upu a lau auauna, ua faapea lava ona fai.”+ 36  Ua uma atu ana upu, ae ō mai loa atalii o le tupu, ona latou fetagisi leotetele ai lea; e oo lava i le tupu ma ana auauna uma, ua matuā fetagisi lava. 37  A o Apisaloma, ua sola o ia ma ua alu atu iā Talemai+ le atalii o Ameuta le tupu o Kasuri.+ Ua faavauvau+ pea Tavita i aso uma lava ona o lona atalii. 38  Ua sola Apisaloma ma ua alu atu i lona ala i Kasuri;+ ua iai foʻi i inā i tausaga e tolu. 39  Mulimuli ane, ua naunau lava le tupu o Tavita e alu atu iā Apisaloma; auā ua faamāfanafanaina e ia o ia lava ona o Amanono, auā ua oti o ia.

Faamatalaga Pito i Lalo

 Po o le “miula,” lea e maua mai i le upu Eperu e faasino atu i le tama a le asini poʻa ma le solofanua fafine.