Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

2 Nofoaiga a Tupu 5:1-14

5  Mulimuli ane, ua māeʻa+ le galuega uma na faia e Solomona mo le fale o Ieova, ona aumaia lea i ai e Solomona o mea na faapaiaina e lona tamā+ o Tavita; o siliva foʻi, o le auro, ma ipu uma ua ia tuufaatasi ma oloa o le fale o le Atua moni.+  O le taimi lea na faapotopoto ai e Solomona i Ierusalema o toeaina o Isaraelu,+ o ulu uma o ituaiga,+ o taʻitaʻi o aiga o tamā+ o le fanauga a Isaraelu, ina ia ave aʻe+ le atolaau+ o le feagaiga a Ieova mai i le Aai a Tavita,+ o Siona lea.+  Ona faapotopoto lea o tagata uma o Isaraelu i le tupu, i le tausamiga i le masina lona fitu.+  Ua ō mai toeaina uma o Isaraelu,+ ma ua ave aʻe e sa Levī le Atolaau.+  Ona latou ō aʻe lea ma ave aʻe le Atolaau,+ ma le faleʻie o le feiloaʻiga,+ ma ipu paia+ uma sa i le faleʻie. Ua ō aʻe le ʻauositaulaga o sa Levī* ma ave aʻe na mea uma.+  Ua iai i luma o le atolaau le Tupu o Solomona ma le faapotopotoga uma o Isaraelu, o i latou na fuafua e faapotopoto faatasi ma ia, ua fai taulaga+ i mamoe ma povi e lē mafaitaulia ona o le tele.  Ua ave aʻe e ositaulaga le atolaau o le feagaiga a Ieova i lona tulaga, i le potu pito i totonu+ o le fale, o le Mea e Sili Ona Paia,+ i lalo ifo o apaʻau o kerupi.+  Ua faaloaloa atu pea e kerupi o la apaʻau i luga o le mea o iai le Atolaau, ua faamalumalu foʻi kerupi i luga+ o le Atolaau ma ona amo.+  A ua uumi amo, ua iloa atu tumutumu o amo mai i le Mea Paia i luma o le potu pito i totonu, a ua lē iloa atu i fafo, ua iai pea i inā seʻia oo mai i aso nei.+ 10  E leai se mea sa i totonu o le Atolaau, ae e na o papamaa e lua+ na tuuina i ai e Mose i Horepa,+ ina ua osia e Ieova le feagaiga+ ma le fanauga a Isaraelu, a o latou ō ese mai i Aikupito.+ 11  Ae ina ua ō mai i fafo ositaulaga mai i le mea paia, (auā o ositaulaga uma na iai, na faapaiaina+ i latou, e leʻi manaʻomia ona latou tausia vaega);+ 12  o sa Levī+ foʻi o ē e pepese sa iā i latou uma, e mai i le aiga o Asafo,+ o Hemana,+ o Iutana,+ o o latou atalii ma o latou uso o ē na oofu i ʻie lelei, ua iai sumepalo,+ o meafaifaaili e iai uaua,+ ma kitara,+ na tutū i le itu i sasaʻe o le fata faitaulaga, sa faatasi ai ma i latou o ositaulaga e toʻaselau lua sefulu o ē na ilia pū;+ 13  ina ua peiseaʻī ua tasi+ le leo o ē e ilia pū ma ē e pepese i viiga ma faafetai iā Ieova, ma ina ua sii aʻe o latou leo i pū, o sumepalo,* ma meafaifaaili e tā ai pese+ ma viiga+ o Ieova auā e “lelei o ia,+ e alofa faamaoni+ o ia e oo i le faavavau,” ona faatumuina ai lea o le fale o Ieova+ i le ao,+ 14  ua lē mafai ona tutū ositaulaga e auauna ona o le ao;+ auā ua tumu le fale o le Atua moni i le mamalu+ o Ieova.

Faamatalaga Pito i Lalo

Po “o le ʻauositaulaga ma le ʻau sa Levī.”
O le “sumepalo” o se meafaifaaili e lapotopoto, ma e tagitagi pe a faafetoʻai le tasi i le isi.