Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Nofoaiga a Tupu 3:1-17

3  Mulimuli ane, ua amata ona fausia e Solomona le fale o Ieova+ i Ierusalema i le Mauga o Moria,+ o i inā na faaali mai ai Ieova iā Tavita lona tamā,+ i le nofoaga na saunia e Tavita i le mea e soli ai saito a Oruna+ le Iepusē.  Ua amata ona ia fausia le fale i le aso lona lua o le masina lona lua, i le tausaga lona fā o lana nofoaiga.+  O mea nei na fai ai e Solomona le faavae o le fausaga o le fale o le Atua moni, o lona umi pe a fua i kupita i le uluaʻi fua e ono sefulu kupita, ma o lona lautele e lua sefulu kupita.+  O le faapaologa+ sa i luma o le umi o le fale e lua sefulu kupita i luma o le lautele o le fale, o lona maualuga e selau lua sefulu kupita; ona ia ufiufi lea o totonu o le fale i le auro māoʻi.  Ua ia ufiufi le fale tele+ i laupapa o le perosi, ona ia ufiufi ai lea i le auro lelei,+ ma ia ave aʻe ai o ata o laau o le pama+ ma filifili.+  Ua ia ufiufi foʻi le fale i maa tāua ina ia matagofie ai;+ a o auro+ e mai i le nuu o auro.  Ua ia ufiufi foʻi le fale, o iviivi, o mea e ui atu ai ma ona puipui ma ona faitotoʻa i le auro;+ na ia vane ai foʻi i puipui ata o kerupi.+  Ua ia faia le fale o le Mea e Sili Ona Paia,+ o lona umi e tutusa ma le lautele o le fale e lua sefulu kupita, o lona lautele foʻi e lua sefulu kupita;+ ona ia ufiufi lea i le auro lelei e ono selau taleni.  O le mamafa o fao+ e lima sefulu sekeli auro; ua ia ufiufi foʻi potu pito i luga i le auro. 10  Ua ia faia foʻi i totonu o le fale o le Mea e Sili Ona Paia o kerupi+ e lua i galuega a tagata e tāina faatusa, ma ufiufi ai i le auro.+ 11  O apaʻau foʻi o kerupi,+ e lua sefulu kupita le uumi, o le tasi apaʻau e lima kupita e paʻi atu i le puipui o le fale, a o le isi apaʻau e lima kupita e paʻi atu i le apaʻau o le isi kerupi.+ 12  O le apaʻau o le tasi kerupi e lima kupita e paʻi atu i le puipui o le fale, a o le isi apaʻau e lima kupita e paʻi atu i le apaʻau o le isi kerupi.+ 13  E lua sefulu kupita e faaloaloa atu ai apaʻau o nei kerupi; e tutū i o la vae ma e fasaga i totonu o la mata. 14  Ua ia faia foʻi le ʻie pupuni+ i le filo lanu moana,+ o le fulufulu mamoe ua vali i le lanu mūmū violē ma le mūmū sesega ma le ʻie lelei, ma teuteuina i kerupi.+ 15  Ona ia faia lea i luma o le fale o poutū e lua,+ e tolu sefulu lima kupita le uumi, ma o tumutumu o poutū taʻitasi na iai ulupou+ e lima kupita. 16  Ua ia faia foʻi filifili+ e pei o ni asoa ma tuu i luga o tumutumu o poutū, ua faia foʻi rimoni+ e selau ma tuu i luga o filifili. 17  Ua ia faatutū foʻi poutū i luma o le malumalu, o le tasi i le itu taumatau ma le isi i le itu tauagavale, ona ia faaigoa lea o le poutū sa i le itu taumatau o Iakinu, a o le igoa o le isi sa i le itu tauagavale, o Poasa.+

Faamatalaga Pito i Lalo