Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Nofoaiga a Tupu 29:1-36

29  E lua sefulu lima tausaga o Esekia+ ina ua fai o ia ma tupu, ma e lua sefulu iva tausaga na ia pule ai i Ierusalema. O le igoa o lona tinā o Avia le afafine o Sakaria.+  Na ia faia pea mea ua tonu i le silafaga a Ieova,+ e tusa ai ma mea uma na faia e Tavita lona augātamā.+  O ia lava na tatalaina faitotoʻa o le fale o Ieova, i le masina muamua o le tausaga muamua o lana nofoaiga, ma amata ona toe faaleleia na mea.+  Ona ia aumaia lea o ositaulaga ma le ʻau sa Levī, ma faapotopoto i latou i le malae+ i le itu i sasaʻe.  Ua ia faapea atu iā i latou: “O outou le ʻau sa Levī, inā faalogo mai ia iā te aʻu. Ia outou faapaiaina+ outou, ma ia faapaiaina le fale o Ieova le Atua o o outou augātamā, ma ia aveeseina le mea lē mamā mai i le mea paia.+  Auā ua lē faamaoni+ o tatou tamā ma ua faia mea leaga i le silafaga a Ieova lo tatou Atua,+ ua latou tuua foʻi o ia+ ma liliuese mai i le faleʻie paia o Ieova,+ ma ua liliu mai ai o latou tua iā te ia.  Ua latou tapunia foʻi faitotoʻa+ o le faapaologa ma tapē molī,+ ua latou lē faamūina mea manogi,+ ma ua latou lē ofoina atu foʻi taulaga mū i le mea paia i le Atua o Isaraelu.+  Ona oo mai ai lea o le toʻasā+ o Ieova iā Iuta ma Ierusalema, ma ua ia faia foʻi i latou ma mea e fefe ai,+ o le mea e maofa+ ma tuufaaili+ ai, e pei lava ona vaaia e o outou mata.  Ua paʻuʻū o tatou augātamā i le pelu,+ ua ave faapagota foʻi o tatou atalii, o tatou afafine, ma a tatou avā ona o lenei mea.+ 10  O lenei, ua naunau loʻu loto e osia se feagaiga+ ma Ieova le Atua o Isaraelu, ina ia liliuese ai lona toʻasā mai iā i tatou. 11  Oʻu atalii e, aua neʻi outou mapu,+ auā ua filifilia outou e Ieova e tutū i ona luma e auauna iā te ia,+ ma avea pea ma ana auauna+ ma ē e faamū taulaga.”+ 12  Ona tutulaʻi lea o le ituaiga o sa Levī,+ o Makata le atalii o Amesai, o Ioelu le atalii o Asaraia mai i le fanauga a sa Koatō;+ e mai i le fanauga a Merari+ o Kiso le atalii o Opeti, ma Asaraia le atalii o Ialeelu; e mai i le ituaiga o Keresona+ o Ioaa le atalii o Sima ma Etena le atalii o Ioaa; 13  e mai i le fanauga a Elisafano+ o Semiri ma Ieielu; e mai i le fanauga a Asafo+ o Sakaria ma Matania; 14  e mai i le fanauga a Hemana+ o Ikielu ma Semi; ma e mai i le fanauga a Iutana+ o Semaia ma Usialu. 15  Ua latou faapotopoto faatasi o latou uso ma faapaiaina+ i latou, ua ō mai foʻi e tusa ai ma le poloaʻiga a le tupu i afioga+ a Ieova, ina ia faamamāina+ le fale o Ieova. 16  Ona ulu atu lea o ositaulaga i le fale o Ieova e faamamā ai, ma aumai i fafo mea lē mamā uma na latou maua i le malumalu o Ieova i le lotoā+ o le fale o Ieova. Ona talia ai lea e le ʻau sa Levī ma ave i fafo i le ālia o Ketarono.+ 17  Ua amata ona latou faapaiaina i le aso muamua o le uluaʻi masina, ma ua latou ō mai foʻi i le faapaologa+ o Ieova i le aso lona valu o le masina; ina ia latou faapaia le fale o Ieova i aso e valu, ma ua latou faamāeʻa ai i le aso lona sefulu ono o le uluaʻi+ masina. 18  Ina ua uma, ona latou ulufale mai lea iā Esekia le tupu ma faapea mai iā te ia: “Ua matou faamamāina le fale atoa o Ieova, o le fata faitaulaga+ o taulaga mū ma ona ipu+ uma, ma le laulau+ o falaoa ua faaputuina ma ona ipu uma.+ 19  O ipu+ uma foʻi na aveesea e le Tupu o Aasa+ mai i le faaaogāina i le taimi o lana nofoaiga i lona lē faamaoni,+ ua matou saunia ma faapaiaina;+ ma ua i luma o le fata faitaulaga o Ieova.” 20  Ua tulaʻi i le taeaopō+ le tupu o Esekia+ ma faapotopoto faatasi alii sili+ o le aai, ua ō aʻe i le fale o Ieova. 21  Ua latou ō mai ma aumai povi poʻa e fitu,+ o mamoe poʻa e fitu, o tamaʻi mamoe poʻa e fitu, ma ʻoti poʻa e fitu e fai ma taulaga o agasala+ mo le malo, ma le malumalu, ma Iuta. Ona ia fai atu lea i atalii o Arona o ositaulaga,+ e ofo atu na manu i luga o le fata faitaulaga o Ieova. 22  Ona latou fasi+ lea o povi ma talia e ositaulaga le toto+ ma sausau+ i luga o le fata faitaulaga; ua latou fasia foʻi mamoe poʻa+ ma sausau le toto+ i luga o le fata faitaulaga, ua latou fasia tamaʻi mamoe poʻa ma sausau le toto i luga o le fata faitaulaga. 23  Ona latou aumaia faalatalata lea o ʻoti poʻa+ o le taulaga o agasala i luma o le tupu ma le faapotopotoga, ma faaee i ai o latou lima.+ 24  Ua fasi e ositaulaga ma faia ai le taulaga o agasala i lo latou toto i luga o le fata faitaulaga, ma faia ai le togisala mo Isaraelu uma;+ auā ua fai atu le tupu e fai le taulaga mū ma le taulaga o agasala+ mo Isaraelu uma.+ 25  Ona ia tofia lea o sa Levī+ i le fale o Ieova, faatasi ma sumepalo,+ o meafaifaaili e iai uaua,+ ma kitara+ e tusa ma le poloaʻiga a Tavita+ ma Kato+ o lē e faamatalaina faaaliga a le tupu, ma Natano+ le perofeta, auā o le aao o Ieova na oo mai ai le poloaʻiga e ala i ana perofeta.+ 26  Ua tutū pea le ʻau sa Levī faatasi ai ma meafaifaaili+ a Tavita, ma le ʻauositaulaga foʻi faatasi ma pū.+ 27  Ua fai atu Esekia e ofo atu le taulaga mū i luga o le fata faitaulaga; ma ina ua amata ona faia le taulaga mū, ona amata foʻi lea o le pese+ iā Ieova ma le iliina o pū, e ala i le taʻitaʻiga a meafaifaaili a Tavita le tupu o Isaraelu. 28  Ona ifo+ lea o le faapotopotoga uma a o usuina+ le pese ma ili pū, na faia nei mea uma seʻia māeʻa ona faia o le taulaga mū. 29  Ina ua māeʻa ona latou ofoina atu le taulaga mū, ona punonou lea ma faapaʻuʻū faō+ le tupu ma i latou uma sa faatasi ma ia. 30  Ua fai atu le tupu o Esekia ma alii sili+ i le ʻau sa Levī ina ia vivii atu iā Ieova i upu o le pese a Tavita+ ma Asafo+ o lē e faamatalaina faaaliga. Ona latou ofoina atu lea o viiga ma le olioli,+ ua latou punonou ma ifo.+ 31  Ona tali atu lea o Esekia, ua faapea atu: “O lenei, ua outou tofia+ outou o ositaulaga iā Ieova. Inā faalatalata mai ia, ma aumai taulaga+ ma taulaga faafetai+ i le fale o Ieova.” Ona aumai lea e le faapotopotoga o taulaga ma taulaga faafetai, ua aumaia foʻi e tagata uma e lotomalilie o taulaga mū.+ 32  O le aofaʻiga o taulaga mū na aumaia e le faapotopotoga, e fitu sefulu povi, e selau mamoe poʻa, ma tamaʻi mamoe poʻa e lua selau, o mea uma ia sa fai ai le taulaga mū iā Ieova;+ 33  e faapea foʻi taulaga paia, e ono selau povi ma mamoe e tolu afe. 34  E na o ositaulaga+ e toʻaitiiti, e leʻi mafai ona latou saeina paʻu o manu o taulaga mū+ uma. Ona fesoasoani lea iā i latou o o latou uso+ o sa Levī seʻia māeʻa+ le galuega, ma seʻia uma ona faapaiaina+ e ositaulaga i latou lava, auā e sili atu ona tonu loto+ o sa Levī e faapaiaina ai i latou, nai lo o ositaulaga. 35  Ua matuā tele foʻi taulaga mū+ faatasi ma gaʻo+ o taulaga faifaatasi,+ ma taulaga i meainu+ mo taulaga mū. Ona saunia+ lea o le auaunaga o le fale o Ieova. 36  Ua olioli Esekia ma le nuu uma ona ua saunia e le Atua moni lona nuu,+ auā na tupu faafuaseʻi lenei mea.+

Faamatalaga Pito i Lalo