Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Nofoaiga a Tupu 25:1-28

25  E lua sefulu lima tausaga o Amasia+ ina ua fai o ia ma tupu, ma e lua sefulu iva tausaga na ia pule ai i Ierusalema. O le igoa foʻi o lona tinā, o Ioatana+ mai i Ierusalema.  Na ia faia pea o mea ua tonu i le silafaga a Ieova,+ ae e lē ma lona lotoatoa.+  Ina ua faatumauina le malo i lana pulega, ona ia fasiotia+ loa lea o ana auauna+ na fasiotia lona tamā le tupu.+  E na te leʻi fasiotia a latou fanau, ae na ia faia e tusa ai ma le mea ua tusia i le tulafono, i le tusi a Mose+ lea na poloaʻi mai ai Ieova, e faapea: “Aua neʻi feoti tamā e sui ai atalii,+ aua foʻi neʻi feoti atalii e sui ai tamā;+ ae e taʻitasi le tagata ma oti i lana lava agasala.”+  Ona faapotopoto faatasi lea e Amasia o Iuta, ma tofia i latou e tutū e tusa ai ma aiga o augātamā,+ o alii sili o taʻitoʻaafe,+ ma alii sili o taʻitoʻaselau+ o Iuta uma ma Peniamina; ua ia lesitala foʻi i latou e amata mai i le taʻilua sefulu+ tausaga ma ē e matutua atu, ua ia maua i latou e toʻatolu selau afe o tane ua filifilia e ō i le ʻautau, o ē e ave tao+ ma talipupuni tetele.+  Ua ia totogi foʻi tagata totoa ma malolosi e toʻaselau afe mai i Isaraelu, i taleni siliva e selau.  Ona sau lea o le tasi tagata o le Atua moni+ iā te ia, ua faapea atu: “Le tupu e, aua neʻi outou ō faatasi ma le ʻautau a Isaraelu, auā e lē o faatasi Ieova ma Isaraelu,+ o le fanauga uma ia a Efaraima.  A ia alu na o oe, ia e gaoioi ma le lototele mo le taua.+ E mafai ona faatautevatevaina oe e le Atua moni i luma o le fili; auā e iai le mana i le Atua e fesoasoani+ ai ma faatautevateva ai.”+  Ona faapea mai lea o Amasia+ i le tagata o le Atua moni: “Ae o le ā le mea e fai i taleni e selau ia na ou avatu i fitafita o Isaraelu?”+ A ua faapea atu le tagata o le Atua moni: “E mafai lava e Ieova ona foaʻi mai iā te oe mea e sili atu nai lo o lenā.”+ 10  Ona vavaeese lea o i latou e Amasia, o fitafita na ō mai iā te ia mai i Efaraima, ina ia ō atu i lo latou nuu. A ua matuā feita i latou iā Iuta, ona latou toe foʻi lea i lo latou nuu ma le ita tele.+ 11  A ua lototele Amasia ma ua ia taʻitaʻia lona nuu ma ō atu i le Vanu Masima;+ ua ia fasiotia foʻi le fanauga a Seira+ e toʻasefulu afe i latou.+ 12  Ae e toʻasefulu afe na puʻe ola e le fanauga a Iuta. Ona latou ave lea o i latou i luga o le papa, ma lafo ifo i latou mai i luga o le papa; ua pāpā ai i latou taʻitoʻatasi uma lava.+ 13  A o fitafita na toe faafoʻi e Amasia e lē ō atu ma ia i le taua,+ ua latou osofaʻia aai o Iuta, e amata mai i Samaria+ e oo i Peteorana,+ ua latou fasiotia le toʻatolu afe o i latou ma faoa foʻi le tele o mea. 14  Ina ua toe foʻi mai Amasia mai i le fasiotiga o tagata Etoma, ona ia aumaia lea o atua+ o le fanauga a Seira ma faatutū e fai ma ona atua,+ ua ia ifo foʻi i ai,+ ma ia faamū ai taulaga.+ 15  Ona matuā toʻasā lea o Ieova iā Amasia, ua ia auina atu iā te ia se perofeta ma faapea atu iā te ia: “Aiseā ua e saʻili+ atu ai i atua+ o le nuu, o ē e leʻi laveaʻia o latou lava tagata mai i lou lima?”+ 16  Ina ua fai atu o ia iā te ia, ona faapea mai loa lea o le tupu iā te ia: “Pe na matou tofia ea oe e avea o se faufautua a le tupu?+ Tuu ia.+ Aiseā o le a latou fasiotia ai oe?” Ona tuu lea o le tala a le perofeta, a ua ia faapea atu: “Ua ou iloa lava ua finagalo le Atua e faaumatia oe,+ auā ua e faia lenei mea+ ma ua e lē faalogo i laʻu fautuaga.”+ 17  Ona filifili lea o Amasia le tupu o Iuta, ma auina atu se feʻau iā Ioasa le atalii o Ioasasa, o le atalii o Ieu le tupu o Isaraelu+ e faapea: “Inā sau ia! Seʻi o ta fesilafaʻi.”+ 18  A ua auina mai e Ioasa le tupu o Isaraelu se feʻau iā Amasia le tupu o Iuta, ua faapea mai:+ “Na auina atu e le vao tuitui i Lepanona se feʻau i le laau o le arasi i Lepanona,+ ua faapea atu: ‘Inā aumai ia lou afafine i loʻu atalii e fai ma ana avā.’+ Ae peitaʻi, na ui ane se manufeʻai+ o le vao sa i Lepanona ma soli le vao tuitui. 19  Na e faapea ifo iā te oe lava, O lenei, na e fasia lava Etoma.+ Ua faamaualuga ai lou loto+ ina ia viia ai oe.+ O lea, inā nofo pea ia i lou fale.+ Aiseā e te fia tau ai a o e vaivai+ ma e paʻū ai, o oe atoa ma Iuta o loo faatasi ma oe?”+ 20  Ae e leʻi faalogo Amasia; auā e mai i le Atua+ moni lenei mea ina ia tuuina atu i latou i ona lima, ona sa latou saʻili i atua o Etoma.+ 21  Ona alu aʻe+lea o Ioasa le tupu o Isaraelu, ua la fesilafaʻi,+ o ia ma Amasia le tupu o Iuta i Petesemesa,+ le aai o Iuta. 22  A ua faatoʻilaloina Iuta i luma o Isaraelu,+ ma ua latou sosola ai e taʻitasi le tagata i lona faleʻie.+ 23  Ua puʻe+ foʻi e Ioasa le tupu o Isaraelu o Amasia le tupu o Iuta, le atalii o Ioasa, o le atalii o Ioasasa i Petesemesa, ona ia aumaia lea o ia i Ierusalema,+ ua ia lepeti le pā o Ierusalema e amata mai i le Faitotoʻa o Efaraima+ e oo atu i le Faitotoʻa o le Tulimanu,+ e fā selau kupita. 24  Ua ia ave foʻi auro ma siliva uma, ma mea uma na maua i le fale o le Atua moni sa iā Opete-etoma,+ o ʻoa i le fale o le tupu,+ ma ē na ave faamalosia, ma toe foʻi atu i Samaria.+ 25  E sefulu lima tausaga+ na ola ai pea Amasia+ le atalii o Ioasa le tupu o Iuta, ina ua oti Ioasa+ le atalii o Ioasasa, le tupu o Isaraelu. 26  A o le olaga uma o Amasia, o mea muamua ma mea mulimuli,+ faauta! po ua lē o tusia ea i le Tusi+ o Tupu o Iuta ma Isaraelu?+ 27  E amata mai i le taimi na liliuese ai Amasia mai i le mulimuli atu iā Ieova, na latou faufau ai e foua+ o ia i Ierusalema. Ona sola lea o ia i Lakisa;+ a ua latou aauina atu nisi e tuliloa o ia i Lakisa, ma ua fasiotia ai o ia i inā.+ 28  Ua latou ave o ia i solofanua,+ ma tanu faatasi ma ona augātamā i le aai o Iuta.+

Faamatalaga Pito i Lalo