Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Nofoaiga a Tupu 24:1-27

24  E fitu tausaga o Ioasa ina ua fai o ia ma tupu,+ ma e fā sefulu tausaga na pule ai o ia i Ierusalema.+ O le igoa foʻi o lona tinā o Sevi mai i Peresepa.+  Ua faia pea e Ioasa+ le mea ua tonu i le silafaga a Ieova+ i aso uma o Ioiata le ositaulaga.+  Ua aumaia e Ioiata avā e toʻalua mo ia, ma na ia fanaua ai o atalii ma afafine.+  Mulimuli ane, ua naunau le loto o Ioasa e toe faafou le fale o Ieova.+  Ona ia faapotopoto faatasi lea o ositaulaga+ ma le ʻau sa Levī, ua faapea atu iā i latou: “Ia outou ō atu i aai o Iuta ma ao mai tupe mai iā Isaraelu uma, ina ia toe faaleleia+ ai le fale o lo outou Atua mai i lea tausaga i lea tausaga;+ ma ia vave ona outou gaoioi e fai le galuega.” Ae e leʻi vave ona gaoioi le ʻau sa Levī.+  Ua aami e le tupu Ioiata le alii sili ma faapea atu iā te ia:+ “Aiseā ua e lē poloaʻi atu ai i le ʻau sa Levī ina ia aumai mai i Iuta ma Ierusalema, lafoga paia a le faapotopotoga o Isaraelu na faatonuina e Mose+ le auauna a Ieova, mo le faleʻie o le atolaau o le Feagaiga?+  A o le fanau a Atalia le fafine amioleaga,+ ua latou osofaʻia le fale o le Atua moni,+ ma ua latou ofoina atu iā Paala+ o mea paia+ uma o le fale o Ieova.”  Ua fai atu le tupu, ona latou faia lea o se pusa+ ma tuu i fafo o le faitotoʻa o le fale o Ieova.  Ua latou auina atu se feʻau i Iuta uma ma Ierusalema, ina ia aumai iā Ieova le lafoga+ paia na faatonuina e Mose+ le auauna a le Atua moni, mai iā Isaraelu i le toafa. 10  Ua olioli+ alii sili+ uma ma le nuu uma, ona latou aumaia lea o tupe ma lafo i totonu o le pusa,+ seʻia oo ina uma mai i latou. 11  Ina ua oo i le taimi talafeagai e na te aumaia ai le pusa e vaavaaia e le tupu e ala i le ʻau sa Levī,+ ma ina ua latou vāai ua tele tupe,+ ona ō mai lea o le failautusi+ a le tupu ma lē e fesoasoani i le faitaulaga sili, ua la sasaa le pusa ma sii i luga ma toe faafoʻi i lona tulaga. O le mea lenā na latou faia i lea aso ma lea aso, ma ua tele foʻi tupe na latou aoina mai. 12  Ona tuuina atu lea e le tupu ma Ioiata i ē e faia+ le galuega o le auaunaga o le fale o Ieova,+ ma ua totogi i latou e avea ma ē e tipiina maa+ ma tufuga+ e toe faafouina le fale o Ieova,+ ma le ʻaufaigaluega i uʻamea ma ʻapamemea e toe faaleleia le fale o Ieova.+ 13  Ua amata galuega a le ʻaufaigaluega,+ ma ua alualu i luma le toe faaleleia o le fale, ma iʻu ai ina latou fausia le fale o le Atua moni e pei o lona fausaga e tatau ona iai, ua latou faamalosia foʻi. 14  Ina ua māeʻa la latou galuega, ona latou aumaia lea o le tupe na totoe i luma o le tupu ma Ioiata, ua latou faia foʻi ipu mo le fale o Ieova, o ipu mo le auaunaga+ ma le ofoina atu o taulaga, o ipu tī,+ o ipu auro+ ma ipu siliva; ua avea foʻi i latou ma ē e ofoina atu e lē aunoa taulaga mū+ i le fale o Ieova i aso uma o Ioiata. 15  Ua toeaina lava Ioiata ma ua faafualoa ona tausaga,+ ona iʻu ai lea ina oti o ia, ma e selau tolu sefulu ona tausaga ina ua oti. 16  Ua latou tanu o ia i le Aai a Tavita faatasi ma tupu,+ auā na ia faia mea lelei i Isaraelu+ ma le Atua moni ma Lona fale. 17  Ua mavae le maliu o Ioiata, ona ō mai lea o alii sili+ o Iuta ma ifo i le tupu. Ua faalogo atu foʻi le tupu iā i latou.+ 18  Ua iʻu ina latou tuua le fale o Ieova le Atua o o latou augātamā, ae auauna atu i pou paia+ ma tupua,+ ona oo mai ai lea o le toʻasā o le Atua iā Iuta ma Ierusalema ona o la latou agasala.+ 19  Ua ia aauina atu pea perofeta+ iā i latou ina ia latou toe foʻi mai iā Ieova; ua latou apoapoaʻi atu pea ae latou te leʻi faalogo.+ 20  Ua ufitia+ Sakaria+ le atalii o Ioiata+ le ositaulaga e le agaga o le Atua,+ ona ia tulaʻi lea i luma o le nuu ma faapea atu iā i latou: “O le mea lenei na fetalai mai ai le Atua moni, ‘Aiseā ua outou solia ai poloaʻiga a Ieova ua outou lē taulau manuia+ ai? Talu ai ua outou tuua Ieova, o le mea lea o le a ia tuua ai foʻi outou.’ ”+ 21  Mulimuli ane, ua latou fouvale iā te ia+ ma fetogi o ia i maa+ i le lotoā o le fale o Ieova, ona o le poloaʻiga lea a le tupu. 22  Ua lē manatua e le tupu o Ioasa le alofa faamaoni na faaali atu e lona tamā o Ioiata iā te ia,+ a ua ia fasiotia lona atalii o lē ina o le a oti, na faapea ane: “Ia silasila mai i ai Ieova ma tauia e ia.”+ 23  Ina ua oo i le amataga+ o le tausaga na sosoo ai, ona siitaua+ mai lea iā te ia o le ʻautau a Suria,+ ua latou osofaʻia Iuta ma Ierusalema. Ona latou faaumatia lea o alii sili+ uma o le nuu mai i le nuu, ma ua latou avatu i le tupu o Tamaseko+ a latou mea uma na vetea. 24  Auā e toʻaitiiti le aofaʻi o tagata o le ʻautau a Suria na osofaʻi+ mai, ma na tuuina atu e Ieova i o latou lima se ʻautau e matuā toʻatele,+ auā ua latou tuua Ieova le Atua o o latou augātamā; ma na latou faaoo foʻi le faasalaga+ iā Ioasa. 25  Ina ua latou ō ese mai iā te ia (auā na tele maʻi+ na maua ai o ia ina ua latou tuua o ia), na fouvale+ ana auauna iā te ia ona o le toto+ o atalii o Ioiata+ le ositaulaga; ua latou fasiotia o ia i luga o lona moega ma ua oti ai.+ Ona latou tanu lea o ia i le Aai a Tavita,+ ae e latou te leʻi tanuina o ia i fanuatanu o tupu.+ 26  O i laʻua nei na fouvale iā te ia: o Sapata+ le tama a Semea le Amoni, ma Iosapa le tama a Someri le Moapi. 27  O le tala i ona atalii, o le tele o feʻau faafaamasinoga e faatatau iā te ia,+ ma le faavae+ o le fale o le Atua moni, ua tusia ia i faamaumauga o Tusi+ o Tupu. Ona pule ai lea o Amasia+ lona atalii e sui iā te ia.

Faamatalaga Pito i Lalo