Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

2 Nofoaiga a Tupu 22:1-12

22  Ua faia e tagata o Ierusalema Aasaia+ lona atalii aupito itiiti e fai ma tupu e sui iā te ia, (auā na fasiotia o ē e matutua+ uma e ʻau e faoa mea na ō mai faatasi ma tagata Arapi+ i le togālauapi,) ona pule lea o Aasaia le atalii o Ioramo e fai ma tupu o Iuta.  E lua sefulu lua tausaga o Aasaia ina ua fai o ia ma tupu,+ ma e tasi le tausaga na ia pule ai i Ierusalema. O le igoa o lona tinā, o Atalia+ le afafine o le atalii o Omeri.+  Na ia savali foʻi i ala o le aiga o Aapo,+ auā sa avea lona tinā+ ma ana faufautua i le faia o mea leaga.  Ua ia faia foʻi mea leaga i le silafaga a Ieova, e pei o le aiga o Aapo, auā na avea i latou ma faufautua+ iā te ia ina ua maliu lona tamā, ma oo ina malaia ai o ia.  Na savali o ia e tusa ma la latou fautuaga,+ ua la ō ma Ioramo+ le atalii o Aapo le tupu o Isaraelu, e siitaua iā Asaeli+ le tupu o Suria i Ramota-kiliata,+ ma ua fana ai Ioramo+ e tagata fanafana aū.  Ona ia toe foʻi lea e togafiti ona manuʻa i Isereelu,+ ia na faamanuʻa ai o ia i Rama,+ ina ua ia tau ma Asaeli le tupu o Suria. A o Asaria+ le atalii o Ioramo+ le tupu o Iuta, ua alu ifo o ia e vaai Ioramo+ le atalii o Aapo i Isereelu, auā ua maʻi o ia.+  Peitaʻi, o le Atua+ na māfua ai ona paʻū+ Aasaia ina ua sau o ia iā Ioramo; ina ua oo mai o ia, na la ō+ ma Ioramo iā Ieu+ le atalii o le atalii o Nimesi,+ o lē na faauuina e Ieova+ e faaumatia le aiga o Aapo.+  Ae ina ua faaoo atu e Ieu le faamasinoga i le aiga o Aapo,+ ua saʻilia e ia o alii o Iuta ma atalii o uso o Aasaia,+ o auauna a Aasaia ma ua ia fasiotia i latou.+  Ua ia saʻilia pea Aasaia, mulimuli ane ua latou puʻea o ia+ a o lafi i Samaria,+ ma aumai o ia iā Ieu. Ona latou fasiotia lea o ia ma tanu,+ auā ua latou faapea ane: “O ia o le atalii o le atalii o Iosefatu,+ o lē na saʻili iā Ieova ma lona lotoatoa.”+ Ua leai foʻi se tasi i le aiga o Aasaia e iai se malosi e pule ai i le malo. 10  A ua iloa e Atalia+ le tinā o Aasaia, ua oti lana tama. Ona tulaʻi lea o ia ma fasiotia fanau uma lava a le tupu o le aiga o Iuta.+ 11  A o Iosepa+ le afafine o le tupu, ua ia ave Ioasa+ le atalii o Aasaia, ma ave faananā o ia mai i atalii o le tupu o ē na tatau ona fasiotia, ma tuu o ia ma lana tausitama i le potumoe i totonu. A o Iosepa le afafine o le Tupu o Ioramo,+ le avā a Ioiata+ le ositaulaga, (auā o ia o le tuafafine o Aasaia,) ua faalafi iā te ia ona o Atalia, ma e na te leʻi fasiotia o ia.+ 12  Ua iai pea o ia ma i latou i le fale o le Atua moni, ua lafi ai mo tausaga e ono,+ a o pule Atalia o se tupu tamaʻitaʻi+ i le nuu.+

Faamatalaga Pito i Lalo