Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

2 Nofoaiga a Tupu 2:1-18

2  Ua faapea ane Solomona e fausia se fale+ mo le suafa o Ieova,+ ma se fale mo lona lava malo.+  Ona faitauina lea e Solomona o tagata e toʻafitu sefulu afe o ē e ave avega, e toʻavalu sefulu afe o ē e tipi maa i le mauga,+ ma le toʻatolu afe ono selau o ē e taʻimua iā i latou.+  Ua auina atu foʻi e Solomona se feʻau iā Hiramo+ le tupu o Turo, e faapea: “E pei ona lua feutagaʻi ma loʻu tamā o Tavita,+ ma e aumai pea iā te ia laupapa arasi e fausia ai se fale mo ia e nofo ai,—  a o lenei ua ou faia se fale+ mo le suafa+ o Ieova loʻu Atua ina ia faapaiaina+ mo ia, e faamū ai mea manogi+ i ona luma, faatasi ma falaoa ua faaputuina,+ o taulaga mū i le taeao ma le afiafi,+ i sapati+ ma masina faatoʻā vaaia,+ ma tausamiga+ iā Ieova lo matou Atua. E faia lenei mea e Isaraelu i aso uma lava.+  O le fale o le a ou fausia e sili lava,+ auā o lo matou Atua e silisili nai lo o isi atua uma.+  O ai ea e iai sona malosi e fausia ai se fale mo ia?+ Auā e lē ofi+ o ia i le lagi ma le lagi o lagi, ma o ai ea foʻi aʻu+ nei ou te faia ai se fale mo ia, e tau lava ina latou faamūina ai taulaga i ona luma?+  O lenei, seʻi e auina mai iā te aʻu se tagata tomai e galue i le auro, le siliva, le ʻapamemea,+ ma le uʻamea, e tomai foʻi i le valiina o fulufulu mamoe i le lanu mūmū violē, ma le mūmū sesega, ma le filo lanu moana, e iloa foʻi vane teuteu, ina ia galulue faatasi ma ē e tomai o loo iā te aʻu i Iuta ma Ierusalema, o ē na filifilia+ e loʻu tamā o Tavita.  Ia aumai foʻi iā te aʻu ni laupapa arasi,+ o perosi,+ ma alemuka+ mai i Lepanona,+ auā ua ou iloa lelei e agavaa au auauna i le tātuuina i lalo o laau o Lepanona,+ (ma o aʻu auauna nei e galulue faatasi ma au auauna,)  ia sauniunia foʻi ia matuā tele ni laupapa mo aʻu, auā o le fale ua ou fausia e sili lava, ma e matuā ofoofogia. 10  Faauta! ou te avatua saito e aai ai au auauna o ē e faaputuina laau ma ē e tātuuina laau, e lua sefulu afe kori o saito, e lua sefulu afe kori*+ o karite,* e lua sefulu afe paita* o le uaina,+ ma le lua sefulu afe paita o le suāuu.” 11  Ona tusia lea e Hiramo le tupu o Turo+ o le tusi ma auina atu iā Solomona, e faapea: “Ona o le alofa+ o Ieova i lona nuu, ua ia fai ai oe ma tupu iā i latou.”+ 12  Ua faapea mai Hiramo: “Ia viia Ieova le Atua o Isaraelu,+ o lē na faia le lagi ma le lalolagi,+ auā ua ia foaʻi mai i le tupu o Tavita se atalii atamai, e iai le faautaga mamao ma le malamalama,+ o lē e na te faia se fale mo Ieova ma se fale mo lona lava malo.+ 13  O lenei, ou te auina atu se tagata tomai ua lava lona malamalama, o Hiramo-api,+ 14  o le tama a le fafine mai i le fanauga a Tanu, ae o lona tamā o se tagata Turo, e tomai e galue i auro, o siliva, o ʻapamemea,+ o uʻamea, o maa,+ o laupapa, o fulufulu mamoe ua vali lanu mūmū violē,+ o filo lanu moana,+ o ʻie lelei+ ma mūmū sesega,+ e tomai foʻi i le vaneina o teuteu eseese, ma le tusiaina+ o ata eseese+ e tuuina atu iā te ia, faatasi ai ma ou tagata tomai, ma tagata tomai a loʻu alii o Tavita lou tamā. 15  O lenei, o saito, o karite, o suāuu ma uaina na folafola mai e loʻu alii, ia aumai e ia i ana auauna.+ 16  Ae e matou te tātuuina i lalo laau+ mai i Lepanona e tusa ma mea uma ua e manaʻomia,+ ona matou avatu lea iā te outou i vaa laupapa i le sami+ i Iopa,+ ona outou ō ane lea ma ave aʻe i Ierusalema.” 17  Ona faitauina lea e Solomona o tagata ese uma, o ē sa i le nuu o Isaraelu,+ ina ua uma ona faitauina i latou+ e Tavita lona tamā; e toʻaselau lima sefulu tolu afe ma le ono selau na iai. 18  Ona ia tofia lea o ē e ave avega+ e toʻafitu sefulu afe, o ē e tipi maa+ i le mauga e toʻavalu sefulu afe, ma le toʻatolu afe ono selau o ē e taʻimua i tagata o loo faia le galuega.+

Faamatalaga Pito i Lalo

O le “kori” o le fua o meaʻai e tusa ma le 220 lita.
O le “karite” o se isi ituaiga saito. O le upu faa-Peretania o le barley.
O le fua o le “paita” pe tusa ma le 22 lita.