Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

2 Nofoaiga a Tupu 18:1-34

18  Sa tele le ʻoa ma le mamalu+ iā Iosefatu; ae peitaʻi, ua fetaiaʻi o laʻua gafa+ ma Aapo.+  I tausaga mulimuli ane ai, na ia alu ifo ai iā Aapo i Samaria;+ ona faia lea e Aapo mo ia ma le nuu sa faatasi ma ia, o taulaga i mamoe+ ma povi e tele. Na ia faaoso+ foʻi iā te ia e la te siitaua iā Ramota-kiliata.+  Ona fai mai lea o Aapo le tupu o Isaraelu iā Iosefatu le tupu o Iuta: “Pe ta te ō i le taua i Ramota-kiliata?”+ A ua fai atu o ia iā te ia: “O aʻu nei e tutusa ma oe, o loʻu nuu e pei o lou nuu, e matou te ō foʻi ma oe i le taua.”+  A ua fai atu Iosefatu i le tupu o Isaraelu: “Faamolemole, seʻi fesili+ muamua atu lava i se afioga mai iā Ieova.”  Ona faapotopoto faatasi lea e le tupu o Isaraelu o le ʻauperofeta,+ e toʻafā selau tagata, ma fai atu iā i latou: “Pe e matou te ō atu ea e tau ma Ramota-kiliata, po ou te nofo?”+ A ua latou fai mai: “Inā maliu aʻe ia, auā e foaʻi mai lava e le Atua moni le aai i lima o le tupu.”  A ua fai atu Iosefatu: “Pe e lē o iai ea i inei se perofeta a Ieova?+ Seʻi o tatou fesili atu e ala iā te ia.”+  Ona fai mai lea o le tupu o Isaraelu iā Iosefatu:+ “O loo iai pea se tasi tagata+ e fesili atu ai iā Ieova, ae ou te matuā ita lava iā te ia,+ auā e na te lē valoia ni mea lelei e faatatau iā te aʻu, ae e na o mea leaga+ e lē aunoa. O ia lea o Mekaio le atalii o Imila.”+ Ae peitaʻi, ua fai atu Iosefatu: “Aua neʻi fetalai mai le tupu i se mea faapena.”+  Ona valaau atu lea o le tupu o Isaraelu i se tagata aloaʻia,+ ua faapea atu: “Ia aumai faavave Mekaio le atalii o Imila.”+  Ua taʻitasi le tupu o Isaraelu ma Iosefatu le tupu o Iuta, ma nonofo i o la nofoālii i le mea e soli ai saito i le faitotoʻa o Samaria, ua oofu foʻi i o la ofu+ tautupu; ma ua gaoioi perofeta uma i o la luma e pei o ni perofeta.+ 10  Ona faia lea e Setekaia le atalii o Kenaana mo ia o seu+ uʻamea, ma faapea atu: “O le mea lenei na fetalai mai ai Ieova,+ ‘O mea nei e te tatui ai tagata Suria seʻia e faaumatia i latou.’”+ 11  Ua faapena foʻi valoaga ua faia e isi perofeta uma, ua faapea atu: “Ia e alu aʻe i Ramota-kiliata ma ia e manumalo,+ e foaʻiina mai lava e Ieova le aai i lima o le tupu.”+ 12  Ona fai atu lea iā te ia o le avefeʻau na alu atu e aami iā Mekaio e faapea: “Faauta! E matuā logolelei lava i le tupu upu a perofeta; seʻi faapea foʻi ona fai au upu e pei o se tasi o i latou,+ ma ia e tautala atu i se upu lelei.”+ 13  A ua fai mai Mekaio: “O loo soifua Ieova,+ o le mea e fetalai mai ai loʻu Atua, o le mea foʻi lea ou te tautala atu ai.”+ 14  Ua sau o ia i le tupu, ona fai atu lea o le tupu iā te ia: “Mekaio e, pe e matou te ō atu ea i Ramota-kiliata i le taua, po ou te nofo?” Ona ia fai mai lea: “Inā ō aʻe ia, ma ia outou manumalo; e tuuina atu i latou i o outou lima.”+ 15  Ona fai atu lea o le tupu iā te ia: “Po ua faafia ona ou faatautō+ oe e aua neʻi e toe tautala mai iā te aʻu i se tasi mea, ae e na o le upu moni lava i le suafa o Ieova?”+ 16  Ua fai mai o ia: “Na ou vaaia lava Isaraelu uma o taapeape i mauga, e pei o ni mamoe ua leai se leoleo mamoe.+ Ona fetalai mai lea o Ieova: ‘O i latou nei ua leai ni matai.+ Ia tuu atu i latou e taʻitasi ma toe foʻi atu ma le filemu i lona fale.’”+ 17  Ona fai atu lea o le tupu o Isaraelu iā Iosefatu: “Po ou te leʻi fai atu ea iā te oe, ‘E na te lē valoia ni mea lelei e faatatau iā te aʻu, ae e na o mea leaga’?”+ 18  Ona ia faapea mai lea: “O le mea lea, inā faalogologo mai ia outou i le afioga a Ieova:+ Ua ou iloa atu Ieova o loo tiʻetiʻe i lona nofoālii,+ a o laulaututū ʻautau+ uma o le lagi i lona itu taumatau ma lona itu tauagavale.+ 19  Ua fetalai atu foʻi Ieova, ‘O ai e na te faavaleaina Aapo le tupu o Isaraelu, ina ia alu aʻe ma oti ai i Ramota-kiliata?’ Ona talanoa lea, ua fai mai le tasi e faapea, a ua fai mai le isi e faapea.+ 20  Mulimuli ane, ua alu ane se agaga+ ma tū i luma o Ieova ma faapea mai, ‘Ou te faavaleaina o ia.’ A ua fetalai atu Ieova iā te ia, ‘E faapefea?’+ 21  Ona ia fai mai lea, ‘Ou te alu lava, ma e avea aʻu ma agaga taufaasesē i gutu o ana perofeta+ uma.’ Ona ia fetalai atu lea, ‘E te faavalea iā te ia, ma e te manumalo+ iā te ia. Inā alu ia ma fai lenā mea.’+ 22  O lenei, ua tuuina e Ieova se agaga taufaasesē i gutu o au perofeta;+ a ua fetalai Ieova o le a oo puapuaga iā te oe.”+ 23  Ona faalatalata mai lea o Setekaia+ le atalii o Kenaana,+ ma ua ia pō le alafau+ o Mekaio,+ ua faapea mai: “O fea na ui ane ai le agaga o Ieova i oʻu luma ina ia tautala atu iā te oe?”+ 24  Ona fai atu lea o Mekaio: “Faauta! E te iloa lava i lenā aso+ le auala pe a e ulu atu i le potu pito i totonu e te lafi ai.”+ 25  Ua faapea atu le tupu o Isaraelu: “Ia outou ave Mekaio ma toe faafoʻi o ia iā Amone le alii sili o le aai, ma Ioasa le atalii o le tupu.+ 26  Ia outou faapea atu, ‘O loo faapea mai le tupu: “Ia outou tuuina lenei tagata i le falepuipui,+ ia outou faaitiitia meaʻai+ e ʻai ai, ma faaitiitia vai e inu ai seʻia ou toe foʻi mai ma le filemu.”’”+ 27  Ona fai mai lea o Mekaio: “Afai e te toe foʻi mai ma le filemu, e leʻi fetalai mai la Ieova iā te aʻu.”+ Ua ia toe faapea mai: “Le nuu e, inā faalogologo mai ia outou.”+ 28  Ona ō aʻe lea o le tupu o Isaraelu ma Iosefatu le tupu o Iuta i Ramota-kiliata.+ 29  Ua fai atu le tupu o Isaraelu iā Iosefatu: “Ou te ofu ese+ ma ou alu atu i le taua, a o oe, ia fai ou lava ofu.”+ Ona faia lea o ofu ese o le tupu o Isaraelu, ma ua la ō atu i le taua.+ 30  A ua poloaʻi atu le tupu o Suria i alii e pule i ana kariota, e faapea: “Aua neʻi outou tau ma ē e faatauvaa po o ē e sili, ae e na o le tupu lava o Isaraelu.”+ 31  Ina ua iloa atu e alii e pule i kariota Iosefatu, ona latou faapea ifo lea iā i latou: “O le tupu lea o Isaraelu.”+ Ona latou faasaga ane lea e tau ma ia; ma ua alaga atu foʻi Iosefatu mo se fesoasoani,+ ona fesoasoani mai lea o Ieova iā te ia,+ ma ua faaliliueseina e le Atua i latou mai iā te ia.+ 32  Ae ina ua iloa e alii e pule i kariota e lē o le tupu lea o Isaraelu, ona toe foʻi atu loa lea o i latou, ua lē toe mulimuli atu iā te ia.+ 33  Sa soona loloʻu ma le lē iloa e le tasi tagata le ʻaufana, a ua lavea+ ai le tupu o Isaraelu i le sooga o lona ofutau, ona ia fai atu lea i lē o loo aveina le kariota:+ “Ia tago mai, ma aveese aʻu mai i le taua, auā ua ou manuʻa leaga lava.”+ 34  Ua faateteleina pea le taua i lenā aso, ma ua faatū e nisi le tupu o Isaraelu i totonu o le kariota e feagai ma tagata Suria seʻia oo i le afiafi; ona iʻu ai lea ina oti o ia a o goto ifo le lā.+

Faamatalaga Pito i Lalo